Jer. 2:15 - Bhaibheri Rakachena muChindau

¹⁵ Mhondoro dzamubhongera, dzabhonga kakurutu. Vakachakata nyika yake; madhorobha ake aamatongo, asina unogaramwo.

Jer. 2:15 Iomraidhean Croise

Jobe 4:10

Kukwanga kwemhondoro, neizwi remhondoro rinotyisa, nemazino evana vemhondoro anoguka.

Nduyo 57:4

Ndinoata pashi pakati pemhondoro dzinoboka kudya nyama yomunhu; mazino avo mikhondo nemisee, rurumi rwavo ishoti dzinopinza.

Isa. 1:7

Nyika yenyu yaita matongo, madhorobha enyu apishwa ngomuriro; pamberi penyu vapara vanodya nyika yenyu; yaita matongo, yabvukwa ngavapara.

Isa. 24:1

Ringira, Mambo Mwari waakuda kuparadza zveshe zviri munyika nokuisiya isina chiro, naye unozopeta padera payo, nokuparadzira vanhu vanogara mukati mwayo.

Isa. 5:29

Kurira kwawo kunodai ngemhondoro, vanorira kudai ngemhondoro itsva; vanobhonga nokubata mhuka, vanoitwara kuenda nayo, pasina naumwe unonunura.

Isa. 5:9

Mambo Mwari wehondo unopika mukuzwa kwenzee dzangu, “Ngegwinyiso mhatso dzakawanda dzinozoita matongo, dzakakura nokunaka, dzisina vanhu.

Isa. 6:11

Zvino ndakati, “Mambo Mwari, mukuwo wakadini?” Naye wakati, “Metsa madhorobha aita matongo asina unogaremwo, nemhatso dzisina vanhu, nenyika iite shango yaamho;

Jer. 10:22

Izwai, bope! Purutana, rinouya, bope guru rinobva kunyika yedera, kuita kuti madhorobha aJudha aite matongo, bako remakava anotyisa.”

Jer. 25:30

“Ndizvo iwewe unozoprofeta kwevari mazwi aya eshe, wechiti kwevari, ‘Mambo Mwari unozodaidzira kubva mudenga, nokuereketa ngeizwi rake kubva muugaro hwake hwakachena; unozodaidzira ngesimba kumutanga wake; unozozhambarara kudai ngaavo vanotsikatsika mavhini, kurwisana neavo veshe vanogara munyika.

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 26:9

Waprofeta ngenyi ngezina raMambo Mwari wechiti, ‘Mhatso iyi inozodai ngeShiro, nedhorobha iri rinozoita dongo risikazogarwi?’ ” Nevanhu veshe vakaungana kurwisa Jeremia mumhatso yaMambo Mwari.

Jer. 33:10

Izvi ndizvo zvinoronza Mambo Mwari; “Mundau iyi yomunoronza kuti, yaita matongo, isina munhu nokuti mhuka, mumadhorobha aJudha, nomumapato eJerusarema, awo aita matongo, asina munhu unogaremwo nokuti mhuka

Jer. 34:22

Ringira, ndinozopanga, unoronza Mambo Mwari, naye unozovapetudza kuiri dhorobha; navo vanozorirwisa nokuritora, nokuripisha ngomuriro. Madhorobha aJudha ndinozoaita matongo, asina unogaremwo.”

Jer. 4:7

Mhondoro yabuda kubva mugwasha; muparadzi wemadzinza wabuda munjira kuuya; wabuda kubva kundau yake kuti aparadze nyika yenyu; madhorobha enyu anozoita matongo asina unogaramwo.

Jer. 44:22

Naapo Mambo Mwari asikachakoni kuringira kushata kwezviito zvenyu, zvinyangadzo zvemwakaita; ndizvo nyika yenyu yakaita dongo nokuparadzwa neyakatukwa, isina unogaramwo, kudai ngezveyakaita nyamashi.

Jer. 5:6

Ndiyo ndaa mhondoro inobva mugwasha inozovauraya, negava romushango rinozovaparadza. Khamba rinohwarira madhorobha avo; weshe unobudamwo unozobaurwa kuita zvigurwa, ngokuti zvishaishi zvavo zvakawanda, nokuhwirira kwavo sure kwakanyanya.

Jer. 50:17

“VaIsuraeri vakadai ngegwai rinovhimwa rinorumbirirwa ngemhondoro. Pakutanga mambo weAsiria wakavadya, nepakugumisira Nebhukhadhineza mambo weBhabhuroni wakatsenga magodo avo.”

Jer. 51:38

Veshe pamwepo vanorira kudai ngemhondoro; vanobhonga kudai ngevana vemhondoro.

Jer. 6:8

Tenda kupangiwa, O Jerusarema, kuti mweya wangu urekere kupetuka kubva kweuri, ndikuite matongo, nyika isikagarwi ngevanhu.”

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Ezek. 36:3

“Ndizvo, profeta wechiti, ‘Izvi ndizvo zvinoronza Mambo Mwari, Mwari: Ngokuti vakamuita matongo yaamho, nokumupwanya kundau dzeshe, kuti muite nhaka yemadzinza evakasara, nemwi mwakareiwa mumiromo yevaereketi, mukaitwa vanyepi pakati pevanhu;

Ezek. 5:14

Zve, ndinozokuita dongo nechiro chinoshekedza pakati pemadzinza anomutendenedza, mukuona kwavo veshe vanopindapo.

Hos. 11:10

“Vanozoteera Mambo Mwari, uwo unobhonga kudai ngemhondoro; apo yechibhonga, vana vake vanozouya vechihuta vechibva kumabirirazuva.

Hos. 5:14

Ngokuti ndinozodai ngemhondoro kunaEfuremu, nokudai ngemhondoro itsva kumhatso yaJudha. Inini ndemene, ndinozobaura nokuenda; ndinozotwara kuenda, akuna unozomuponesa.

Amo. 3:12

Mambo Mwari unoti: “Kudai ngomuushi unobvuka mirenje miiri kubva kumuromo wemhondoro, nokuti chigurwa chenzee; ndizvo vanhu vaIsuraeri vanogara muSamaria vanozobvukwa pakhona repamusheyareya neparupande rwomubhedhi.”

Amo. 3:4

Mhondoro ingarira here mugwasha, apo isina cheyaruma? Mhondoro itsva ingachema here mubako rayo, dai isikazi kubata chiro?

Amo. 3:8

Mhondoro yarira, ndiani usikazotyi? Mambo Mwari, Mwari waereketa, ndiani ungareka kuprofeta?

Nah. 2:11

Chiinyi chakaitika ngerindi remhondoro, bako rokudyira remhondoro itsva, apo peinoenda mhondoro, nevana vemhondoro, kusina naumwe unodzityisidzira?

Zef. 1:18

Sirivha yavo nokuti mukore wavo zvinozotama simba rokuvanunurira ngezuva roushungu hwaMambo Mwari; nyika yeshe inozopedzwa ngomuriro wendurumwa yake; ngokuti unozopedza yaamho, magumo anotyisa eavo veshe vagari vomunyika.

Zef. 2:5

Ihehe kwevari vagari vokuhumbikumbi yoruandhle, dzinza revaKherethi! Izwi raMambo Mwari rinorwisana nemwi, O Khenani, nyika yevaFiristia; ndinozokuparadza, metsa pasisina unosaramwo.

Zef. 3:6

“Ndauraya madzinza; masvingo awo aita matongo; ndaita kuti mapato awo aite shango, kuti pasaa naumwe unohamba ndiwo; madhorobha awo aparadzwa, amuna munhu, amuna nounogaramwo.

Zek. 11:3

Purutanai izwi rokuboorera kwavaushi! Ngokuti uthende hwavo hwapambwa. Purutanai kubhonga kwemhondoro itsva! Ngokuti makanyi omuJorodhani aparadzwa.

Vato. 14:5

Zvino Samusoni nababa ake, namai ake, vakadzaka Thimina; naapo vaguma paminda yemivhini yeThimina, paripo mhondoro itsva yakabuda kwaari yechidzvova.