Jer. 19:3 - Bhaibheri Rakachena muChindau

³ Unozoti, ‘Izwai izwi raMambo Mwari, O madzimambo aJudha neimwimwi vagari veJerusarema. Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza kushata padera pendau iyi, ukwo kunoti, kunyazwi ndiani unokuzwa, nzee dzake dzinozozhararika.

Jer. 19:3 Iomraidhean Croise

Nduyo 102:15

Madzinza anozotya zina raMambo Mwari, nemadzimambo eshe enyika anozotya mbiri yako.

Nduyo 110:5

Mambo Mwari uri ngokumudyo kwako unozoparadza madzimambo ngezuva rokutseneka kwake.

Nduyo 2:10

Ndizvo zvino ngwarai, imwimwi madzimambo; munyowedzwe, imwimwi vatongi venyika.

Isa. 28:19

Mukuwo weshe wekunopinda, kunozomutora, ngokuti mangwanani ngemangwanani kunozopinda, masikati nousiku; kuzwisisa mashoko aya kunozouya kutya kwega.”

Jer. 13:18

Ronzai kunamambo nokuna mai ake, “Dzipfaisei, mugare pashi; ngokuti dzungudza renyu rakanaka rawa pashi kubva pasoro renyu.”

Jer. 17:20

Uti kwevari, ‘Izwai izwi raMambo Mwari, imwimwi madzimambo aJudha, navo veshe vaJudha, navo veshe vagari vomuJerusarema, avo vanopinda ngepamisiwo iyi.

Jer. 18:11

Ndizvo zvino, erekete kuvanhu vaJudha nokune vagari veJerusarema wechiti, Izvi ndizvo zvinoronza Mambo Mwari: Ringira, inini ndiri muumbi wehari, ndinonasira kushata kunowira padera penyu, nokuronga mazano okumurwisa. Zvino tenderukai umwe ngaumwe wenyu kubva kunjira yake yakashata, munasirise njira dzenyu nezviito zvenyu.’

Jer. 19:15

“Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza padera pedhorobha iri, nepadera pemaguta aro eshe, kushata kweshe kwendakaronza kweriri, ngokuti vakakonzisa mitsipa yavo, kuramba kuti vasazwa mazwi angu.”

Jer. 25:29

Wona, ndinotanga kuunza kushata padera pedhorobha rinodaidzwa ngezina rangu, nemwi mungaita matizirenyi kuororwa? Amuzoreki kuororwa akadi, ngokuti ndinodaidza shoti padera pavo veshe vanogara munyika, unoronza Mambo Mwari wehondo.’

Jer. 35:17

“Ndizvo izvi zvinoronza Mambo Mwari, Mwari wehondo, Mwari waIsuraeri: Ringirai, ndinozounza padera paJudha, nepadera paavo veshe vagari veJerusarema kushata kweshe kwendakaronza kwevari; ngokuti ndakaereketa kwevari, navo avazi kupurutana, ndakadaidza kwevari, navo avazi kupingura.”

Jer. 44:3

ngendaa yokushata kwavo kwevakaita kunditsenesa, ngokuti vakaenda koopisha mutombo unegwema nokudira zvimwari zvimweni zvevasikazii, ivo nokuti imwimwi, nokuti madzibaba enyu.

Jer. 6:19

Izwa, O nyika; ringira, ndinozounza kuparadzwa padera paava vanhu, michero yemipinimidzo yavo, ngokuti avazi kupurutana mazwi angu, nokuti mipango yangu vairamba.

Ezek. 7:5

“Izvi ndizvo zvinoronza Mambo Mwari, Mwari: Kushata kunoteera kushata! Ringira, kunoguma.

Mateu 10:18

Nemwi munozounzwa pamberi pemakota nepemadzimambo ngepamusoro pangu, kuita chapupu kwavari nokumadzinza.

Chakapangijihwa 2:29

Iye unenzee ngaazwe zvinoereketwa ndiMweya kuzviara.

1 Sam. 3:11

Zvino Mambo Mwari wakati kunaSamueri, “Wona, ndinozoita chiro muIsuraeri icho chinoita kuti nzee dzomunhu weshe dzinozozhararika ngokuchizwa.