Jer. 19:2 - Bhaibheri Rakachena muChindau

² enda mubani romukororo waHinomu, pasinde poMusiwo wePotisherdhi, apapo uteketese mazwi endinokuronzera.

Jer. 19:2 Iomraidhean Croise

2 Madzi. 23:10

Wakasvipisa Thofethi riri mubani reBhenihinomu, kuti kusazoapo naumwe ungazoita kuti mukororo wake nokuti mwanasikana wake apinde kupotya muriro kuita mudiro kunaMorekhi.

2 MaKro. 28:3

wakapira midiro mubani romukororo waHinomu, wakaita kuti vakororo vake vaphotye muriro, kudai ngezvainyangadza zvaiitwa ngevemadzinza avo vaakadzinga Mambo Mwari kubva pamberi pevanhu vaIsuraeri.

2 MaKro. 33:6

Wakaita kuti vakororo vake vapotye mumuriro mubani romukororo waHinomu; zve, wakagonda vafemberi nemaninji, akashandisa un'anga, akashandisa masaramuso, akashandisa vanomukirwa, nevaroyi. Wakaita zvakashata kakurutu mukuona kwaMambo Mwari, kumusira ushungu hwake.

Neh. 3:29

Pasinde pavo Zadhoki mukororo waIma waiakisa pakaringirana nemhatso yake. Pasinde pake Shemaia mukororo waShekania mungwariri weMusiwo wokuMabvazuva waiakisapo.

Jer. 1:7

Asi Mambo Mwari wakati kwendiri, “Usaronza kuti, ndiri mwana mudoko; ngokuti unozoenda kuneavo veshe vendinozokutuma kwevari, newe unozoereketa cheshe chendinozokupanga.

Jer. 11:6

Mambo Mwari wakati kwendiri, “Daidzira mazwi aya eshe mumadhorobha aJudha nomumapato eJerusarema wechiti, ‘Izwai mazwi echitenderano ichi nokuaita.’

Jer. 18:2

“Miruka udzake kumhatso yomuumbi, naapo ndinozokuita kuti uzwe mazwi angu.”

Jer. 26:2

“Izvi ndizvo zvinoronza Mambo Mwari: Ema muruwanze rwemhatso yaMambo Mwari, uerekete kumadhorobha eshe aJudha, anouya koodira kumhatso yaMambo Mwari, uerekete kwevari mazwi eshe endinokupanga; usasiya narimwe izwi.

Jer. 3:12

Enda udaidzire dera mazwi aya wechiti, petukai, imwimwi vaIsuraeri vasikagondi unoronza Mambo Mwari; andizoringiri kwemuri muushungu ngokuti ndine nyasha, unoronza Mambo Mwari, andizogari ndakanyangadzwa mhera nariini.

Jer. 32:35

Vakaaka ndau dzakakwirira dzaBhaari mubani romukororo waHinomu, pekupira vakororo nevanasikana vavo kuita mudiro kunaMorekhi, kunyazwi andizi kuvapanga, nokuti kutongopinimidza kuti vaite kunyangadza uku, kuita kuti Judha ashaishe.

Jer. 7:2

“Ema pamusiwo wemhatso yaMambo Mwari, udaidzire uripo izwi iri wechiti, ‘Izwai izwi raMambo Mwari, mweshe imwimwi vanhu vaJudha, imwimwi munopinda ngepamisiwo iyi koodira Mambo Mwari.’

Jona 3:2

“Miruka, uende Ninevhe, iro dhorobha guru, uchumaire kweriri izwi rendinokuronzera.”

Mateu 10:27

Icho chendinomuronzera muchidima, mwechichiteketesa mukujeka, neicho chomunozwa ngevherevhere, mwechichichumaira muri padera pechachungu chemhatso.

Zvak. 20:27

ngokuti andizi kuumira kumuronzera kupanga kweshe kwaMwari.

Zvak. 5:20

“Endai, mueme muTemperi mwechironzera vanhu mazwi eshe okupona uku.”

Josh. 15:8

Zvino mugano waidarika kuenda ngepasinde pebani romukororo waHinomu metsa kurutii rwokubani rwevaJebhusi; (ndiro Jerusarema); nomugano waidarika kukwira kuenda dera kwomutunhu uri pamberi pebani raHinomu ngokumabirirazuva, uri ngokumagumo kwebani reRefaimu ngokurutii rwedera.