Jer. 17:16 - Bhaibheri Rakachena muChindau

¹⁶ Asi inini andizi kutiza kubva mukuita muushi mumushando wako, nokuti kuemurira zuva rokutambudzika. Iwewe unozia izvo zvakabuda kubva pamiromo yangu, zvaiya pamberi pehope yako.

Jer. 17:16 Iomraidhean Croise

Jer. 12:3

Asi iwewe, O Mambo Mwari, unondizia; unondiona, unoedza mwoyo wangu, mwoyo wangu uri kwouri. Kweya uvabudise kubanze kudai ngemakwai koourawa. Uvanasirire zuva rokuurawa.

Jer. 13:17

Asi kudai musikazopurutani, mweya wangu unozochema kundau dzakafishika ngendaa yokudzikudza kwenyu; madziso angu anozochema kakurutu, nemasodzi angu anozoerera, ngokuti zvifuyo zvaMambo Mwari zvatorwa kuitwa hloko.

Jer. 15:15

“O Mambo Mwari, ndiwe unozia; ndikarakadze, ndihambire, undiunzidzire vanonditambudza. Mukusengerera kwako usandirasha kuretu; zia kuti ngendaa yako ndinotukwa.

Jer. 18:20

Kushata kunounzidzirwa ngezvakanaka here? Asi vatsira ndaramo yangu hunza. Karakadza kuema kwangu pamberi pako kuereketa zvakanaka ndivo, nokupetudza ushungu hwako kubva kwevari.

Jer. 20:7

O Mambo Mwari, wandichengedzera, neni ndakachengedzerwa; iwewe wakagwinya kupinda inini, ukandinyisa. Ndinoshekwa mazuva eshe; veshe vanondiitira jee.

Jer. 20:9

Kuti ndikati, “Andichazoereketi ndiye, nokuti kuereketa ngezina rake mhera nariini,” zvino mukati mwangu chirimwo chinopisha kudai ngomuriro unobaka, wakakonyerwa mumagodo angu, neni ndaremba ngokushingirira, ndakorera.

Jer. 9:1

O kudai soro rangu raiya chinyuka chemvura, nemadziso angu aiya chinyuka chemasodzi, kuti ndichemere masikati nousiku vakaurawa vevanhu vangu varombo!

Amo. 5:10

Vanomunyenya uwo unokaraidza pamusiwo, vanonyangadzwa ndiye unoereketa gwinyiso.

Zvak. 20:20

Andizi kutya kuita kwomuri chiro chinomudetsera, ndechichumaira izwi kwomuri nokumudzidzisa pamhene, kubva kumhatso kuenda kumhatso,

Zvak. 20:27

ngokuti andizi kuumira kumuronzera kupanga kweshe kwaMwari.

2 VaK. 1:12

Ngegwinyiso uku ndikwo kudziganzisa kwedu, kuri chapupuzve chemhumba yedu, kuti takadzibata munyika mukucheneswa nomugwinyiso raMwari, kakurutu takaita kudaro kwomuri, haiwa ngoungwaru hwenyama akadi, asi ngenyasha dzaMwari.

2 VaK. 2:17

Ngokuti isusu atizi kudai ngevazhinji vamweni, vanoshaishira izwi raMwari; asi munaKristu tinoereketa kudai ngevanhu vegwinyiso, kudai ngevanhu vakatumwa kubva pamberi paMwari.

Jakobe 1:19

Munosisira kuzwisisa izvi, hama dzangu dzinodikanwa: munhu weshe ngaakasire kuzwa, anonoke kuereketa, anonoke kunyangadzwa;

Jakobe 3:1

Hama dzangu, musaita vadzidzisi vazhinji, mwechizia kuti tinozoashira kutongwa kwakapinda kurema.