Jer. 18:8 - Bhaibheri Rakachena muChindau

⁸ asi kudai iro dzinza, rendakaereketa ndiro rikatenderuka kubva mukushata kwaro, ndinozorekera kuita kushata kwendakapinimidza kuita padera paro.

Jer. 18:8 Iomraidhean Croise

2 MaKro. 12:6

Ndizvo vakuru vaIsuraeri namambo vakadzipfaisa vechiti, “Mambo Mwari uri wakarurama.”

Nduyo 106:45

Ngendaa yavo wakakarakadza chitenderano chake, akaonisa nyasha kudai ngouwandu hwenyasha dzake dzinorudo.

Nduyo 135:14

Ngokuti Mambo Mwari unozopembedza vanhu vake, nokukungurira varanda vake.

Nduyo 90:13

Petuka, A Mambo Mwari! Metsa riini? Itira nyasha varanda vako.

EKISEDHUSI 32:12

VaEgipite vanozoereketa ngenyi vechiti, ‘Mukushaisha wakavabudisa kuti avauraye pamitunhu nokuvapedza kubva padera pehope yenyika?’ Kunukuka kubva kuushungu hwako hunotyisa, utenderuke kubva mune uku kushata kuvanhu vako.

EKISEDHUSI 32:14

Mambo Mwari wakatenderuka ngendaa yokushata kwaaipinimidza kuzoita kune vanhu vake.

Jer. 12:16

Nazvino, kudai vechizodzidzira njira dzevanhu vangu ngomwoyo yavo yeshe, kupika ngezina rangu kuti, ‘Kudai ngezvaanopona Mambo Mwari,’ kudai ngezvevakadzidzisa vanhu vangu kupika ndiBhaari, zvino vanozogarisika pakati pevanhu vangu.

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 26:13

Ndizvo zvino nasirirai njira dzenyu nezviito zvenyu, mupurutane izwi raMambo Mwari, Mwari wenyu; naMambo Mwari unozorekera kushata ukwo kwaakamurongera.

Jer. 26:19

Hezekia mambo waJudha nevanhu veshe vaJudha vakamuuraya here? Aazi kutya Mambo Mwari here nokupota nyasha dzaMambo Mwari, naMambo Mwari aazi kurekera here kushata kwaaiya aronga kuunza padera pavo? Asi taa kudziunzira kushata kwakura padera pedu.”

Jer. 26:3

Pamweni vanozopurutana veshe, nokutenderuka umwe ngaumwe kubva kunjira yake yakashata, kuti ndirekere kushata kwendinoronga kuunza padera pavo ngendaa yezviito zvavo zvakashata.

Jer. 36:3

Pamweni vemhatso yaJudha pevanozwa kweshe kushata kwendakaronga kuita kwevari, veshe umwe ngaumwe wavo ungatenderuka kubva kunjira yake yakashata, kuti ndikone kurekerera kushata kwavo nezvishaishi zvavo.”

Jer. 42:10

‘Kuti mwechizoangirira kwega kugara munyika iyi, zvino ndinozomuaka, andizomupwanyiri pashi; ndinozomusima, andizomubviti; ngokuti ndineurombo ngedambudziko rendakaunza padera penyu.

Ezek. 18:21

“Asi kudai wakashata echizotenderuka kubva kunezvishaishi zvake zveshe zvaakaita, nokungwarira zviemeso zvangu zveshe, nokuita izvo zvinotenderwa nezvakarurama, ngegwinyiso unozorarama, aazofi akadi.

Ezek. 33:11

Ereketa kwevari uti, ‘Kudai ngezvendinopona, unoronza Mambo Mwari, Mwari, andina kudakara ngorufu rwowakashata, asi kuti wakashata atenderuke kubva munjira yake, apone; tenderuka, tenderuka kubva munjira yako yakashata; ngokuti unoda kufa ngenyi, O mhatso yaIsuraeri?’

Ezek. 33:12

“Newe, mukororo womunhu, ereketa kuvanhu vako, ‘Kururama kwowakarurama akuzomununuri apo apauka; asingendaa yokushaisha kwowakashata, iye aazowiswi ndikwo ngeiro zuva raanotenderuka kubva mukushaisha; wakarurama aazokoni kupona ngokururama kwake ngeiro zuva raanoshaisha.’

Ezek. 33:13

Kunyazwi ndinoti kunouwo wakarurama kuti, ‘Ngegwinyiso unozopona; asi kudai iye echigonda kururama kwake kwemene, kuti akaita zvakashata, apana nachimwe chezviito zvakarurama zvinokarakadzwa; asi mukushaisha ukwo kwaakaita, unozofiramwo.’

Ezek. 33:14

Zve, kunyazwi ndikati kunowakashata kuti, ‘Ngegwinyiso iwewe unozofa,’ asi kudai iye echitenderuka kubva mukushaisha kwake, akahamba ngomutemo nokuita zvakarurama;

Hos. 11:8

“Ndingakuita marekererenyi, Efuremu? Ndingakupira ngenjiranyi, O Isuraeri? Ndingakuita maitirenyi kuti udai ndiAdhima? Ndingakuita mabatirenyi kudai ndiZebhoimu? Mwoyo wangu unotenderudzwa mukati mwangu; nyasha dzangu dzinokura mukati mwangu.

Amo. 5:15

Nyenyai zvakashata, mude zvakanaka, muemese kutonga kwakanaka pamusiwo; pamweni Mambo Mwari, Mwari wehondo, unozoitira nyasha avo vanosara vaJosefa.

Jona 4:2

Wakakumbira kunaMambo Mwari, akati, “Ndapota, O Mambo Mwari! Izvi andizvopi here zvendakaereketa, apo pendaiya munyika mwangu? Ndizvo zvakaita kuti nditizire Tharshishi kutanga; ngokuti ndakazia kuti uri Mwari unenyasha, wakazara ngokukungurira, unononoka kunyangadzwa, unowanza nyasha dzinorudo, unokunukuka kubva mukuorora.

Dhuto. 32:36

Ngegwinyiso Mambo Mwari unozopokonyora vanhu vake, nokuva nenyasha kuvaranda vake, apo echiona kuti simba ravo rapera, akuna unosara wakasungwa nokuti wakasunhurwa.”

Vato. 2:18

Peshe Mambo Mwari paakaemesa vatongi, Mambo Mwari waiyapo nomutongi uwo, wakavaponesa kubva munyara dzemagaa avo mazuva eshe ouwo mutongi; ngokuti zvakamukunukusa Mambo Mwari ngendaa yokugomera kwavo ngendaa yeavo vakavatambudza nokuvanesa.