Jer. 19:8 - Bhaibheri Rakachena muChindau

⁸ Ndinozoita kuti iri dhorobha riite matongo, chiro chinoridzirwa murudzi; weshe unopinda ndipo unozoshamiswa, naye unozoridza murudzi ngendaa yokuparadzwa kwaro kweshe.

Jer. 19:8 Iomraidhean Croise

1 Madzi. 9:8

Mhatso iyi inozoita murwi wematongo; kunyazwi ndiani unozopinda ngepasinde payo, unozoshamiswa nokurwadziwa; navo vanozoti, ‘Mambo Mwari wakaita zvakadai ngenyi kunyika iyi, nokunemhatso iyi?’

Jer. 18:16

vechiita kuti nyika yavo ityise chiro chinoridzirwa murudzi mhera nariini. Veshe vanopinda ngepasinde payo vanotyiswa vechidzungudza masoro avo.

Jer. 25:18

Jerusarema nemadhorobha aJudha, madzimambo awo nevatongi vawo, kuvaparadza nokuvaita chishamiso, chinoridzirwa marudzi, nokutukwa, kudai ngezvezviri azvo nyamashi;

Jer. 49:13

Ngokuti inini pachangu ndakapika,” unoronza Mambo Mwari. “Kuti Bhozira rinozoita chishamiso, chishekedzo, nokuita matongo, nokutukwa; nemadhorobha aro eshe anozoangira kuita matongo.”

Jer. 50:13

Ngendaa youshungu hwaMambo Mwari aizogarwi, asi inozoita matongo yeshe; weshe unozopinda ngepasinde peBhabhuroni unozoshamiswa, nokuridza murudzi ngemaronda aro eshe.

Ezek. 27:36

Vatengesi pakati pevanhu vanokuridzira murudzi; iwewe waguma kumagumo anotyisa, newe auchazoapozve mhera nariini.”

Revhi 26:32

Ndinozoparadza nyika kuti iite mafusi; nemagaa enyu anogara kweiri anozoshamiswa ndiyo.

Mik. 6:16

Ngokuti wakangwarira zviemeso zvaOmuri, nemishando yeshe yemhatso yaAhabhi, newe wateera mipango yavo. Ndizvo ndinozokuita matongo, nevagari vemwo kuti vaite vashoorwi; ndizvo unozotwara chimene chevanhu vangu.”

Zef. 2:15

Iri ndiro dhorobha raidakara rechigara ngokungwaririka risikatyi chiro, iro raironza mumwoyo mwaro kuti, “Ndini, akuna umwenizve ngepabanze pangu!” Rakazoita dongo ngenjiranyi, nendau yezvinoata zvikara! Weshe unopinda ngepasinde paro unozoridza murudzi nokumirudza chibhakera.

Dhuto. 28:37

Munozoita chiro chinonyenyesa chisana nechinai pakati pemadzinza eshe apo paanozomuisa Mambo Mwari.

Dhuto. 29:22

Mibarirwana inozoteera yevana venyu vanozoapo ngesure kwenyu, nomupara unozobva kunyika iri kuretu, vanozoona madambudziko eiyo nyika nenhenda yaanozoisa Mambo Mwari padera payo.