Jer. 17:25 - Bhaibheri Rakachena muChindau

²⁵ zvino vanozopotera ngepamisiwo yedhorobha iri madzimambo nevakuru, vanogara padendemaro raDhavhidha, vakakwira mungoro nokugadha mahachi, nevakuru vavo, ivo nevakuru vamuna vaJudha, nevagari vomuJerusarema; nedhorobha iri rinozogarwa mhera nariini.

Jer. 17:25 Iomraidhean Croise

2 Sam. 7:16

Mhatso yako noumambo hwako zvinozogwinyiswa pamberi pako mhera nariini.’ ”

2 Sam. 8:4

Dhavhidha wakatora kubva kwaari vagadhi vemahachi gumi remazana nemazana manomwe (1,700) nemakumi mairi emakumi emazana (20,000) evanhu vehondo vanohamba ngetsoka. Dhavhidha wakagura misipha yemahachi eshe engoro, asi wakasiya akakwana okukweya ngoro dziri zana.

EKISEDHUSI 12:14

Nezuva iri rinozoita mukarakadziso kwomuri, nemwi munozoringwarira kuita dhiri kunaMambo Mwari; kumibarirwana yenyu yeshe munozoringwarira kuita mutemo mhera nariini.

Isa. 9:7

Umambo hwake unozoramba wechikura, kuchaapo kunyarara kusina magumo padendemaro raDhavhidha nepaumambo hwake. Unozouemesa nokuugwinyisa ngokutonga kwakanaka nokururama, kubvira zvinopano mhera nariini. Kugwinyisisa kwaMambo Mwari wehondo kunozoita izvi.

Jer. 13:13

Zvino unozoti kwevari, ‘Izvi ndizvo zvinoronza Mambo Mwari: Ringira, ndichazadza ngokudhakwa veshe vanogara munyika ino, madzimambo anogara padendemaro raDhavhidha, vapristi, vaprofeti, navo veshe vanogara muJerusarema.

Jer. 22:2

wechiti, ‘Izwa izwi raMambo Mwari, O mambo waJudha, unogara padendemaro raDhavhidha, iwewe, nevaranda vako, nevanhu vako avo vanopotera ngepamisiwo iyi.’

Jer. 22:30

Izvi ndizvo zvinoronza Mambo Mwari, “Nyora, ‘Munhu uyu kudai ngeusina mwana, munhu usikazobudiriri mumazuva ake; ngokuti akuna naumwe worudzi rwake unozobudirira, kugara padendemaro raDhavhidha, nokutonga munyika yaJudha.’ ”

Jer. 22:4

Ngokuti kudai mwechipurutana izwi iri ngegwinyiso, zvino madzimambo anozopotera ngepamisiwo yeiyi mhatso kugara padendemaro raDhavhidha, vechigara mungoro nepamahachi, ivo nevaranda vavo, nevanhu vavo.

Jer. 25:5

naapo vechiti, ‘Tenderukai zvino, imwimwi mweshe, umwe ngaumwe wenyu kubva kunjira yake yakashata nokubva kuzviito zvake zvakashata, mugare munyika yaakamupa Mambo Mwari nemadzibaba enyu, kubvira karetu mhera nariini;

Jer. 33:15

Mumazuva awo, nouwo mukuwo ndinozoita kuti Dai rokururama rikure kunaDhavhidha; naye unozotonga zvakanaka, nokururamisa munyika iyi.

Jer. 33:17

Ngokuti izvi ndizvo zvinoronza Mambo Mwari: Dhavhidha aatongozotami munhu wokugara padendemaro remhatso yaIsuraeri,

Jer. 33:21

zvino ndipo pega apo chitenderano changu nomuranda wangu Dhavhidha, chingaguka kuti asaano mukororo wokutonga padendemaro rake nechitenderano changu nevaRevhi, vevapristi, avo vanondishandira.

Jer. 7:3

Mambo Mwari wehondo, Mwari waIsuraeri, unoronza izvi, ‘Nasirisai njira dzenyu nezviito zvenyu, neni ndinozomuita kuti mugare pandau iyi.’

Jer. 7:7

zvino ndinozogara nemwi mundau iyi, munyika yendakapa kumadzibaba enyu mhera nariini nariini.

Dhuto. 17:16

Asi asazodziwanzira mahachi, nokuti kuita kuti vanhu vapetuke Egipite kuti iye adziwanzire mahachi, ngokuti Mambo Mwari wakaronza kwomuri kuti, “Amuchazopetukiyo.”

Vahebheru 12:22

Asi imwimwi mwauya kuMutunhu weZioni nokudhorobha raMwari unopona, Jerusarema romudenga, nokuhondo dzengirosi dzisikaerengeki mumushongano wedhiri

1 Sam. 8:11

Naye wakati, “Idzi ndidzo njira dzamambo unozotonga padera penyu: unozotora vakororo venyu nokuvaemesa kwaari kuita vanhu vengoro dzake, nevanhu vemahachi ake, nevanozorumba pamberi pengoro dzake.