Jer. 17:18 - Bhaibheri Rakachena muChindau

¹⁸ Ngavatsverudzwe avo vanonditambudza, asi usaita kuti inini nditsverudzwe; ngavapere simba; ngokutya, asi inini ndisapera simba vaunzire zuva rokuparadzwa, vaparadze ngokuparadzwa kwakapetwa.

Jer. 17:18 Iomraidhean Croise

Jobe 16:14

Unoramba echiputikira padera pangu, unonditsotokera kudai ngengwazi.

Nduyo 35:4

Ngavatsverudzwe vashoorwe avo vanotsvaka mweya wangu. Ngavapetudzwe sure, vakangaidzwe, avo vanopangana ngokuremadzwa kwangu.

Nduyo 35:8

Kuurawa ngakugume kwevari vasikazii; nomumbure waakafisha ngauvabate; ngavawiremwo mukati mwawo, kuita kuparadzwa kwavo.

Nduyo 40:14

Ngavatsverudzwe nokukangaidzwa veshe pamwepo, avo vanotsvaka kuuraya mweya wangu; ngavapetudzwe sure, vatsverudzwe, avo vanodakarira kuremadzwa kwangu.

Nduyo 70:2

Ngavatsverudzwe nokukangaidzwa avo vanotsvaka mweya wangu. Avo ngavapetudzwe sure, vatsverudzwe, avo vanodakara ngokuremadzwa kwangu.

Nduyo 71:1

Mambo Mwari, ndinohwara mwouri; usatenda kuti nditsverudzwe mhera nariini.

Jer. 1:17

Asi iwewe, sunga chiunu chako, umiruke, uerekete kwevari zveshe zvendinokupanga. Usakaruka pamberi pavo, nokuti ndinozokukarudza pamberi pavo.

Jer. 11:20

“Asi, O Mambo Mwari wehondo, uwo unotonga ngokururama, unoedza mukarakadzo nomwoyo, ngandione kuunzidzira kwako padera pavo ngokuti kwouri ndakaisa ndaa yangu.”

Jer. 12:3

Asi iwewe, O Mambo Mwari, unondizia; unondiona, unoedza mwoyo wangu, mwoyo wangu uri kwouri. Kweya uvabudise kubanze kudai ngemakwai koourawa. Uvanasirire zuva rokuurawa.

Jer. 14:17

Unozoronza kwevari iri izwi: “Madziso angu ngaaerere masodzi usiku nemasikati, usatendera kuti arekere, ngokuti mhandara, vanhu vangu, waremadzwa kakurutu, ngokuchaiwa kunotyisa vane chironda chakakura.

Jer. 16:18

Kutanga ndinozohwirinzira kairi kushata kwavo nokushaisha kwavo; ngokuti vasvipisa nyika yangu ngemiiri yakafa yezviro zvinonyenyisa nezvinonyangadza zvemiedzaniso yavo, nokuzadza nhaka yangu ngezvinonyangadza zvavo.”

Jer. 17:13

O gonda raIsuraeri, O Mambo Mwari! Veshe vanokuramba vanozotsverudzwa, avo vanokusiya vanozonyorwa mumavhu, ngokuti vakasiya Mambo Mwari, chinyuka chemvura yokupona.

Jer. 17:16

Asi inini andizi kutiza kubva mukuita muushi mumushando wako, nokuti kuemurira zuva rokutambudzika. Iwewe unozia izvo zvakabuda kubva pamiromo yangu, zvaiya pamberi pehope yako.

Jer. 17:19

Izvi ndizvo zvinoronza Mambo Mwari kwendiri: “Enda wooema paMusiwo weVanhu, apo pevanopinda ndipo madzimambo aJudha, neapo pevanobuda ndipo, nepamisiwo yeshe yeJerusarema.

Jer. 20:11

Asi Mambo Mwari uneni, wakadai ngomurwi wehondo unotyisa; ndizvo vanonditambudza vanozopumhunwa, navo avazonyisi akadi. Vanozotsveruka kakurutu, ngokuti avazobudiriri. Kutsverudzwa kwavo kwemhera nariini akuzoriyarikanwi.

Dhuto. 33:11

Fumisa, iwewe Mambo Mwari, zviro zvake, ashira mushando wenyara dzake; vabaye ngomuchiunu avo vanomumukira, necheavo vanomuzonda, kuti vasazomukazve.”

Chakapangijihwa 18:6

Mupei musharo kudai ngezvaakamupa pachake, mumuhwirinzire kairi kakapetwa kudai ngemishando yake; mutsani iyo yaakazadza, mumudzadzire kairi.