Jer. 18:11 - Bhaibheri Rakachena muChindau

¹¹ Ndizvo zvino, erekete kuvanhu vaJudha nokune vagari veJerusarema wechiti, Izvi ndizvo zvinoronza Mambo Mwari: Ringira, inini ndiri muumbi wehari, ndinonasira kushata kunowira padera penyu, nokuronga mazano okumurwisa. Zvino tenderukai umwe ngaumwe wenyu kubva kunjira yake yakashata, munasirise njira dzenyu nezviito zvenyu.’

Jer. 18:11 Iomraidhean Croise

Gen. 11:7

Uyai, ngatidzake pashi, tikangaidze ndimi yavo, kuti vasazwana umwe noumweni mukuereketa kwavo.”

1 Madzi. 22:23

Ndizvo ringira, Mambo Mwari waisa mweya wokunyepa pamiromo yeava vaprofeti vako veshe; Mambo Mwari wakaereketa zvakashata ndiwe.”

2 Madzi. 17:13

Asi Mambo Mwari wakapanga vaIsuraeri nevaJudha, kubudikidza ngevaprofeti veshe neavo veshe vaifembera echiti, “Tenderukai imwimwi kubva kunjira dzenyu dzakashata, mungwarire mipango yangu nezviemeso zvangu, kudai ngemipango yeshe yendakapanga ndiyo madzibaba enyu, neiyo yendakatumira kwomuri ngevaranda vangu vaprofeti.”

2 Madzi. 22:13

“Endai mundibvunzire kunaMambo Mwari, inini, vanhu, nevaJudha veshe, ngendaa yemazwi ebhuku iri rakaoneka; ngokuti hukuru ushungu hwaMambo Mwari hunobaka kwetiri, ngokuti madzibaba edu aazi kupurutana kumazwi ebhuku iri, kuti vaite zveshe zvakanyorwa zvakaemeserwa isusu.”

2 Madzi. 5:5

Namambo weAramu wakati, “Endayo, ndinozotumira tsamba kunamambo waIsuraeri.” Wakaenda, wakatora naye matarenta gumi esirivha, nemakumi emazana matanhatu (6,000) ezvigurwa zvomukore, nezvokupfeka zvipani gumi.

Isa. 5:5

Zvino izwai, ndinozomuronzera chendinozoita kumunda wangu wemivhini. Ndinozodusa rushosha rwawo, nawo uzodyiwa; ndinozoputsa rukumbati rwawo, nawo unozotsikwatsikwa pashi.

Isa. 57:1

Vakarurama vanopera, apana naumwe unopinimidza ndizvo; vanhu vanoda Mwari vanotorwa, pasina naumwe unozwisisa. Ngokuti vakarurama vanotorwa kubva mukushata,

Jer. 11:11

Ndizvo izvi, ndizvo zvinoronza Mambo Mwari, ‘Ringira, ndinozounza kushata padera pavo ukwo kwevasikazokoni kutiza; kunyazwi vanozodaidzira kwendiri, andizovapurutani.

Jer. 11:19

Asi ndaiya ndakadai ngekakwai kakapfaa kanounzwa koourawa; neni ndaiya ndisikazii kuti vanoda kundimukira, vakaita urongwa vechiti, “Ngatiparadze muti uyu nemichero yawo, ngatimuuraye kuti abve munyika yevanopona, kuti zina rake risachazokarakadzwa ndiro.”

Jer. 18:18

Zvino vakati, “Uyai, ngatiite urongwa hwokurwisa Jeremia; ngokuti mipango aizoperi kubva kuvapristi nokuti kupangwa kunobva kunevakangwara, nokuti izwi kubva kunevaprofeti. Uyai, ngatimurwise ngemazwi, tisapurutana kunyazwi ngaari mazwi ake.”

Jer. 19:15

“Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza padera pedhorobha iri, nepadera pemaguta aro eshe, kushata kweshe kwendakaronza kweriri, ngokuti vakakonzisa mitsipa yavo, kuramba kuti vasazwa mazwi angu.”

Jer. 19:3

Unozoti, ‘Izwai izwi raMambo Mwari, O madzimambo aJudha neimwimwi vagari veJerusarema. Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza kushata padera pendau iyi, ukwo kunoti, kunyazwi ndiani unokuzwa, nzee dzake dzinozozhararika.

Jer. 25:2

iro raakaereketa Jeremia kuvanhu veshe vaJudha, nokuvagari veshe veJerusarema echiti,

Jer. 25:5

naapo vechiti, ‘Tenderukai zvino, imwimwi mweshe, umwe ngaumwe wenyu kubva kunjira yake yakashata nokubva kuzviito zvake zvakashata, mugare munyika yaakamupa Mambo Mwari nemadzibaba enyu, kubvira karetu mhera nariini;

Jer. 26:13

Ndizvo zvino nasirirai njira dzenyu nezviito zvenyu, mupurutane izwi raMambo Mwari, Mwari wenyu; naMambo Mwari unozorekera kushata ukwo kwaakamurongera.

Jer. 26:3

Pamweni vanozopurutana veshe, nokutenderuka umwe ngaumwe kubva kunjira yake yakashata, kuti ndirekere kushata kwendinoronga kuunza padera pavo ngendaa yezviito zvavo zvakashata.

Jer. 3:1

“Kudai munhu echiramba mukadzi wake, naye akaenda kubva kwaari nokuita mukadzi woumweni munhu, unozohwirira kwaari here? Iyo nyika aizosvipiswi kakurutu here? Iwewe wakaita uhure nevadikani vazhinji, newe ungapetuka kwendiri here? Unoronza Mambo Mwari.

Jer. 3:22

Petukai, imwimwi vana vasikagondeki, ndinozorapa kusikagondeka kwenyu. “Ringira, tinouya kwouri; ngokuti iwewe uri Mambo Mwari, Mwari wedu.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 36:3

Pamweni vemhatso yaJudha pevanozwa kweshe kushata kwendakaronga kuita kwevari, veshe umwe ngaumwe wavo ungatenderuka kubva kunjira yake yakashata, kuti ndikone kurekerera kushata kwavo nezvishaishi zvavo.”

Jer. 36:7

Pamweni vanozouya koopota kunaMambo Mwari nokutenderuka, umwe ngaumwe kubva kunjira yake yakashata, ngokuti kutseneka noushungu hwakashata zvaakaronza Mambo Mwari kunevanhu ava zvikuru.”

Jer. 4:1

“Kudai wechipetuka, O Isuraeri,” unoronza Mambo Mwari, “Kudai wechipetuka kwendiri, kudai wechirasha zvinyangadzo zvako kubva mukuona kwangu, ndizvo auzokutukuswi,

Jer. 4:14

O Jerusarema, shambidza mwoyo wako uchene kubva kunezvakashata, kuti uponeswe. Mipinimidzo yako youpenzi inozogara mukati mwako mukuwo wakadini?

Jer. 4:23

Ndakaringira nyika, ringira, yaiya isina muemo wakanaka, isina chiro, nokumatenga nawo aiya asina kujeka.

Jer. 4:6

Emesai mujeki muringire Zioni; tizai kuti mupone, musanonoka, ngokuti ndinounza kushata kunobva ngedera nokuparadzwa kukurutu.”

Jer. 51:11

“Rodzerai misee! Zadzai chikomwe! Mambo Mwari wamusa mweya wemadzimambo evaMedhe, ngokuti biningidzo rezano rake ngeBhabhuroni kuriparadza; ngokuti ndikwo kuunzidzira kwaMambo Mwari kuunzidzira ngendaa yetemperi rake.

Jer. 7:3

Mambo Mwari wehondo, Mwari waIsuraeri, unoronza izvi, ‘Nasirisai njira dzenyu nezviito zvenyu, neni ndinozomuita kuti mugare pandau iyi.’

Ezek. 13:22

Ngokuti mwatsamwisa mwoyo wewakarurama ngemanyepo enyu, kunyazwi andizi kumutsamwisa; nemwi mwagwinyisa nyara dzewakashata, kuti asakunukuka kubva kunjira yake yakashata nokuponeswa,

Ezek. 18:23

Ndine kudakara here mukufa kwouwo wakashata, ” unoronza Mambo Mwari, Mwari: “Haiwa kuti atenderuke kubva munjira dzake, apone?

Jona 3:8

Asi vanhu nemhuka ngazvifukidzwe ngemachira emasaka, nazvo ngazvicheme ngesimba kunaMwari. Zveshe ngazvitenderuke kubva kunjira yazvo yakashata, nokubva mukugebenga kuri munyara dzazvo.

Mik. 2:3

Ndizvo izvi ndizvo zvinoronza Mambo Mwari: “Zvino ringira, ndiri kurongera zvakashata mhatso iyi zveisikazokoni kudusa mitsipa yenyu; amuzohambi ngokudzikudza, ngokuti uyu unozoita mukuwo wakashata.

Zek. 1:3

Ndizvo wechiti kwevari, ‘Izvi ndizvo zvinoronza Mambo Mwari wehondo: Petukai kwendiri, unoronza Mambo Mwari wehondo, neni ndinozopetuka kwomuri, unoronza Mambo Mwari wehondo.’

Zvak. 26:20

asi ndakatanga kuchumaira kwavari veshe veDhamasekusi nomuJerusarema nomunyika mweshe mweJudhia nokunevemadzinza kuti vatenderuke, vakunukukire kunaMwari, vechiita mishando inosisira kutenderuka kwavo.

Jakobe 4:13

Uyai zvino, imwimwi munoti, “Nyamashi nokuti mangwani tinozoenda kudhorobha rakatikuti, tipedze gore tiriyo, techitengesa tione zvokuuyirwa ndizvo.”

Jakobe 5:1

Uyai zvino, imwimwi makurudza, mucheme nokuboorera ngamadambudziko anozouya padera penyu.