Jer. 16:6 - Bhaibheri Rakachena muChindau

⁶ Vakuru nevadoko veshe vanozofa munyika iyi; avazoikwi, apana naumwe unozovachema, akuna kuchekwa, nokuti kuparwa kwesoro kwevari.

Jer. 16:6 Iomraidhean Croise

2 MaKro. 36:17

Ndizvo iye wakaunza mambo wevaKharadhea koorwa navo, uwo wakauraya vadoko vavo ngeshoti mumhatso yavo yakachena, waiya asina nyasha kunemajaha nokuti kunevasikana, vakuru nokuti harahwa. Iye wakavapira veshe munyara dzake.

Isa. 22:12

Muiro zuva Mambo Mwari wehondo wakadaidza kuchema nokutsumba, nokuita mhanza nokusimira machira emasaka.

Isa. 24:2

Zvino kudai ngezvinoitirwa vanhu, ndizvo zvinozoitirwa vapristi; kudai ngezvinoitirwa hloko, ndizvo zvinozoitirwa mambo; kudai ngezvinoitirwa murandakadzi, ndizvo zvinozoitirwa vahosi; kudai ngezvinoitirwa mutengi, ndizvo zvinozoitirwa mutengesi; kudai ngezvinoitirwa mukwereti, ndizvo zvinozoitirwa mukweretesi; kudai ngezvinoitirwa unobhara chibharo, ndizvo zvinozoitirwa mubharisi.

Jer. 13:13

Zvino unozoti kwevari, ‘Izvi ndizvo zvinoronza Mambo Mwari: Ringira, ndichazadza ngokudhakwa veshe vanogara munyika ino, madzimambo anogara padendemaro raDhavhidha, vapristi, vaprofeti, navo veshe vanogara muJerusarema.

Jer. 16:4

vanozofa ngenhenda dzinotyisa. Avazochemwi nokuti kuikwa; asi vanozodai ngemadisa padera penyika. Vanozopedzwa ngeshoti nenzara, nemiiri yavo yakafa inozoita kudya kweshiri dzomudenga, nokwezvikara zvomunyika.

Jer. 41:5

vanhu makumi masere vakauya vechibva Shekhemu, Shiro neSamaria, nezvirebvu zvavo zvakaparwa nezvokufuka zvavo zvakabaurwa, miiri yavo yakachekwa, vanemidiro yezviyo nemitombo inegwema munyara dzavo, kuti vazviunze kumhatso yaMambo Mwari.

Jer. 47:5

Mhanza yauya padera peGaza, Ashikeroni yanyaradzwa. O vakasara vebani raro! Munozodzipara mhanza kwomukuwo wakadini?

Jer. 48:37

Ngokuti soro reshe rinoparwa, nomurebvu weshe unoparwa; nepadera penyara dzeshe panozochekwa nyora, nepadera pezviunu panopfekeswa machira emasaka.

Jer. 7:29

“Para bvudzi rako, urirashe kuretu; udzichemere uri pandau dziri padera, ngokuti Mambo Mwari wakaramba nokusiya mubarirwana unomusa ushungu hwake.

Jer. 8:2

Anozoparadzirwa pamberi pezuva, nepemwedzi nepehondo yeshe yomudenga, izvo zvevakada nokushandira, zvevakateera, zvevakatsvaka, nezvevakadira; avazounganidzwi, nokuti kutsirwa; anozoita kudai ngemadisa padera pehope yenyika.

Revhi 19:27

Musazopara masoro enyu kuita mabaraara kutendenedza soro, zve, musazopara makhona endebvu dzenyu.

Revhi 19:28

Musazocheka miiri yenyu kuita nyora ngendaa yewakafa, nokuti kucheka nyora pamuiri yenyu: inini ndini Mambo Mwari.

Amo. 6:11

Ringira, Mambo Mwari unopanga, mhatso huru inozoondomoka, nemhatso doko kuita maondo.

Mateu 9:23

Naapo Jesu aguma mumhatso yomutongi, wakaona varidzi veminanzi nembungano yechiita hohoho.

Dhuto. 14:1

Imwimwi muri vana vaMambo Mwari, Mwari wenyu. Musazodzicheka nokuti kuparwa tsiyo pakati pemadzinza enyu ngepamusoro pevakafa.

Chakapangijihwa 20:12

Ndakaona vakafa, vakuru nevadoko, vakaema pamberi pechigaro choumambo, nemabhuku akabeurwa. Bhuku rimwenizve rakabeurwa, bhuku rokupona. Nevakafa vakatongwa kudai ngemishando yavo, kudai ngezvakanyorwa mumabhuku.

Chakapangijihwa 6:15

Zvino madzimambo enyika nevanhu vakuru, nduna huru dzehondo, makurudza nevakagwinya, veshe hloko nevakasunhurika, vakahwara mumapako nomumapuwe emitunhu,