Jer. 18:12 - Bhaibheri Rakachena muChindau

¹² Asi vanoti, ‘Azvidetseri chiro! Isusu tinozoteera urongwa hwedu, nesu umwe ngaumwe wedu unozoita kudai ngokukonza kwomwoyo wake wakashata.’ ”

Jer. 18:12 Iomraidhean Croise

Gen. 6:5

Mambo Mwari wakaona kuti kushata kwevanhu kwaiya kwakura munyika, nokuti kukarakadza kweshe kwemipinimidzo yomwoyo yavo kwaiya kwakashata nguva dzeshe.

Gen. 8:21

Naapo Mambo Mwari wakafemba gwema rakanaka; naMambo Mwari wakati mumwoyo mwake, “Andichazotukizve mavhu ngendaa yomunhu, ngokuti kupinimidza kwomwoyo womunhu kwakandoshata kubvira muudoko hwake; zve, andichazoparadzizve zveshe zvinopona kudai ngezvendaita.

2 Madzi. 6:33

Naapo aiya achaereketa navo, ringira, mambo wakadzaka kwaari, wakati, “Ringira, uku kushata kunobva kunaMambo Mwari; ndingachagonderenyi munaMambo Mwari?”

Isa. 57:10

Mwakarembeswa ngokureba kwerwendo rwenyu, asi amuzi kuronza kuti, “Azvidetseri.” Ngokuti mwakaona kudisisa kwenyu kwechimusirirwa, ndizvo auzi kupera simba.

Isa. 65:2

Ndakatambanudza nyara yangu zuva reshe kunevanhu vokumukira, avo vanohamba munjira isikazi kunaka, kuteera mipinimidzo yavo;

Jer. 11:8

Asi avazi kupurutana nokuti kuteya nzee dzavo, asi vakahamba umwe ngaumwe mumupinimidzo womwoyo wake wakashata. Ndizvo ndakaunza padera pavo mazwi eshe echitenderano endakavapa kuti vaite, asi avazi kuaita.”

Jer. 16:12

nendaa yokuti mwakaita kushata kukuru kwakapinda kwemadzibaba enyu; ngokuti, ringira, munohamba umwe ngaumwe, kuteera kukonza kwomwoyo wake wakashata, nokuramba kupurutana kwendiri.

Jer. 2:25

Rambidza rutsoka rwako kuti rusahamba rusina gwada, nemukuro wako kubva kunenyota; asi unoti, ‘Azvidetseri, ngokuti ndakada vapara, neni ndinozovateera.’ ”

Jer. 23:17

Vanoangira vechiti kwevari vanoshoora izwi raMambo Mwari, ‘Zvinozomunakira;’ vanoti kunoumwe ngaumwe unohamba mukukarakadza kwomwoyo wake wemene, ‘Apana chakashata chinozokugumira.’

Jer. 3:17

Ngouwo mukuwo vanozodudza Jerusarema kuti, ‘Dendemaro raMambo Mwari’ nemadzinza eshe anozounganidzwa kweriri, mukuapo kwaMambo Mwari muJerusarema; avachazohambi kuteera mikarakadzo yomwoyo yavo yakashata.

Jer. 44:17

Asi ngegwinyiso tinozoita chiro cheshe chetakapika kuita, kupisha mutombo unegwema kunavahosi vomudenga nokudurura kwaari mudiro wokumwa, kudai ngezvatakaita, isusu nemadzibaba edu, nemadzimambo edu nevatongi vedu, mumadhorobha aJudha nomumapato eJerusarema. Taigara tinokudya kwakawanda, techigara zvakanaka, atizi kuona chakashata.

Jer. 6:17

Ndakamuemeserawo varindi padera penyu ndechiti, “Purutanai kurira kwegwama.” Asi vakati, “Atizopurutani.”

Jer. 7:24

Asi avazi kupurutana nokuti kukotamisa nzee dzavo, asi vakahamba mukuona kwemipinimidzo yemwoyo yavo yakashata, vakahwirira sure, avazi kuenda mberi.

Ezek. 37:11

Zvino wakati kwendiri, “Mukororo womunhu, aya magodo imhatso yeshe yaIsuraeri. Ringira, vanoti, ‘Magodo edu awoma, negonda redu rapera; takapera yaamho.’

Mar. 3:14

Mwati, ‘Akudetseri chiro kushandira Mwari. Tinouyirwa ngenyi ngokungwarira zviemeso zvake, nokuhamba techichema pamberi paMambo Mwari wehondo?

Ruka 1:51

Iye wakaonisa simba rake ngomuoko wake, wakaparadza avo vanodzikudza ngokupinimidza kwomwoyo yavo.

Dhuto. 29:19

Avo veshe vanozwa aya mazwi emhiko iyi, vechidzifumisa pachavo, vechipinimidza mumwoyo yavo, “Takangwaririka kunyazwi techihamba munjira dzedu dzemisikanzwa” (ndizvo vechiunza madambudziko panezveshe zvakaoma nezvakapfaa.)