Jer. 18:21 - Bhaibheri Rakachena muChindau

²¹ Ndizvo pinzai vana vavo munzara, vapirenyi kusimba reshoti; vakadzi vavo ngavafirwe ngavana vavo nevamuna vavo. Vamuna vavo ngavaurawe ngenhenda; majaha avo ngavaurawe ngeshoti muhondo.

Jer. 18:21 Iomraidhean Croise

2 MaKro. 36:17

Ndizvo iye wakaunza mambo wevaKharadhea koorwa navo, uwo wakauraya vadoko vavo ngeshoti mumhatso yavo yakachena, waiya asina nyasha kunemajaha nokuti kunevasikana, vakuru nokuti harahwa. Iye wakavapira veshe munyara dzake.

Nduyo 63:10

Vanozopirwa kusimba reshoti, vanozoita chikoaniswa chehava.

Nduyo 63:11

Asi mambo unozodakara munaMwari; munhu weshe unopika ndiye unozokudza, ngokuti miromo yaavo vanoereketa manyepo inozonyaradzwa. KuneMutungamiriri woKuemba. Nduyo yaDhavhidha.

EKISEDHUSI 22:24

noushungu hwangu hunozobaka, neni ndinozomuuraya ngeshoti; nevakadzi venyu vanozoita shirikadzi, nevana venyu vanozoita nherera.

Isa. 13:18

Misee yavo inozofura majaha; avazoitiri nyasha vanoberekwa; madziso avo aazokunguriri vana.

Isa. 9:16

Ngokuti avo vanovatungamirira vanoita kuti vapauke, naavo vanotungamirirwa ndivo vanosiyiwa mukukangaidzwa.

Isa. 9:17

Ndiyo ndaa Mambo Mwari aazodakariri majaha avo, aazokunguririzve nherera neshirikadzi; ngokuti veshe vasikadi Mwari nevaiti vezvakashata, nemiromo yeshe inoereketa upenzi. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Jer. 12:3

Asi iwewe, O Mambo Mwari, unondizia; unondiona, unoedza mwoyo wangu, mwoyo wangu uri kwouri. Kweya uvabudise kubanze kudai ngemakwai koourawa. Uvanasirire zuva rokuurawa.

Jer. 14:16

Nevanhu vevanoprofetera kwevari vanozokandirwa mumapato eJerusarema ngendaa yenzara neshoti. Akuzoapo naumwe kuvatsira, ivo pachavo, vakadzi vavo, vakororo vavo, nevanasikana vavo. Ngokuti ndinozodururira padera pavo kushata kwavo.”

Jer. 15:7

Ndavatsera ngorutsero pamisiwo yenyika; ndaita kuti vafirwe ngevanhu, ndaparadza vanhu vangu; avazi kutenderuka kubva kunjira dzavo.

Jer. 15:8

Shirikadzi dzavo dzawandisa kupinda jecha romuruandhle; ndaunzira vanamai vemajaha muparadzi masikati machena; ndaita kuti kurwadziwa nokutyiswa kuwire padera pavo ngokukasira, nokutyisa kudzake padera pedhorobha.

Jer. 50:30

Ndizvo majaha aro anozowa mumadariro, nevarwi vehondo varo veshe vanozoparadzwa ngeiro zuva,” unoronza Mambo Mwari.

Jer. 9:21

Rufu rwauya kumafasitera edu, kwapinda mungome dzedu, kugura vana kubva mumapato, nemajaha kubva kumadariro.

Chi. 1:15

Mambo Mwari waramba dzeshe ngwazi dzangu dziri mukati mwangu; wakandidaidzira nguva yokurwa neni kuuraya majaha angu; Mambo Mwari watsikatsika pashi kudai ngounosvina mavhini mhandwe mwanasikana Judha.

Chi. 5:3

Taa nherera nevasina baba, madzimai edu adai ngeshirikadzi.

Ezek. 16:38

Inini ndinozokutonga kudai ngokutongwa kunoitwa vakadzi vanoomba, nevanoparadza ngazi, nokuunza ngazi padera pako muushungu hwangu hukuru nomundurumwa.

Ezek. 22:25

Vaprofeti varo mukati mwaro vakadai ngemhondoro inokwanga yechibvajura chokudya; vakapedza vanhu, vakatora upfumi nezvinomutengo mukuru; vakaita kuti shirikadzi dziwande mukati mwaro.

Amo. 4:10

“Ndakatumira nhenda pakati penyu kudai ngezvakaitika muEgipite; majaha enyu ndakaauraya ngeshoti, ndikamutorera mahachi enyu; ndakaita kuti kunuhwa kwemakamba enyu kugume kumiro dzenyu; asi amuzi kupetuka kwendiri, unoronza Mambo Mwari.

Dhuto. 32:25

Kubanze mumapato shoti richavauraya, nokutyisa kuri mukati mwemhatso, nazvo zvinozopedza veshe majaha, nemhandara, nevachaamwa pamwepo nevakuru vachena imvi.”

2 Tim. 4:14

Arekizanda mupfuri wethusi wakandishaishira kakurutu; Mambo unozomuunzidzira kudai ngemishando yake.

1 Sam. 15:33

Asi Samueri wakati, “Kudai ngeshoti yako yakaita kuti vakadzi vasaita vana, ndizvo mai ako avazoiti nemwana pakati pevakadzi.” NaSamueri wakagura Agagi kuita zvigurwa pamberi paMambo Mwari muGirigari.