Jer. 2:19 - Bhaibheri Rakachena muChindau

¹⁹ Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 2:19 Iomraidhean Croise

1 Madzi. 18:18

Wakapingura echiti, “Andizi kutambudza Isuraeri, asi ndiwe nevemhatso yababa ako, ngokuti mwakasiya mipango yaMambo Mwari, kuteera miedzaniso yaBhaari.

2 MaKro. 12:5

Zvino Shemaia muprofeti wakauya kunaRehobhoamu nokuvakuru vaJudha, avo vaiya vaungana Jerusarema ngendaa yaShishaki, naye wakati kwevari, “Unoronza izvi Mambo Mwari: Imwimwi mwakandisiya, ndizvo neniwo ndamusiya munyara yaShishaki.”

2 MaKro. 21:10

Ndizvo vaEdhomu vanondomukira utongi hwaJudha metsa nanyamashi. Panguvayo veRibhinawo vakamukira kubva pashi penyara yake; ngokuti iye waiya akasiya Mambo Mwari, Mwari wemadzibaba ake.

2 MaKro. 25:16

Asi apo achaereketa mambo wakati kwaari, “Takakuita mupangi wamambo here iwewe? Rekera! Ungaurairwenyi iwewe?” Ndizvo muprofeti wakanyarara, asi wakati, “Ndinozia kuti Mwari waemesa kukuparadza, ngendaa yokuti waita izvi, newe auzi kupurutana kupanga kwangu.”

Nduyo 36:1

Chishaishi chinoereketa kunewakashata mukati mumwoyo mwake; akuna kumutya Mwari mukuona kwake.

EKISEDHUSI 33:6

Ndizvo vana vaIsuraeri vakadzidusira zvinemeso zvavo kubvira vari paMutunhu Horebhi.

Mazwi 1:31

ndizvo vanozodya michero yenjira yavo, nokuzadzwa ngokuronga mazano avo.

Mazwi 1:32

Ngokuti kupauka kwaavo vasina ungwaru kunozovauraya, nokugarisika kwemapenzi kunozovapedza.

Mazwi 5:22

Zvishaishi zvewakashata zvinozomubata, naye unozobatwa ngezvisungo zvokushaisha kwake.

Isa. 3:9

Kuoneka kwehope dzavo kunopupura ndivo; navo vanoronza pamhene zvishaishi zvavo kudai ngeSodhoma, avazvifishi. Ihehe kwevari, kumweya yavo! Ngokuti vadziunzira pachavo zvakashata.

Isa. 5:5

Zvino izwai, ndinozomuronzera chendinozoita kumunda wangu wemivhini. Ndinozodusa rushosha rwawo, nawo uzodyiwa; ndinozoputsa rukumbati rwawo, nawo unozotsikwatsikwa pashi.

Isa. 50:1

Izvi ndizvo zvinoronza Mambo Mwari, “Iri pari tsamba yamai ako yokugura muchado, iyo yendakavarasha ndiyo? Nokuti kunaani wevakweretesi vangu wendakakutengesa kwaari iwewe? Haiwa, ngendaa yezvishaishi zvako wakatengeswa, ngendaa yokupauka kwako mai ako akarambwa.

Jer. 1:16

Ndinozoronza kutonga kwangu kwevari ngendaa yokushata kwavo kweshe, avo vakandisiya, vakapisha mutombo unegwema rakanaka pamberi pezvimwari zvimweni, nokudira mishando yenyara dzavo.

Jer. 13:22

Nokudai wechiti mumwoyo mwako, “Ngenyi izvi zviro zvauya padera pangu?” Indaa youwandu hwezvishaishi zvako zvokusimira zvako zvafukurwa nezvisisinho zvako zvaremadzwa.

Jer. 2:17

Auzi kudziunzira izvi padera pako here, ngokusiya Mambo Mwari, Mwari wako, apo akakutungamirira munjira?

Jer. 3:22

Petukai, imwimwi vana vasikagondeki, ndinozorapa kusikagondeka kwenyu. “Ringira, tinouya kwouri; ngokuti iwewe uri Mambo Mwari, Mwari wedu.

Jer. 4:18

“Njira yako nemishando yako zvakuunzira izvi padera pako; uku kuri kushata kwako, kuvavanyi kwekunoita! Zvabaya mumwoyo mwako.”

Jer. 5:22

Amundityi here?” Unoronza Mambo Mwari; “Amuhuti here pamberi pangu? Ndakaisa jecha kuti riite muganu woruandhle, ngechironzo chemhera nariini, kuti rusazoudarika; kunyazwi mafungu arwo anorichaya aanyisi, kunyazwi anotinhira, aakoni kudarika.

Jer. 5:24

Avaronzi mumwoyo mwavo kuti, ‘Ngatitye Mambo Mwari, Mwari wedu, uwo unonaisa mvura, yeshe yokutanga neyokuteerera ngenguva yayo; unotiemesera mavhiki okukukura.’

Jer. 5:6

Ndiyo ndaa mhondoro inobva mugwasha inozovauraya, negava romushango rinozovaparadza. Khamba rinohwarira madhorobha avo; weshe unobudamwo unozobaurwa kuita zvigurwa, ngokuti zvishaishi zvavo zvakawanda, nokuhwirira kwavo sure kwakanyanya.

Jer. 7:19

Ndini here wevanomusira ushungu? Avadziitiri here kukangaidzwa kwavo?” Unoronza Mambo Mwari.

Jer. 8:5

Zvino ngenyi ava vanhu veJerusarema vechihwirira sure mikuwo yeshe? Vanobatisisa kuchengedzera, vanoramba kupetuka.

Ezek. 23:30

zvaunza izvi padera pako, ngokuti iwewe wakaita uhure nemadzinza evanhu, ukadzisvipisa pachako ngemiedzaniso yavo yokudira.

Ezek. 39:24

Ndakaita kwevari kudai ngokusikasukiki kwavo, nokudai ngokupauka kwavo nokufisha hope yangu kubva kwevari.

Hos. 11:7

Vanhu vangu vanoemesa kuhwirira sure kubva kwendiri. Kune Uri-padera-pazveshe vanodaidza, asi aavamirudzi.

Hos. 13:9

“Ndinozokuparadza, O Isuraeri, ngokuti kudetserwa kwako kuri mwendiri.

Hos. 14:1

O Isuraeri, hwirira kunaMambo Mwari, Mwari wako, ngokuti wakawa ngokushata kwako.

Hos. 4:16

Kudai ngetsiru risikazwi, Isuraeri aazwi; zvino Mambo Mwari ungavausha kudai ngekakwai kumafuro akapamhama here?

Hos. 5:5

Kudzikudza kwaIsuraeri kunopupura muhope yake kumuitira ndaa; Efuremu unopumhunwa mukushaisha kwake; Judha naye unopumhunwa pamwepo navo.

Hos. 7:2

Asi avapinimidzi mumwoyo mwavo kuti ndinokarakadza kweshe kushata kwavo. Zvino zviito zvavo zvinovatendenedza, zviripo pamberi pehope yangu.

Hos. 9:1

Usadakara, O Isuraeri! Usadakara kudai ngemadzinza amweni, ngokuti wakaenda koohura kubva kunaMwari wako. Wada muthuso wokuhora pambuwa dzeshe.

Amo. 8:10

Ndinozotsandura madhiri enyu kuita kubonda, nendwiyo dzenyu dzeshe kuita kuchema; ndinozounza machira emasaka pazviunu zveshe, nemhanza padera pesoro reshe; ndinozozviita kuti zvidai ngokubonda ngendaa yomukororo umwe ega, nokupera kwazvo kudai ngezuva rinovava.

Mik. 1:5

Zveshe izvi indaa yokushaisha kwaJakobe, nezvishaishi zvemhatso yaIsuraeri. Ndaa yaJakobe ngeiri? Andiyo here Samaria? Nendau dzakakwirira dzaJudha ngedziri? Andidzopi Jerusarema here?

Zek. 7:11

“Asi vakaramba kupurutana, vakafuratira pfudzi risikapurutani, vakatsiira nzee dzavo, kuti vasazozwa.

Varoma 3:18

“Apana kutya Mwari pamberi pemadziso avo.”

Vato. 10:13

Asi imwimwi mwakandisiya, mukadira zvimwari zvimweni; ndizvo andichamusunhurizve.