Biblia Todo Logo
Bìoball air-loidhne

- Sanasan -




Jer. 17:13 - Bhaibheri Rakachena muChindau

13 O gonda raIsuraeri, O Mambo Mwari! Veshe vanokuramba vanozotsverudzwa, avo vanokusiya vanozonyorwa mumavhu, ngokuti vakasiya Mambo Mwari, chinyuka chemvura yokupona.

Faic an caibideil Dèan lethbhreac




Jer. 17:13
40 Iomraidhean Croise  

Madzibaba edu akagonda mwouri; vakagonda, newe wakavanunura.


Asi inini ndiri murombo nouri mukurwadziwa; ruponeso rwako, A Mwari, ngarundingwarire pakaturama.


Ngokuti iwewe, Mambo Mwari, uri gonda rangu, nemagondero angu, A Mambo Mwari, kubvira muutsva hwangu.


Ngegwinyiso avo vari kuretu newe vanozopera; unoparadza veshe vasikagondeki kwouri.


Veshe vanodira miedzaniso yakatsetswa vanotsverudzwa avo vanodziganzisa ngemiedzaniso; zvimwari zveshe zvinogwadama pamberi pake.


Kukarakadzwa kwewakarurama chifumiso, asi zina rewakashata rinozoora.


Mupauki unozoashira musharo unosisira njira dzake, nomunhu wakanaka unosisirana nokuita kwake.


Asi vamukiri nevashaishi vanozoparadzwa pamwepo, naavo vanosiya Mambo Mwari vanozopera.


Izwai izwi raMambo Mwari, imwimwi munohuta ngeizwi rake: “Hama dzenyu idzo dzinomuzonda, nokumuramba ngendaa yezina yangu, vakati, ‘Ngaakudzwe Mambo Mwari, kuitira kuti tione kudakara kwenyu,’ asi ndivo vanozotsverudzwa.


O Gonda raIsuraeri, muponesi wavo ngomukuwo wokutambudzika, ngenyi wechiita kudai ngomupara munyika iyi, nokudai ngomuhambi unopauka kuata usiku humwe?


Usandityisidzira; iwewe uri utiziro hwangu ngezuva rezvakashata.


Ngavatsverudzwe avo vanonditambudza, asi usaita kuti inini nditsverudzwe; ngavapere simba; ngokutya, asi inini ndisapera simba vaunzire zuva rokuparadzwa, vaparadze ngokuparadzwa kwakapetwa.


Izvi ndizvo zvinoronza Mambo Mwari: “Ngaatukwe uwo unogonda munhu, unoita nyama kugwinya kwake, mwoyo wake unofuratira Mambo Mwari.


Ngokuti vanhu vakandiramba, vasvipisa ndau iyi, vakapisha mutombo mukati mwayo kuzvimwari zvimweni, zvisikazi kumboziikanwa ndivo, nokuti madzibaba avo, nokuti madzimambo aJudha; navo vakazarisa ndau iyi ngengazi yevasina ndaa,


Ngokuti vanhu vangu vaita kushata kuiri: vandisiya inini chinyuka chemvura yokupona, vadzitsira zvinyuka zvinerutwe, zvisikagari nemvura.


Auzi kudziunzira izvi padera pako here, ngokusiya Mambo Mwari, Mwari wako, apo akakutungamirira munjira?


Veshe vakavaona vakavadya; nemagaa avo akati, ‘Atina ndaa, ngokuti vakashaishira Mambo Mwari, mafuro egwinyiso, Mambo Mwari, gonda remadzibaba avo.’


Nyara yangu inozorwa nevaprofeti vanoona zvinochengedzera, nokuereketa manyepo; avazopindi mumbungano yevanhu vangu, avazonyorwi mubhuku remazina evemhatso yaIsuraeri, nokuti kupinda munyika yaIsuraeri; nemwi munozozia kuti inini ndini Mambo Mwari, Mwari.


kuitira kuti iwewe ukarakadze nokutsveruka, kuti usachazobeura muromo wako nakamwe ngendaa yokutsveruka kwako, apo pendinokukungurira zveshe zvowakaita,” unoronza Mambo Mwari.


Andiiti izvi ngendaa yenyu, unoronza Mambo Mwari, Mwari; izvo ngazviziikanwe kwomuri. Itai vanotsverudzwa nokukangaidzwa ngendaa yenjira dzenyu, O mhatso yaIsuraeri.’


Vazhinji veavo vanoata mubukuta renyika vanozomuka, vamweni mukupona kusikaperi, nevamweni mukutsveruka nokushoorwa kusikaperi.


Mambo Mwari unozotinhira kubva Zioni, nokuereketa ngeizwi rake kubva Jerusarema; matenga nenyika zvinozozungunyika. Asi Mambo Mwari unozoita bako revanhu vake, norusvingo rwakagwinya rwavanhu vaIsuraeri.


“Pairo zuva chinyuka chinozobeurirwa mhatso yaDhavhidha nevagari veJerusarema, chokusuka kushaisha nokusikasukika.


Petukai kungome dzenyu, O mabanditi okugonda; nyamashi ndinoronza kuti ndinozopetudzira kairi kwomuri.


Zvakanyadaro musadakara ngeichi, kuti mweya inomupfaira; asi dakarai ngokuti mazina enyu akanyorwa mudenga.”


Jesu wakapingura, akati kweriri, “Kudai waizia iwewe chipo chaMwari, nokuti ndiani uwo unokumbira kwouri kuti, ‘Ndipewo mvura, ndimwe’, iwewe waizokumbira kwaari, naye waizokupa mvura yokupona.”


asi kunyazwi ndiani unomwa mvura yendinozomupa inini, aachazozwizve nyota mhera nariini. Mvura iyo yendinozomupa inozoita chinyuka chemvura mukati mwake, chechivherukira kupona kusikaperi.”


Ndizvo ngeiyi ndaa ndakamudaidza kuti ndimuone nokuereketa nemwi, ngokuti ngendaa yegonda raIsuraeri ndakasungwa ngeketani iyi.”


Phauri, mupostori waKristu Jesu ngokupanga kwaMwari Muponesi wedu naKristu Jesu gonda redu,


Kudai aripo wakaoneka zina rake risikazi kunyorwa mubhuku rokupona, wakakandirwa mugandwa romuriro.


Zvino wakati kwendiri, “Zvaitwa! Ndini Arfa naOmega, wokutanga nowokugumisira. Kwavari vane nyota ndinozovapa mvura isina mutengo, mvura inobva pachinyuka chokupona.


Zvino ngirosi yakandionisa rwizi rwemvura yokupona, rwakaera kudai ngegirazi, rwechibuda muchigaro choumambo hwaMwari necheGwai.


Mweya nomuroorwa vanoti, “Uyai.” Nouwo unozwa ngaati, “Uyai.” Naye unozwa nyota ngaauye. Uwo unoda ngaatore mvura yokupona pasina mutengo.


ngokuti Gwai riri pakati pechigaro choumambo rinozovausha nokuvatungamirira kuenda navo kuzvinyuka zvemvura yokupona, naMwari unozopukuta masodzi eshe kubva pamadziso avo.”


Lean sinn:

Sanasan


Sanasan