Jer. 19:9 - Bhaibheri Rakachena muChindau

⁹ Ndinozoita kuti vadye nyama yevakororo vavo neyevanasikana vavo, navo veshe umwe ngaumwe unozodya nyama yomuakirwana wake ngomukuwo wokukombiwa newokutyiswa, ukwo magaa avo neavo vanotsvaka kuvauraya vanozovatyisa ndikwo.’

Jer. 19:9 Iomraidhean Croise

2 Madzi. 25:3

Ngezuva rechipfumbamwe romwedzi wechirongomuna nzara yakakura mudhorobha, mwaiya musina kudya kwevanhu venyika.

Isa. 9:20

Vanobvuka ngokumudyo, asi vanoita nzara, vanodya ngomuoshwe, asi avaguti; umwe ngaumwe unodya nyama yomuoko wake.

Jer. 13:14

Ndinozovadhumanisa umwe neumweni, vabereki nevana pamwepo,’ unoronza Mambo Mwari. ‘Andizokunguriri nokuti kuponesa nokuti kuitira nyasha asi kuvaparadza.’ ”

Jer. 38:9

“Mambo wangu, mambo, vanhu ava vaita zveshe zvakashata kunaJeremia muprofeti ngokumukandira murindi, kuti afiremwo ngenzara, ngokuti akuchina kudya mudhorobha.”

Chi. 2:20

Ringira, O Mambo Mwari, ukarakadze. Ngokunaani kwewaita izvi? Madzimai vangadya mibarirwana yavo here, vana vevabara? Mupristi nomuprofeti vangaurawa here mundau yakacheneswa yaMambo Mwari?

Chi. 4:10

Nyara dzemadzimai vanenyasha dzabika vana vavo; vakaita kudya kwavo mukuparadzwa kwevanhu vangu.

Ezek. 5:10

Ndizvo vabereki vanozodya vana vavo pakati penyu, nevana vanozodya vabereki vavo, neni ndinozotonga padera penyu, nevanosara venyu ndinozovaparadzira kumadutu eshe.

Revhi 26:29

Nemwi munozodya miiri yevakororo venyu, nemiiri yevanasikana venyu munozoidya.