Jer. 17:8 - Bhaibheri Rakachena muChindau

⁸ Unozodai ngomuti wakasimwa pasinde pemvura, uwo unotambaradza nzinde dzawo pasinde porwizi. Usikazotyi kupisha apo kwauya, nemashakani awo anogara akasvipira; usikazotyi ngegore rokuoma, usikarekeri kubereka michero.

Jer. 17:8 Iomraidhean Croise

Jobe 29:19

Nzinde dzangu dzinotambarara kuenda panemvura, nebeto raigara padera pematai angu usiku hweshe.

Jobe 8:16

Wakashata unoburukira pamberi pezuva, nematai ake anopararira padera pemunda.

Nduyo 1:3

Naye unozodai ngomuti wakasimwa pasinde pemigero yemvura, unobara michero yawo ngenguva yawo, mashakani awo aazofoti. Zveshe zvaanoita, unozobudirira.

Mazwi 11:28

Uwo unogonda muupfumi hwake unozowa, asi vakarurama vanozobudirira kudai ngemashakani akasvipira.

Isa. 58:11

Mambo Mwari unozomutungamirira nguva dzeshe, echigutisa zvidisiso zvomweya mundau dzakaoma, nokugwinyisa magodo enyu; nemwi munozodai ngomunda wakadiridzirwa, kudai ngechinyuka chemvura, icho mvura yacho isikazopwi.

Isa. 61:3

kunasirira izvi avo vanotsumba muZioni; kuvapa dzungudza pandau yemarota, mafuta okudakara pandau yokuchema, jira rokukudza pandau yomweya wokusvipo mwoyo. Vanozodaidzwa kuzwi miokhi yokururama, zvisimwa zvaMambo Mwari, zvinoonisa kuirikidzwa kwake.

Jer. 39:18

Ngokuti ngegwinyiso ndinozokuponesa, newe auzofi ngeshoti; asi kupona kwako kunozoitwa kudai ngechakapambwa kuhondo, ngokuti wakagonda mwendiri,’ ” unoronza Mambo Mwari.

Ezek. 31:3

Ringira muAsiria waiya akadai ngomusedhare womuRebhanoni unematai akanaka, negwasha rinemabvute, nechiemo chakareba; nomwoyo wawo unopinda mumakore akakora.

Ezek. 47:12

Pamahumbikumbi, kumarutii eshe endwizi, kunozokura miti yembeu yeshe yemichero inodyiwa. Mashakani ayo aazofoti, nokuti michero yayo aizokoreri; asi inozobereka michero yakanaka mwedzi yeshe, ngokuti mvura yayo inovheruka kuerera kubva kundau yakachena. Michero yayo inozoita yokudya, nemashakani ayo anozoita mutombo.”