Jer. 16:7 - Bhaibheri Rakachena muChindau

⁷ Vanhu avazovaguriri chingwa mukuchema kwavo, kuvaembedzera ngendaa yevakafa; nokuti umwe ungavapa tsani yokumwa kuvaembedzera ngendaa yababa avo nokuti mai avo.

Jer. 16:7 Iomraidhean Croise

Jobe 42:11

Zvino kwakauya kwaari dzeshe hama dzake, vamuna nevakadzi, naavo veshe vaiziyana naye karetu, vakadya kudya naye mumhatso mwake; vakatsumba naye, vakamuembedzera ngendaa yokushata kweshe kwaiya kwaunzwa padera pake ndiMambo Mwari; nomunhu weshe wavo wakamupa chigurwa chemare nendandazi yomukore.

Muchu. 4:1

Zve, ndakaona kutambudzwa kweshe kunoitwa pashi pezuva. Ringira masodzi eavo vanotambudzwa, navo vasina muembedzeri; kurutii rwevatambudzi vavo raiyapo simba; navo vasina muembedzeri.

Jer. 22:10

Musachemera uwo wafa, nokuti kumutsumba; asi chemera uwo unoenda kure, ngokuti aachazopetukizve, kuona nyika yechibarirwe chake.

Chi. 1:9

Tsvina yaro iri munezvokufuka zvaro; aripinimidzi ngemagumisiro aro; kuwa kwaro pashi kunoshamisa, pasina naumwe muembedzeri. “O Mambo Mwari, ringira kutambudzika kwangu, ngokuti gaa ranyisa.”

Ezek. 24:17

Gomera, asi usadaidzira, usazoita chiriro chowafa. Sunga dhuku musoro mwako, upfeke magwada ako mutsoka dzako, usazofukidzira muromo wako wedera nokuti kudya chingwa chevachemi.”

Hos. 9:4

Avazodururi midiro yokumwa vhini kunaMambo Mwari, midiro yavo yevanopira aiyizodakadzi kwaari. Mibairo yakadaro inozodai ngechingwa chevabondi; veshe vanochidya vanozosvipiswa; ngokuti chingwa chavo chokupona kwavo kwega; achizouyi mumhatso mwaMambo Mwari.

Dhuto. 26:14

Andizi kudya kwezviri mukuchema kwangu, zve, andizi kutora kwezviri kuti ndishandise ngenjira yakasvipiswa, nokuti kuzvipira ngendaa yevakafa. Asi ndakapurutana kuneizwi raMambo Mwari, Mwari wangu, neni ndakaita kudai ndizvo zveshe zvewakandipanga.