Jer. 18:23 - Bhaibheri Rakachena muChindau

²³ Asi iwewe, O Mambo Mwari, unozia bangano ravo reshe rokuda kundiuraya. Usakungurira kushata kwavo, usadzima zvishaishi zvavo kubva kuhope yako. Ngavarigwe pashi pamberi pako; ita izvi kwevari ngomukuwo wokunyangadzwa kwako.”

Jer. 18:23 Iomraidhean Croise

Nduyo 119:126

Yaanguva yokuti Mambo Mwari ashande, ngokuti vakagura mupango wako.

Nduyo 35:4

Ngavatsverudzwe vashoorwe avo vanotsvaka mweya wangu. Ngavapetudzwe sure, vakangaidzwe, avo vanopangana ngokuremadzwa kwangu.

Nduyo 56:8

Iwewe waramba wechierenga kupepesheka kwangu; isa misodzi yangu mubhodhleya. Aisirimwopi mubhuku rako here?

Nduyo 59:5

Iwewe, Mambo Mwari, Mwari wehondo, Mwari waIsuraeri. Miruka, uorore madzinza eshe; usaponesa naumwe wavo vanopauka kuita zvakashata. Selah.

Isa. 10:3

Munozoitenyi ngezuva rokuororwa, mukati mwokuparadzwa kunozobva kuretu? Munozotizira kunaani koodetserwa? Munozosiya pari upfumi hwenyu?

Isa. 2:9

Ndizvo munhu unopfaiswa, nevanhu vanodzaswa pashi; ndizvo usavarekerera.

Jer. 11:23

apana naumwe wavo unozosara. Ngokuti ndinozounza kuparadzwa padera pevanhu vaAnathothi, gore rokuororwa kwavo.”

Jer. 15:15

“O Mambo Mwari, ndiwe unozia; ndikarakadze, ndihambire, undiunzidzire vanonditambudza. Mukusengerera kwako usandirasha kuretu; zia kuti ngendaa yako ndinotukwa.

Jer. 17:18

Ngavatsverudzwe avo vanonditambudza, asi usaita kuti inini nditsverudzwe; ngavapere simba; ngokutya, asi inini ndisapera simba vaunzire zuva rokuparadzwa, vaparadze ngokuparadzwa kwakapetwa.

Jer. 17:4

Ngendaa yokuita kwako unozotorerwa nhaka yako yendakakupa; ndinozoita kuti ushandire magaa ako munyika yousikazii; ngokuti muushungu hwangu wakabaka muriro uwo unozobaka mhera nariini.

Jer. 18:18

Zvino vakati, “Uyai, ngatiite urongwa hwokurwisa Jeremia; ngokuti mipango aizoperi kubva kuvapristi nokuti kupangwa kunobva kunevakangwara, nokuti izwi kubva kunevaprofeti. Uyai, ngatimurwise ngemazwi, tisapurutana kunyazwi ngaari mazwi ake.”

Jer. 26:11

Zvino vapristi nevaprofeti vakaereketa kuvatongi nokuvanhu veshe vechiti, “Uyu munhu unosisa kufa, ngokuti waprofeta zvinorwisana nedhorobha iri, kudai ngezvamwadzizwira ngenzee dzenyu.”

Jer. 26:8

Naapo Jeremia apedza kuereketa zveshe izvo zvaakapangwa ndiMambo Mwari kuereketa kuvanhu veshe, zvino vapristi nevaprofeti nevanhu veshe vakamubata vechiti, “Ngegwinyiso unozofa.

Jer. 37:15

Vatongi vakamutsenekera Jeremia, vakamuchaya, vakamukonyera mutirongo mumhatso yaJonathani munyori; ngokuti vaiya vaiita tirongo.

Jer. 38:4

Zvino vatongi vakati kunamambo, “Munhu uyu unosisira kuti aurawe, ngokuti unopedza simba renyara dzevamuna vokurwa vanosiyiwa mudhorobha iri, nenyara dzavanhu veshe, ngokuereketa mazwi akadai kwevari. Ngokuti munhu uyu aatsvaki kugarisika kwavanhu ava, asi kuremadzwa kwavo.”

Jer. 6:15

Vakaita ngenjira inotsverudza, apo vakaita zvinonyangadza; asi vaiya vasikatsveruki, avazi kuzia kutsveruka. Ndizvo vanozowa pakati peavo vanowa; ngomukuwo wendinovaorora, vanozorigwa pashi,” unoronza Mambo Mwari.

Jer. 6:21

Izvi ndizvo zvinoronza Mambo Mwari, “Ringira, ndinoisa pamberi peava vanhu zvinopumhuna, izvo zvevanopumhunwa ndizvo; vabereki nevana pamwepo, muakirwana nomungani wake vanozopera.”

Jer. 7:20

Ndizvo izvi zvinoronza Mambo Mwari, Mwari kuti, “Ringirirai, kunyangadzwa kwangu noushungu hwangu zvinozodururwa padera peiyi ndau, padera pevanhu nepadera pemhuka, padera pemiti yomushango napadera pemichero yemavhu; hunozobaka, auzodzimwi.”

Jer. 8:12

Vakatseruka here, apo vakaita zvinyangadzo? Haiwa, avazi kutsveruka napadoko, avana kuzia kutsveruka. Ndizvo vanozowa pakati peavo vanowa; ngomukuwo wokuhambirwa kwavo vanozorigwa pashi,” unoronza Mambo Mwari.

Chi. 3:60

Waona kuunzidzira kwavo kweshe, nezvevakaronga ndini.

Chi. 3:61

Wazwa kushoora kwavo, O Mambo Mwari, nokuronga kwavo ndini.

Ruka 21:22

ngokuti aya ari mazuva okuunzidzirwa, kuti zveshe izvo zvakanyorwa zvizadzisike.

Varoma 2:5

Asi ngokukonza nokusikatenderuka kwomwoyo wako unodziunganidzira pachako ushungu pazuva roushungu, apo panozooniswa kutonga kwakarurama kwaMwari.