Jer. 18:10 - Bhaibheri Rakachena muChindau

¹⁰ asi kuti rechiita zvakashata mukuona kwangu, risikapurutani izwi rangu, zvino ndinozorekera kuita zvakanaka zvendakaemesa kuti ndiite kweriri.

Jer. 18:10 Iomraidhean Croise

Nduyo 125:5

Asi ngendaa yeavo vanopauka kuenda munjira dzavo dzakashongoroka, Mambo Mwari unozovabudisa kuvadzinga pamwepo nevashandi vezvakashata. Kunyarara ngakugare naIsuraeri! Nduyo yokukwira.

Ezek. 18:24

Asi apo wakarurama echitenderuka kubva mukururama kwake nokuita zvakashata, nokuita zvakatodzana zvinonyangadza zviro, zvinoitwa ngomunhu wakashata, ungazopona here? Apana nachimwe chezviito zvakanaka zvaakaita zvichakarakadzwa; ngendaa yokupauka kwake kwaakapauka nokushaisha kwake kwaakashaisha, unozofa.

Ezek. 33:12

“Newe, mukororo womunhu, ereketa kuvanhu vako, ‘Kururama kwowakarurama akuzomununuri apo apauka; asingendaa yokushaisha kwowakashata, iye aazowiswi ndikwo ngeiro zuva raanotenderuka kubva mukushaisha; wakarurama aazokoni kupona ngokururama kwake ngeiro zuva raanoshaisha.’

Ezek. 33:18

Naapo wakarurama echikunukuka kubva mukururama kwake, echiita zvishaishi, unozofa ndizvo.

Ezek. 45:20

Unozoita zvakatodzana kudaro ngezuva rechinomwe romwedzi ngendaa yomunhu weshe unoshaisha, ngokuphambekwa nokuti unoshaisha ngokusikazia; ndizvo munozoita muripo wetemperi.

Zef. 1:6

avo vakahwirira sure kubva mukuteera Mambo Mwari, avo vasikazi kutsvaka Mambo Mwari, nokuti kubvunzisisa ndiye.

Zvi. 14:22

Apana noumwe wevanhu vakaona uthende hwangu nemamina angu endakaita muEgipite nomushango, asi vakandiedza zvino mikuwo iyi gumi, vasikazi kupurutana izwi rangu,

Zvi. 14:23

ngegwinyiso avazooni nyika iyo yendakapika kupa kunamadzibaba avo; akuna noumwe weavo vakandishoora unozoiona.

Zvi. 14:34

Kudai ngouwandu hwemazuva emwakaenda koonengera nyika ndiwo, mazuva makumi marongomuna, zuva rimwe ngarimwe rinozoita gore, muzotwara kushata kwenyu makumi marongomuna emakore, nemwi munozozia kusikadakara kwangu.’

1 Sam. 13:13

Samueri wakati kunaSauri, “Wakaita zvoupenzi; auzi kungwarira mupango waMambo Mwari, Mwari wako, waakakupanga. Ngokuti Mambo Mwari waida kuemesa umambo hwako padera paIsuraeri mhera nariini.

1 Sam. 15:11

“Ndinosvipa mwoyo kuti ndakaemesa Sauri kuita mambo; ngokuti wakapauka kubva mukunditeera, naye aazi kuteera mipango yangu.” Samueri wakashatirwa, naye wakachema kunaMambo Mwari usiku hweshe.

1 Sam. 15:35

Samueri aazi kuchazoonazve Sauri metsa pazuva rokufa kwake, asi Samueri wakachema Sauri. Mambo Mwari wakadzishoora kuti waiya akaemesa Sauri kuita mambo padera paIsuraeri.

1 Sam. 2:30

Ndizvo Mambo Mwari, Mwari waIsuraeri, unoti, ‘Ndakagondisa ngegwinyiso kuti vemhatso yako nevemhatso yababa ako vanozohamba pamberi pangu mhera nariini;’ asi zvino Mambo Mwari unoti, ‘Haiwa, azvizoitiki; ngokuti avo vanondiremeredza ndinozovaremeredza, naavo vanondishoora vanozonyenyeredzwa.’