Jer. 17:3 - Bhaibheri Rakachena muChindau

³ pamitunhu iri munyika yorubaya. Upfumi hwako hweshe nemare yako ndinozozvipira kuti zvichakatwe, nendau dzako dzakakwirira ngendaa yokushaisha kwako kuri munyika yako yeshe.

Jer. 17:3 Iomraidhean Croise

2 Madzi. 24:13

Wakatora kubva kumhatso yaMambo Mwari zveshe upfumi hwayo, noupfumi hwemhatso yamambo; wakagura kuita zvigurwa zveshe zvidziyo zvomukore zvakaitwa ndiSoromoni mambo waIsuraeri mutemperi raMambo Mwari, kudai ndizvo zveshe zvaakaronza Mambo Mwari.

Nduyo 78:58

Ngokuti vakamuita kuti anyangadzwe ngendau dzavo dzakakwirira; vakamuita kuti aite ndurumwa ngemiedzaniso yakatsetswa.

Isa. 27:9

Ndizvo ngendaa iyi kushata kwaJakobe kunozoripirwa; neiyi ndiyo michero yakazara yokuduswa kushaisha kwake; apo paanoita mapuwe eshe earita kuti adai ngemapuwe akapfaa anoputswa kuita zvigurwa, apana sika yokudira nemitombo inonuhwira yepaarita zvinozosara zvakaemapo.

Jer. 12:12

Vaparadzi vakwira padera pendau dzeshe dzakakwirira dzeshango; ngokuti shoti yaMambo Mwari inovapedza kubvira kumagumo amwe enyika kuenda kuneamweni; apana naumwe unozoane kunyarara.

Jer. 15:13

Upfumi hwako nemare yako ndinozozvipa kudai ngezvakachakatwa pasina mutengo, ngendaa yezvishaishi zvako zveshe, munyika yako yeshe.

Jer. 20:5

Ndinozopa pfuma yeshe yedhorobha iri, zveshe zverinouyirwa ndizvo, zveshe zvaro zvinomutengo mukuru, noupfumi hweshe hwemadzimambo aJudha, kunyara dzemagaa avo, avo vanozozvichakata, nokuzvitora kuenda nazvo Bhabhuroni.

Jer. 21:13

Ringira, ndinorwisana nemwi, O imwimwi vagari vomubani, O buwe romurubaya, unoronza Mambo Mwari; imwimwi munoti, ‘Ndiani ungakona kudzaka kurwa nesu, nokuti ndiani ungakona kupotera muugaro hwedu?’

Jer. 26:18

“Mikha weMoreshethi wakaprofeta ngamazuva aHezekia mambo waJudha, akati kuvanhu veshe vaJudha, ‘Izvi ndizvo zvinoronzaMambo Mwari wehondo: Zioni rinozorimwa kudai ngomunda, neJerusarema rinozoita mirwi yematongo, nomutunhu wemhatso unozodai ngendau dzakakwirira dzegwasha.’

Chi. 1:10

Gaa rakatambanudza nyara dzaro padera pezviro zvaro zveshe zvinomutengo mukurutu; ratoona madzinza echipotera mundau dzaro dzakacheneswa, avo vewakaereketa ndivo kuti vasapotera mumishongano yako.

Ezek. 16:39

Ndinozokupira munyara dzavo, navo vanozoparadza ndau yako yokukurira, nokuputsira pashi ndau dzako dzakakwirira; vanozokhumurazve machira ako, nokudusa zvinemeso zvako zvakanaka, nokukusiya uri mupunu nomutitinini.

Ezek. 23:46

“Ngokuti izvi ndizvo zvinoronza Mambo Mwari, Mwari: Unza chikwata padera pavo kurwa navo, vaite kuti vatyiswe nokuchakatwa.

Ezek. 6:3

wechiti, ‘O imwimwi mitunhu yaIsuraeri, izwai izwi raMambo Mwari, Mwari: Izvi ndizvo zvinoronza Mambo Mwari, Mwari kumitunhu, nokuzvimitunhu, kumakwenga, nokumabani; ringira, inini, inini ndemene, ndinozounza shoti padera penyu, ndinozoparadza ndau dzenyu dzakakwirira.

Revhi 26:30

Neni ndinozoparadza ndau dzenyu dzakakwirira, ndiputsire pashi miedzaniso yenyu, ndikandire miiri yenyu yakafa padera pemiiri yemiedzaniso yenyu; nomweya wangu unozomushoora.

Mik. 3:12

Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.

Zef. 1:13

Upfumi hwavo hunozopambwa, nemhatso dzavo dzinozoita matongo. Kunyazwi vanoaka mhatso, avazogarimwo; kunyazwi vanosima minda yemivhini, avazomwi vhini rayo.”