Jer. 16:21 - Bhaibheri Rakachena muChindau

²¹ Ndizvo, ringira, ngegwinyiso ndinozovadzidzisa, panguva ino ndichavadzidzisa simba rangu nokugwinya kwangu; navo vanozozia kuti zina rangu ndiMambo Mwari.”

Jer. 16:21 Iomraidhean Croise

Nduyo 83:18

Ngavazie kuti iwewe wega, zina rako ndiMambo Mwari, Uripadera-pezveshe munyika yeshe. KuneMutungamiriri woKuemba. Nduyo yevakororo vaKhora.

Nduyo 9:16

Mambo Mwari wakadziziisa pachake, ngokutonga kwake kwakarurama; vakashata vanoteiwa ngemishando yenyara dzavo. Selah.

EKISEDHUSI 14:4

Neni ndinozokonzesa mwoyo waFaro, naye unozovateera; inini ndicharemeredzwa padera paFaro nepehondo yake yeshe; nevaEgipite vanozozia kuti ndini Mambo Mwari.” Vakaita kudaro.

EKISEDHUSI 15:3

Mambo Mwari ingwazi yokurwa; Mambo Mwari ndiro zina rake.

EKISEDHUSI 6:3

Ndakaoneka kunaAbrahama, kunaIsaka nokunaJakobe, ndini Mwari Une-simba-reshe, asi ngezina rangu Mambo Mwari andizi kuita kuti ndiziikanwe pachangu kwavari.

Isa. 43:3

Ngokuti inini ndini Mambo Mwari, Mwari wako, Wakachena waIsuraeri, Muponesi wako. Ndinopa Egipite kuita muripiro wako, Ethiopia neSebha.

Jer. 33:2

“Izvi ndizvo zvinoronza Mambo Mwari muiti wenyika, Mambo Mwari, uwo wakaiita nokugwinyisa; Mambo Mwari ndiro zina rake:

Ezek. 24:24

Ngokudaro Ezekieri unozoita chioniso kwomuri; munozoita kudai ndizvo zveshe zvaaita. Naapo izvi zvoitika, zvino munozozia kuti inini ndini Mambo Mwari, Mwari.’

Ezek. 24:27

Ngeiro zuva muromo wako unozobeukira kwaari uwo wakapokonyoka, newe unozoereketa, auchazonyarari. Ndizvo unozoita chioniso kwevari; navo vanozozia kuti inini ndini Mambo Mwari.”

Ezek. 25:14

Ndinozoisa kuunzidzira kwangu padera peEdhomu ngenyara yevanhu vangu Isuraeri; navo vanozoita muEdhomu kudai ngokunyangadzwa kwangu nokudai ngoushungu hwangu; navo vanozozia kuunzidzira kwangu, unoronza Mambo Mwari, Mwari.’ ”

Ezek. 6:7

Vakaurawa vanozowa pakati penyu; zvino munozozia kuti inini ndini Mambo Mwari.’

Amo. 5:8

Umwe uwo wakasika Zvinyarutanhatu neOrioni, echitsandura bvute rokufa kuita kuedza, nokuita kuti zuva riite chidima usiku; uwo unodaidza mvura yoruandhle, echiidurura padera pehope yenyika, Mambo Mwari ndiro zina rake;