Jer. 2:13 - Bhaibheri Rakachena muChindau

¹³ Ngokuti vanhu vangu vaita kushata kuiri: vandisiya inini chinyuka chemvura yokupona, vadzitsira zvinyuka zvinerutwe, zvisikagari nemvura.

Jer. 2:13 Iomraidhean Croise

2 Madzi. 22:17

Ngokuti vandisiya, vapisha mitombo inegwema rakanaka kunezvimwari zvimweni, ndizvo vandimusira ushungu ngemishando yenyara dzavo; ndizvo ushungu hwangu hunozobaka kuneiyi ndau, auzodzimwi.’

Nduyo 36:9

Ngokuti mwomuri ndimwo mune chinyuka chokupona; mukujeka kwako tinoona kujeka.

Muchu. 1:14

Ndakaona mishando yeshe inoitwa pashi pezuva; ringirai, yeshe ayina shwiro kurumbirira mhepo.

Muchu. 1:2

Hazvina shwiro, hazvina shwiro, unoronza muchumairi, hazvina shwiro, hazvina shwiro! Zveshe azvina shwiro.

Muchu. 12:8

Hazvina shwiro, hazvina shwiro, unoronza muchumairi, zveshe azvina shwiro.

Muchu. 2:11

Zvino ndakapinimidza ngemishando yeshe yaiya yaitwa ngenyara dzangu, nemishando yeshe yendakaita ngokutambudzika, ringira, zveshe zvaiya zvisina shwiro, nokurumbirirana nemhepo, akuna kuuyirwa pashi pezuva.

Muchu. 2:21

ngokuti nguva dzimweni munhu uwo wakashanda mushando wake ngesimba mukungwara nomukuzia, nomuungwazi, unosisira kusiya zveshe kuti zvidyiwe ngoumweni munhu usikazi kuzvishandira. Izviwo azvina shwiro, nokushata kukuru.

Muchu. 2:26

Ngokuti kwaari uwo unomudakadza Mwari unopa ungwaru, kuzia nokudakara; asi kumushaishi unopa mushando wokuunganidza, nokuita murwi, unopa kwega kunouwo unomudakadza Mwari. Izviwo azvina shwiro, kurumbirirana nemhepo.

Muchu. 4:4

Zvino, ndakaona kushanda kweshe, noungwazi hweshe mumushando unobva kumunhu umwe ngokuemura kwake munhu umweni. Izviwo azvina shwiro, ndikwo kurumbirirana nemhepo.

Isa. 1:3

Kabi inozia mune wayo, nembongoro chidziyo chatenzi wayo; asi Isuraeri aazii, vanhu vangu avazwisisi.”

Isa. 1:4

A, dzinza rokushaisha, vanhu vanoremerwa ngokushata, mubarirwana unoita zvakashata, vana vanoita zvakaora, avo vakasiya Mambo Mwari, avo vakashoora Umwe Wakachena waIsuraeri, vakadziita vapara, vakahwirira sure.

Isa. 12:3

Ngokudakara munozochera mvura kubva kuzvinyuka zvoruponeso.

Isa. 5:13

Ndizvo vanhu vangu vanoenda muubatwa ngokutama kuzia, nevanhu vavo vanoremeredzwa vanofa ngenzara, nechiunga chavo chinopera ngenyota.

Isa. 55:2

Ngenyi wechipedza mare yako ngeizvo zvisiri kudya, nomushando wako weizvo zvisikagutsi? Nasa kupurutana kwendiri, udye izvo zvakanaka, nemweya yako ngaudakadzwe ngezvakakora.

Isa. 63:8

Ngokuti wakati, “Chokwadi vanhu vangu, vana vasikazonyepi;” ndizvo wakaita Muponesi wavo,

Jer. 1:16

Ndinozoronza kutonga kwangu kwevari ngendaa yokushata kwavo kweshe, avo vakandisiya, vakapisha mutombo unegwema rakanaka pamberi pezvimwari zvimweni, nokudira mishando yenyara dzavo.

Jer. 14:3

Vakuru varo vanotuma varanda vavo koochera mvura; vanoguma kuzvinyuka, asi avaoni mvura; vanohwirira nezvidziyo zvisina mvura. Vanotsveruka nokukangaidzwa nokufukidza masoro avo.

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 17:13

O gonda raIsuraeri, O Mambo Mwari! Veshe vanokuramba vanozotsverudzwa, avo vanokusiya vanozonyorwa mumavhu, ngokuti vakasiya Mambo Mwari, chinyuka chemvura yokupona.

Jer. 18:14

Chando cheRebhanoni chingagara chechierera kubva paruware mushango here? Mvura yayo inotonhora inoerera inobva kundau imweni iri kuretu ingapwa here?

Jer. 19:4

Ngokuti vanhu vakandiramba, vasvipisa ndau iyi, vakapisha mutombo mukati mwayo kuzvimwari zvimweni, zvisikazi kumboziikanwa ndivo, nokuti madzibaba avo, nokuti madzimambo aJudha; navo vakazarisa ndau iyi ngengazi yevasina ndaa,

Jer. 2:11

Riripo here dzinza rakachicha zvimwari zvaro kunyazwi akuna zvimwari? Asi vanhu vangu vakachicha uthende hwavo kuti vatore icho chisikadetseri chiro.

Jer. 2:17

Auzi kudziunzira izvi padera pako here, ngokusiya Mambo Mwari, Mwari wako, apo akakutungamirira munjira?

Jer. 2:26

“Kudai ngembavha inotsverudzwa apo yabatwa, ndizvo mhatso yaIsuraeri inotsverudzwa; ivo, madzimambo avo, vatongi vavo, vapristi vavo nevaprofeti vavo,

Jer. 4:22

Ngokuti vanhu vangu mapenzi, avazi kundizia; vakadai ngevana vane upenzi, avazwisisi. Ingwazi mukuita zvakashata, avazii kuita zvakanaka.

Jer. 5:26

Ngokuti vakashata vanooneka pakati pevanhu vangu; vanotora zviro zvevamweni, vanoteya chirimbana vechibata vanhu.

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Ezek. 14:5

kuitira kuti ndibate mwoyo yemhatso yaIsuraeri, veshe avo vakaparadzaniswa kubva kwendiri kubudikidza ngemiedzaniso yavo yokudira.’

Ezek. 47:1

Zvino wakandipetudzazve sure kumusiwo wetemperi; ringira, mvura yaivheruka kubuda pashi pedimba kuerera kuenda kumabvazuva (ngokuti temperi raiya rakaringira kumabvazuva;) nemvura yakaerera kudzaka kubva kurutii rwokubani rwedimba retemperi, ngokurutii rwokubani rwearita.

Mik. 2:8

Asi zuro vanhu vangu vakamiruka kurwisana neni kudai ngegaa: munokhumura jazi pamwepo nechokupfeka chepashi mukunyarara kubva kuneavo vanopinda ndipo mukugonda vasikapinimidzi ngehondo.

Mik. 6:3

O vanhu vangu, ndaitenyi kwomuri? Ndamurembesa ngokudini? Ndipingure!

Zek. 13:1

“Pairo zuva chinyuka chinozobeurirwa mhatso yaDhavhidha nevagari veJerusarema, chokusuka kushaisha nokusikasukika.

Johani 4:10

Jesu wakapingura, akati kweriri, “Kudai waizia iwewe chipo chaMwari, nokuti ndiani uwo unokumbira kwouri kuti, ‘Ndipewo mvura, ndimwe’, iwewe waizokumbira kwaari, naye waizokupa mvura yokupona.”

Johani 4:11

Dzimai rakati kwaari, “Mambo, auna chidziyo chokuchera ndicho, nechinyuka chakadzama. Ndizvo mvura yokupona unoiona pari?

Johani 4:14

asi kunyazwi ndiani unomwa mvura yendinozomupa inini, aachazozwizve nyota mhera nariini. Mvura iyo yendinozomupa inozoita chinyuka chemvura mukati mwake, chechivherukira kupona kusikaperi.”

Johani 7:37

Ngezuva rokupedzisira redhiri, zuva guru, Jesu wakamiruka, akadaidzira echiti, “Kunyazwi ndiani unenyota ngaauye kwendiri, amwe.

Dhuto. 31:16

Mambo Mwari wakati kunaMosi, “Ngokukasira unozoata nemadzibaba ako. Zvino ava vanhu vanozomiruka, vaite umhombo ngokuteera zvimwari zvevanhu vapara venyika yevanozoenda koogara pakati pavo; navo vanozondisiya, nokugura chitenderano changu chendakaita navo.

2 Pet. 2:17

Ava zvinyuka zvisina mvura nemhute inosundwa ngomubvumo; avo vakangwaririrwa chidima chakasvipa.

Chakapangijihwa 21:6

Zvino wakati kwendiri, “Zvaitwa! Ndini Arfa naOmega, wokutanga nowokugumisira. Kwavari vane nyota ndinozovapa mvura isina mutengo, mvura inobva pachinyuka chokupona.

Chakapangijihwa 22:1

Zvino ngirosi yakandionisa rwizi rwemvura yokupona, rwakaera kudai ngegirazi, rwechibuda muchigaro choumambo hwaMwari necheGwai.

Chakapangijihwa 22:17

Mweya nomuroorwa vanoti, “Uyai.” Nouwo unozwa ngaati, “Uyai.” Naye unozwa nyota ngaauye. Uwo unoda ngaatore mvura yokupona pasina mutengo.

Vato. 10:13

Asi imwimwi mwakandisiya, mukadira zvimwari zvimweni; ndizvo andichamusunhurizve.

1 Sam. 12:10

Zvino vakachema kunaMambo Mwari, vakati, ‘Takashaisha, ngokuti takasiya Mambo Mwari, takashandira vanaBhaari naAshitharothi; asi zvino tisunhure kubva munyara dzemagaa edu, nesu tinozomushandira.’