Jer. 16:5 - Bhaibheri Rakachena muChindau

⁵ “Ngokuti izvi ndizvo zvinoronza Mambo Mwari, usaenda mumhatso yokubonda, nokuti kuenda koochema nokuti kugomera ngendaa yavo, ngokuti ndatora kunyarara kwangu kubva kuvanhu ava, unoronza Mambo Mwari, rudo rwangu runenyasha nokukungurira.

Jer. 16:5 Iomraidhean Croise

Nduyo 25:6

Karakadza ngenyasha dzako, A Mambo Mwari, nenyasha dzako dzinorudo rwakakura, ngokuti zvaindoiyapo kare nekare.

Isa. 27:11

Naapo matai aoma, anogurwa; vakadzi vanouya nokubasa muriro ndiwo. Ngokuti ava vanhu vasina kuzwisisa; ndizvo uwo wakavaita aazovazwiri urombo, nouwo wakavasika aazovaitiri nyasha.

Jer. 12:12

Vaparadzi vakwira padera pendau dzeshe dzakakwirira dzeshango; ngokuti shoti yaMambo Mwari inovapedza kubvira kumagumo amwe enyika kuenda kuneamweni; apana naumwe unozoane kunyarara.

Jer. 13:14

Ndinozovadhumanisa umwe neumweni, vabereki nevana pamwepo,’ unoronza Mambo Mwari. ‘Andizokunguriri nokuti kuponesa nokuti kuitira nyasha asi kuvaparadza.’ ”

Jer. 16:13

Ndizvo ndinozomubvisa kuneiyi nyika kuenda kunyika yomusikazi kuizia, imwimwi nokuti madzibaba enyu; iyoyo munozodira zvimwari zvimweni masikati nousiku, apo pendisikazomuitiri nyasha.’

Chi. 3:17

Mweya wangu uri kuretu kubva murunyararo; ndariyarwa kuti kugarisika kudini.

Zek. 8:10

Ngokuti asati aguma mazuva awo, paiya pasina musharo womunhu nokuti musharo wemhuka; nokuti kunyarara kubva kugaa, nokuti avo vakabuda nokuti vakapotera, neni ndakavaemesa veshe kuti varwisane umwe neumweni.

Dhuto. 31:17

Ushungu hwangu hunozobaka kwavari ngeiro zuva. Ndinozovasiya, ndifishe hope yangu kubva kwavari; navo vanozopedzwa, nokushata kwakawanda nemadambudziko akawanda zvinozovagumira. Ndizvo vanozoti ngeiro zuva, ‘Kushata uku akutigumiri here ngokuti Mambo Mwari, Mwari wedu apana pakati pedu?’

Chakapangijihwa 6:4

Nehachi rimweni rakabuda shava; nomugadhi waro wakapuwa simba rokudusa kunyarara kubva munyika, kuti vanhu vaurayane; naye wakapuwa shoti huru.