Jer. 18:22 - Bhaibheri Rakachena muChindau

²² Kuchema ngakuzwike kubva kumhatso dzavo, apo woounza genge padera pavo ngokukasira! Ngokuti vakatsa hunza kuti indibate, vakateya tsoka dzangu ngemirau.

Jer. 18:22 Iomraidhean Croise

Nduyo 119:85

Vanodzikudza vanditsira hunza, avo vasikangwariri mupango wako.

Nduyo 140:5

Vanodzikudza vanditeya ngomurau nemapote; vatambanudza mambure pamhiri penjira, vanditeya ngomukuni. Selah.

Nduyo 140:6

Ndati kunaMambo Mwari, “Iwewe ndiwe Mwari wangu.” Izwa izwi rokupota kwangu, A Mambo Mwari.

Nduyo 142:4

Ringira kunyara yangu yokumudyo, uone, ngokuti akuna munhu unondionawo; akuna bako rokuhwara rasarira inini; apana munhu unongwarira mweya wangu.

Nduyo 38:12

Avo vanotsvaka kundiuraya vanonditeya ngemirau; naavo vanotsvaka kundiremadza vanoereketa zvokuparadza, vanopinimidza ngezvokuchengedzera zuva reshe.

Isa. 10:30

Boorera, iwewe mwanasikana waGarimu! Purutana, iwewe Raisha! Mupingure, Anathothi!

Jer. 18:20

Kushata kunounzidzirwa ngezvakanaka here? Asi vatsira ndaramo yangu hunza. Karakadza kuema kwangu pamberi pako kuereketa zvakanaka ndivo, nokupetudza ushungu hwako kubva kwevari.

Jer. 20:10

Ngokuti ndinozwa vazhinji vanovherevhenza vechiti, “Kutyisa kuri kumarupande eshe.” Vakati, “Muronzenyi! Ngatimuronze.” Vangani vangu veshe vakagarira kukorera kwangu vechiti, “Pamweni ungakona kunyengererwa, nesu tingakona kumunyisa nesu tinozokona kuunzidzira padera pake.”

Jer. 20:16

Munhuwo ngaadai ngemadhorobha akaparadzwa ndiMambo Mwari, asikaakunguriri; ngaazwe kuchema mumangwanani, nokudaidzira mumasikati,

Jer. 4:31

Ngokuti ndakazwa izwi rakadai ngeromukadzi unorwadziwa ngokubereka, unorwadziwa kwakadai ngouwo unobereka mwana wedangwe, kuchema kwemwanasikana weZioni, unofemurika echitambanudza nyara dzake echiti, “Ihehe kwendiri zvino! Inini mweya wangu unopera simba pamberi pevaurayi.”

Jer. 5:26

Ngokuti vakashata vanooneka pakati pevanhu vangu; vanotora zviro zvevamweni, vanoteya chirimbana vechibata vanhu.

Jer. 6:26

“O vanhu vangu varombo, fukai masaka, dzimburumbudzei mumarota; mucheme kudai ngounochemera mwana zinyarimwe, mucheme kakurutu, ngokuti muparadzi unozouya padera pedu ngokukasira.

Zef. 1:16

zuva rokuridzwa kwegwama nokuridza mhere yehondo nokurwisana nemadhorobha anorusvingo, nendau dzehondo dzakakwirira.

Mateu 22:15

Naapo vaFarisi vakaenda, vakaita bangano rokuti vamuteye mukuereketa kwake.