Jer. 16:4 - Bhaibheri Rakachena muChindau

⁴ vanozofa ngenhenda dzinotyisa. Avazochemwi nokuti kuikwa; asi vanozodai ngemadisa padera penyika. Vanozopedzwa ngeshoti nenzara, nemiiri yavo yakafa inozoita kudya kweshiri dzomudenga, nokwezvikara zvomunyika.

Jer. 16:4 Iomraidhean Croise

2 Madzi. 9:10

Imbwa dzinozodya Jezebheri mundau yaJezireeri, akuna naumwe unozomutsira.’ ” Zvino wakabeura musiwo, akatiza kuenda.

Nduyo 78:64

Vapristi vavo vakawa ngeshoti, neshirikadzi dzavo adzizi kuchema.

Nduyo 83:10

avo vakaparadzwa paEnidhori, vakaita kudai ngemadisa enyika.

Isa. 18:6

Anozosiiwa pamwepo kushiri dzemitunhu, nokuzvikara zvenyika. Neshiri dzinozoadya ngomukuwo wezienza, nemhuka dzeshe dzenyika dzinozoadya ngomukuwo wechando.”

Isa. 5:25

Ndizvo ushungu hwaMambo Mwari hunobaswa kuvanhu vake, naye unotambanudza nyara yake kwevari kuvachaya; mitunhu inozungunyika, nemiiri yaavo yakafa inoita kudai ngemarara mukati mwemapato. Ngeizvi zveshe ushungu hwake ahuzi kupera, nenyara yake ichakatambanudzwa nazvino.

Jer. 19:7

Nomundau iyi ndinozoita kuti bangano raJudha nereJerusarema riite risina shwiro; ndinozoita kuti vawe ngeshoti pamberi pemagaa avo, ngenyara dzaavo vanotsvaka kuvauraya. Ndinozopa miiri yavo yakafa kuita kudya kweshiri dzomudenga nokwezvikara zvomunyika.

Jer. 21:6

Ndinozochaya vagari veiri dhorobha, zveshe vanhu nemhuka; zvinozofa ngenhenda huru.’

Jer. 25:33

Avo vanourawa ndiMambo Mwari ngezuva iro vanozobvira kumagumo enyika metsa kumagumo amweni enyika. Avazochemwi, nokuti kuunganidzwa kuti vaikwe; vanozodai ngemadisa padera pemavhu.

Jer. 34:17

Ndizvo izvi ndizvo zvinoronza Mambo Mwari: Amuzi kundipurutana ngokuisa kusunhurwa, umwe ngaumwe kuhama yake nokumungani wake; ringira, ndinozoisa kusunhurwa kwomuri, unoronza Mambo Mwari, kusunhurwa kweshoti, kwedenda, nokwenzara. Ndinozomuita chiro chinotyisa kuumambo hweshe hwenyika.

Jer. 34:20

ndinozovapira munyara dzemagaa avo, nomunyara yaavo vanotsvaka kuvauraya. Miiri yavo yakafa inozodyiwa ngeshiri dzomudenga nezvikara zvenyika.

Jer. 36:30

Ndizvo izvi ndizvo zvinoronza Mambo Mwari ngendaa yaJehoiakimu mambo waJudha: Aazowi naumwe unozogara padendemaro raDhavhidha, nomuiri wake wakafa unozokandirwa kubanze mukupisha kwemasikati nomuchando usiku.

Jer. 44:12

Ndinozotora veshe vakasara vaJudha, avo vakadziemesera kuenda kunyika yeEgipite koogareyo, navo vanozourawa veshe, nokuwa munyika yeEgipite; vanozowa ngeshoti, ngenzara; vanozofa kubvira pamudoko metsa pamukuru, vanozofa ngeshoti nenzara; vanozoita chiro chinotukwa, chinoshamisa, chinoshoorwa, nechinotsverudza.

Jer. 44:27

Ringira, ndinozovarinda kuvaitira zvakashata, haiwa zvakanaka; vanhu veshe vaJudha vari munyika yeEgipite vanozopera ngeshoti nenzara, metsa kutamike naumwe wavo unosara.

Jer. 7:33

Nemiiri yaava vanhu inozoita kudya kweshiri dzomudenga nekwezvikara zvomushango; pasina munhu unozodzityisa.

Jer. 9:22

Ereketa! Izvi ndizvo zvinoronza Mambo Mwari kuti, ‘Miiri yevanhu inozowa yechifa kudai ngedisa murubaya, kudai ngemitsonzoti inosara sure kwomucheki, akuna unozoiunganidza.’ ”

Chi. 4:9

Vanomuchena avo vakaurawa ngeshoti kupinda avo vakaurawa ngenzara, ngokuti ava voperezeka, voda kufa ngokutama michero yomunda.

Ezek. 24:21

‘Ereketa kunemhatso yaIsuraeri, izvi ndizvo zvinoronza Mambo Mwari, Mwari: Ringira, ndinozosvipisa ugaro hwangu hwakachena, kudzikudza kwesimba renyu, chidakadziso chemadziso enyu, nechidisiso chomweya yenyu; vakororo venyu nevanasikana venyu vemwakasiya sure vanozourawa ngeshoti.

Ezek. 5:12

Rupande rumwe rwechitatu rwenyu runozofa ngenhenda nokuti kupedzwa ngenzara pakati penyu; norupande rumweni rwechitatu runozourawa ngokupinza kweshoti kumutendenedza, norumweni rupande rwechitatu ndinozoruparadzira kumadutu eshe, nokurumbirira ngeshoti yakashwamurwa sure kwavo.

Zef. 1:17

“Ndinozounza kutambudzika kwakadaro padera pevanhu, kuti vahambe kudai ngemapofu; ngokuti vakashaisha kunaMambo Mwari, ngazi yavo inozodururwa kudai ngebukuta, nenyama yavo kudai ngemadisa.”

Dhuto. 28:22

Mambo Mwari unozomurova ngorufuba, mutsaratsara, chizvimbo, kupisha kukurutu, kuoma kwenyika, chimbarara, rotarota, nazvo zvinozomuteera metsa mupere.

Dhuto. 28:26

Miiri yenyu inozoita kudya kweshiri dzeshe dzomudenga, nokuzvikara zvomunyika, apana nomunhu unozozvidzinga.