Jer. 18:16 - Bhaibheri Rakachena muChindau

¹⁶ vechiita kuti nyika yavo ityise chiro chinoridzirwa murudzi mhera nariini. Veshe vanopinda ngepasinde payo vanotyiswa vechidzungudza masoro avo.

Jer. 18:16 Iomraidhean Croise

1 Madzi. 9:8

Mhatso iyi inozoita murwi wematongo; kunyazwi ndiani unozopinda ngepasinde payo, unozoshamiswa nokurwadziwa; navo vanozoti, ‘Mambo Mwari wakaita zvakadai ngenyi kunyika iyi, nokunemhatso iyi?’

2 MaKro. 29:8

Ndizvo ushungu hwaMambo Mwari hwakadzaka padera paJudha neJerusarema, naye wakavaita chiro chinotyisa, chinoshamisa nechinoridzirwa murudzi, kudai ngezvomunoona ngemadziso enyu.

Nduyo 109:25

Ndaa chiro chokutukwa kumagaa angu; apo voondiona, vanodzungudza masoro avo.

Nduyo 22:7

Veshe vanondiona, vanondisheka kundiitira jee; vanochenya miromo, vanodzungudza masoro vechiti,

Nduyo 44:14

Watiita chinai pakati pemadzinza, nokudzungudzirwa masoro pakati pemadzinza.

Isa. 37:22

iri ndiro izwi raaereketa Mambo Mwari ngendaa yake; “Mhandwe mwanasikana weZioni unokushoora nokukusheka; mwanasikana weJerusarema unodzungudza soro rake sure kwako.

Isa. 6:11

Zvino ndakati, “Mambo Mwari, mukuwo wakadini?” Naye wakati, “Metsa madhorobha aita matongo asina unogaremwo, nemhatso dzisina vanhu, nenyika iite shango yaamho;

Jer. 19:8

Ndinozoita kuti iri dhorobha riite matongo, chiro chinoridzirwa murudzi; weshe unopinda ndipo unozoshamiswa, naye unozoridza murudzi ngendaa yokuparadzwa kwaro kweshe.

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 29:18

Ndinozovateera ngeshoti, ngenzara nenhenda, nokuvaita chiro chinotyisa kuumambo hweshe hwenyika, kuti vaite vakatukwa, nechishamiso, nevanoridzirwa murudzi, nevanotsverudzwa, pakati pemadzinza eshe endakavadzingira kwaari,

Jer. 42:18

“Ngokuti izvi ndizvo zvinoronza Mambo Mwari wehondo, Mwari waIsuraeri: ‘Kudai ngokutseneka kwangu noushungu hwangu zvakadururwa padera pevagari veJerusarema, ndizvo ushungu hwangu hunozodururwa padera penyu, apo pomunozoenda Egipite. Munozoita chiro chakadai ngemahundi nechishamiso, nokuita vakatukwa nevanoshoorwa. Amuchazoonizve ndau iyi.’ ”

Jer. 44:12

Ndinozotora veshe vakasara vaJudha, avo vakadziemesera kuenda kunyika yeEgipite koogareyo, navo vanozourawa veshe, nokuwa munyika yeEgipite; vanozowa ngeshoti, ngenzara; vanozofa kubvira pamudoko metsa pamukuru, vanozofa ngeshoti nenzara; vanozoita chiro chinotukwa, chinoshamisa, chinoshoorwa, nechinotsverudza.

Jer. 48:27

Isuraeri aazi kuita chishekedzo kweuri here kunyazwi asikazi kubatwa pakati pembavha? Asi peshe pounoereketa ndiye unodzungudza soro rako.

Jer. 49:13

Ngokuti inini pachangu ndakapika,” unoronza Mambo Mwari. “Kuti Bhozira rinozoita chishamiso, chishekedzo, nokuita matongo, nokutukwa; nemadhorobha aro eshe anozoangira kuita matongo.”

Jer. 49:17

“Edhomu rinozoita chiro chinotyisa; munhu weshe unopinda ngepasinde paro unozotyiswa, nokuridza murudzi ngendaa yemadambudziko aro eshe.

Jer. 50:13

Ngendaa youshungu hwaMambo Mwari aizogarwi, asi inozoita matongo yeshe; weshe unozopinda ngepasinde peBhabhuroni unozoshamiswa, nokuridza murudzi ngemaronda aro eshe.

Jer. 51:37

NeBhabhuroni rinozoita murwi wematongo, nebako remakava, nokuita chiro chinoshamisa, nokushoorwa, nokuridzirwa murudzi risina unogaramwo.

Jer. 51:43

Madhorobha aro aita chiro chinotyisa, nyika yokuoma norubaya, nyika isikagarwi ngomunhu, akunazve naumwe wevakororo vevanhu unopindamwo.

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Chi. 1:12

Azvironzi chiro kwomuri here, imwimwi mweshe munopinda ngenjira? Ringirai, muone kuti kuripo here kutambudzika kukuru kwakadai ngokutambudzika kwangu, ukwo kwakaitwa kwendiri, kwaakanditambudza ndikwo Mambo Mwari ngezuva roushungu hwake hukuru.

Ezek. 12:19

uti kunevanhu venyika, ‘Izvi ndizvo zvinoronza Mambo Mwari, Mwari ngendaa yevagari veJerusarema munyika yaIsuraeri: Vanozodya chingwa chavo mukutyiswa, nokumwa mvura yavo mukupera simba, ngokuti nyika yavo inozotorerwa zveshe zviri mukati mwayo, ngendaa yokugebenga kwavo veshe vanogara mukati mwayo.

Ezek. 27:36

Vatengesi pakati pevanhu vanokuridzira murudzi; iwewe waguma kumagumo anotyisa, newe auchazoapozve mhera nariini.”

Ezek. 36:3

“Ndizvo, profeta wechiti, ‘Izvi ndizvo zvinoronza Mambo Mwari, Mwari: Ngokuti vakamuita matongo yaamho, nokumupwanya kundau dzeshe, kuti muite nhaka yemadzinza evakasara, nemwi mwakareiwa mumiromo yevaereketi, mukaitwa vanyepi pakati pevanhu;

Ezek. 6:14

Ndinozotambanudza nyara yangu padera pavo, ndiite nyika matongo, nokuparadzwa muugaro hwavo hweshe kubvira mushango kuenda Dhibhira. Zvino vanozozia kuti inini ndini Mambo Mwari.”

Revhi 26:32

Ndinozoparadza nyika kuti iite mafusi; nemagaa enyu anogara kweiri anozoshamiswa ndiyo.

Revhi 26:43

Ngokuti nyika inozosiiwa ndivo, inozodakara ngemaSabatha ayo, apo inogara yechiita mafusi, isinavo; navo vanozoashira kuororwa kwokushaisha kwavo, ngokuti ivo vemene vakashoora zvitongero zvangu, ngokutizve mweya yavo yakanyenyeka zviemeso zvangu.

Mik. 6:16

Ngokuti wakangwarira zviemeso zvaOmuri, nemishando yeshe yemhatso yaAhabhi, newe wateera mipango yavo. Ndizvo ndinozokuita matongo, nevagari vemwo kuti vaite vashoorwi; ndizvo unozotwara chimene chevanhu vangu.”

Mateu 27:39

Navo vaipinda ndipo vakamutuka, vechigudwaira masoro avo

Marku 15:29

Naavo vaipinda ngaapo vakamutuka, vechigudwaira masoro avo vechiti, “Ehee! Iwewe unoparadza Temperi nokuriaka ngamazuva matatu,

Dhuto. 28:59

zvino Mambo Mwari unozomuchaya imwimwi mweshe nemibarirwana yenyu, ngemadambudziko makuru, asikaperi nenhenda dzinorwadza kakurutu, dzinoangira mukuwo wakareba.

Dhuto. 29:23

Mavhu enyika yeshe anobaka ngesorufa nomunyu, apana chinosimwa, apana chinomera nokukura, apana nomwenje unokuremwo, kudai ngokuparadzwa kweSodhoma neGomora, Adhima neZebhoimu, ao aakaparadza Mambo Mwari muushungu hwake hunotyisa.