Jer. 19:4 - Bhaibheri Rakachena muChindau

⁴ Ngokuti vanhu vakandiramba, vasvipisa ndau iyi, vakapisha mutombo mukati mwayo kuzvimwari zvimweni, zvisikazi kumboziikanwa ndivo, nokuti madzibaba avo, nokuti madzimambo aJudha; navo vakazarisa ndau iyi ngengazi yevasina ndaa,

Jer. 19:4 Iomraidhean Croise

2 Madzi. 21:16

Manase wakaparadza ngazi isina ndaa kakurutu, metsa azadza Jerusarema ndiyo kubvira kurutii rumwe kuguma kurutii rumweni, ngokubanze kwezvishaishi zvake zvaakaita kuti vaJudha vashaishe ngokuita zvakashata mukuona kwaMambo Mwari.

2 Madzi. 23:10

Wakasvipisa Thofethi riri mubani reBhenihinomu, kuti kusazoapo naumwe ungazoita kuti mukororo wake nokuti mwanasikana wake apinde kupotya muriro kuita mudiro kunaMorekhi.

2 Madzi. 24:4

ngendaawo yengazi isina ndaa, yaakaparadza; ngokuti wakadzadza Jerusarema ngengazi isina ndaa naMambo Mwari waiya asikatendi kuvakungurira.

Nduyo 106:38

Vakaparadza ngazi isina ndaa, ngazi yevakororo vavo neyevanasikana vavo, avo vevakapira kuita mudiro wemiedzaniso yeKhenani; nenyika yakasvipiswa ngengazi.

Isa. 59:7

Tsoka dzavo dzinorumbirira zvakashata, navo vanokasira kuparadza ngazi isina ndaa; mipinimidzo yavo mipinimidzo yokushaisha; kushakera nokuparadza zviri munjira dzavo.

Isa. 65:11

Asi imwimwi munosiya Mambo Mwari, munoriyarwa mutunhu wangu wakachena, munonasirira matafura kuti muuyirwe, nokuzadza tsani ngevhini rakabvengedzerwa magumo;

Jer. 1:16

Ndinozoronza kutonga kwangu kwevari ngendaa yokushata kwavo kweshe, avo vakandisiya, vakapisha mutombo unegwema rakanaka pamberi pezvimwari zvimweni, nokudira mishando yenyara dzavo.

Jer. 11:13

Ngokuti kudai ngouwandu hwemadhorobha enyu zvakawandawo kudaro zvimwari zvenyu, O Judha; kudai ngouwandu hwemapato eJerusarema akawandawo kudaro emwakaemesa anotsverudza maarita okupishira mutombo kunaBhaari.’

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 16:11

Zvino unozoti kwevari, ‘Indaa yokuti madzibaba enyu akandisiya, unoronza Mambo Mwari, akateera zvimwari zvimweni, nokuzvishandira nokuzvidira; vandisiya nokusikangwarira mipango yangu;

Jer. 17:13

O gonda raIsuraeri, O Mambo Mwari! Veshe vanokuramba vanozotsverudzwa, avo vanokusiya vanozonyorwa mumavhu, ngokuti vakasiya Mambo Mwari, chinyuka chemvura yokupona.

Jer. 17:20

Uti kwevari, ‘Izwai izwi raMambo Mwari, imwimwi madzimambo aJudha, navo veshe vaJudha, navo veshe vagari vomuJerusarema, avo vanopinda ngepamisiwo iyi.

Jer. 18:15

Asi vanhu vangu vandiriyarwa, vanopisha mutombo unegwema rakanaka kuzvimwari zvokunyepa, vapumhunwa munjira dzavo, mumapato ekare nokuhamba munjira dzimweni, haiwa mumapato makuru,

Jer. 2:13

Ngokuti vanhu vangu vaita kushata kuiri: vandisiya inini chinyuka chemvura yokupona, vadzitsira zvinyuka zvinerutwe, zvisikagari nemvura.

Jer. 2:17

Auzi kudziunzira izvi padera pako here, ngokusiya Mambo Mwari, Mwari wako, apo akakutungamirira munjira?

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 2:30

Ndakachayira pasina chiro vana venyu; avazi kuashira kupangwa. Shoti yenyu yemene ndiyo yakauraya vaprofeti venyu kudai ngemhondoro inokara.

Jer. 2:34

Ngazi yevarombo vasina ndaa inooneka pazvokufuka zvako, kunyazwi auzi kuvabata vechipwanya kupinda mukati. Asi padera peizvi zveshe,

Jer. 22:17

Asi madziso ako nomwoyo wako azvioni chimweni kwega kuemura nokuparadza ngazi isina ndaa, nokuita kutambudza nokupamba.

Jer. 22:3

Izvi ndizvo zvinoronza Mambo Mwari: Tongai kutonga kwakanaka, muite zvakarurama, musunhure kubva munyara yomutambudzi weshe wakabirwa. Musaita zvakashata, musaremadza mupara, nherera, nokuti shirikadzi, nokuti kuparadza ngazi isina ndaa mundau iyi.

Jer. 26:15

Kwega ziai ngegwinyiso, kuti mukandiuraya kuti ngechakwadi munozodziunzira ngazi isina ndaa padera penyu, nepadera peiri dhorobha, nepadera paavo vanogaremwo; ngokuti ngegwinyiso Mambo Mwari wakandituma kwomuri kuereketa mazwi aya eshe munzee dzenyu.”

Jer. 26:23

Vakaunza Uria kubva Egipite, vakamuunza kunamambo Jehoiakimu, uwo wakamuuraya ngeshoti, akakandira muiri wake mumaiba evanhu vasina mbiri.

Jer. 44:3

ngendaa yokushata kwavo kwevakaita kunditsenesa, ngokuti vakaenda koopisha mutombo unegwema nokudira zvimwari zvimweni zvevasikazii, ivo nokuti imwimwi, nokuti madzibaba enyu.

Jer. 5:6

Ndiyo ndaa mhondoro inobva mugwasha inozovauraya, negava romushango rinozovaparadza. Khamba rinohwarira madhorobha avo; weshe unobudamwo unozobaurwa kuita zvigurwa, ngokuti zvishaishi zvavo zvakawanda, nokuhwirira kwavo sure kwakanyanya.

Jer. 7:6

kudai musikatambudzi mupara, nherera neshirikadzi, nokuti kuparadza ngazi isina ndaa kundau iyi, nokuti kudai musikaateeri zvimwari zvimweni kudzikuwadza,

Jer. 7:9

Munozoba, kuuraya, kuomba, nokupika ngemanyepo, nokupishira midiro kunaBhaari mutombo unegwema rakanaka, nokuteera zvimwari zvimweni zvomusikazi kuzia,

Chi. 4:13

Indaa yezvishaishi zvavaprofeti varo, nokushata kwevapristi varo, vakaparadza ngazi yevakarurama mukati mwaro.

Ezek. 20:26

Ndakavasvipisa kubudikidza ngezvipo zvavo zvemene, mukupira mudiro womuriro avo veshe vari matangwe avo, kuitira kuti ndivazadze ngokutyiswa, kuti vazie kuti inini ndini Mambo Mwari.

Ezek. 7:22

Ndinozofuratira hope yangu kubva kwevari, vanozosvipisa ndau yangu yakafishika, ngokuti vabvuki vanozopotera mukati mwayo, vanozoisvipisa.

Ezek. 8:11

Pamberi pazvo pakaema vakuru makumi manomwe vemhatso yaIsuraeri, naJaazania mukororo waShafani akaema pakati pavo. Umwe ngaumwe waiya nechidziyo chake munyara yake chokupishira mutombo unegwema rakanaka, negore rechiushi rakakura raipwititika.

Dha. 11:31

Hondo inotumwa ndiye inozogara nokuzosvipisa ndau yakacheneswa norusvingo. Vanozodusa mibairo yokupishwa yezuva rimwe ngarimwe, vanozoemesa chinyangadzo chinoparadzanisa.

Ruka 11:50

kuti ngazi yevaprofeti veshe yakaparadzwa kubvira pakusikwa kwenyika ibvunzisiswe kuneuyu mubarirwana,

Dhuto. 13:13

vamuna vakatikuti vakashata vakabuda kubva pakati penyu, vabudisa vanhu vomudhorobha ravo, vechiti, “Ngatiende tidire zvimwari zvimweni,” zvomusikazi kuzia,

Dhuto. 13:6

Kudai mukoma wako, mukororo wamai ako, nokuti mukororo wako, nokuti mwanasikana wako, nokuti mukadzi wepaditi rako, nokuti shamwari yako echimuonga ngokufishika, echiti, “Ngatiende, tidire zvimwari zvimweni,” zvomusikazi kuzia, imwimwi nokuti madzibaba enyu,

Dhuto. 28:20

Mambo Mwari unozounza padera penyu kutukwa, nokutsverudzwa, nokuganyirwa, kuneizvo zveshe zvomunozoita ngenyara dzenyu, metsa mupedzwe, metsa mufe paripo; ngendaa yokushata kwezviito zvenyu zvemwakaita, ngokuti mwakandiramba.

Dhuto. 28:36

Mambo Mwari unozomutora pamwepo namambo wenyu womunozoemesa padera penyu, kuenda kudzinza romusikazii, imwimwi nokuti madzibaba enyu; naapo munozoshandira zvimwari zvimweni zvemiti nezvemapuwe.

Dhuto. 28:64

Mambo Mwari unozomuparadzira pakati pevanhu veshe, kubvira kurupande rumwe rwenyika metsa kuguma kunorumweni; naapo munozoshandira zvimwari zvimweni zvemiti nezvemapuwe zvomusaizia, imwimwi nokuti madzibaba enyu.

Chakapangijihwa 16:6

ngokuti vakaparadza ngazi yevakacheneswa neyevaprofeti, wakavapa ngazi kuti vamwe. Ngokuti vanosisirwa ndizvo!”

Vato. 5:8

Apo vatsanangura zvimwari zvitsva, ndizvo paiya nokurwa mumisiwo. Kwakaoneka here chihlangu nokuti mukhondo pakati pemakumi marongomuna emakumi emazana (40,000) muIsuraeri?