Jer. 16:19 - Bhaibheri Rakachena muChindau

¹⁹ O Mambo Mwari, simba rangu, nebako rangu, utiziro hwangu ngezuva rokutambudzika, madzinza anozouya kwouri, echibva kumagumo enyika echiti, “Ngegwinyiso madzibaba edu akagara nhaka yemanyepo, nezvisina shwiro, nezvisikadetseri chiro.

Jer. 16:19 Iomraidhean Croise

1 Madzi. 20:23

Varanda vamambo weAramu vakati kwaari, “Zvimwari zvavo zviri zvimwari zvemitunhu; ndizvo vanesimba kupinda isusu. Asi ngatirwe navo pakaterama, ngegwinyiso tinozovanyisa.

Nduyo 18:3

Ndinodaidza kunaMambo Mwari uwo unosisira kukudzwa; ndizvo ndinozoponeswa kubva kumagaa angu.

Nduyo 19:14

Mazwi omuromo wangu nokupinimidza kwomwoyo wangu ngazviashirike mukuona kwako, A Mambo Mwari, buwe rangu nomuripiri wangu. KuneMutungamiriri woKuemba. Nduyo yaDhavhidha.

Nduyo 27:5

Ngokuti ngezuva rokutambudzika unozondifisha pakasitika muugaro hwake; unozondifisha pakasitika mutende rake; unozondimirudza padera pebuwe.

Nduyo 46:1

Mwari ndiye bako redu nesimba redu, ndiye mudetseri uri pasinde mukutambudzika.

Nduyo 46:11

Mambo Mwari wehondo unesu; Mwari waJakobe ibako redu. Selah. KuneMutungamiriri woKuemba. Nduyo yeVakororo vaKhora.

Nduyo 46:7

Mambo Mwari wehondo unesu; Mwari waJakobe ibako redu. Selah.

Nduyo 62:2

Aye ega ndiye buwe rangu noruponeso rwangu, ndiye rusvingo rwangu rwakaturama; andizombozungunyiswi.

Nduyo 62:7

Pana Mwari ruponeso rwangu nembiri yangu zvinogara; ibuwe rangu rakagwinya, bako rangu riri munaMwari.

Nduyo 65:3

Apo zviito zvakashata pezvinotinyisa, unokungurira kushaisha kwedu.

Nduyo 68:31

Thusi ngariunzwe kubva Egipite; vaEthiopia ngavakasire kutambanudza nyara dzavo kunaMwari.

Nduyo 86:9

Madzinza eshe owakasika anozouya agwadame pamberi pako, A Mambo Mwari. Anozokudza zina rako.

Mazwi 18:10

Zina raMambo Mwari ithawa rakagwinya; vakarurama vanotiziremwo, navo vanopona.

Isa. 25:4

Ngokuti iwewe wakaita bako kwevari varombo, bako kwevanotama mukutambudzika kwavo; wakaita utiziro hwavo kubva kumubvumo, bvute kubva mukupisha. Naapo kufuridza kwevanotyisa kwaputika kunodai ngomubvumo wepachando parukumbati,

Isa. 32:2

Umwe unozodai ngendau yokuhwara dutu, pokudzama mubvumo nechamupupuri, kudai ngendwizi dzemvura kundau yakaoma, kudai ngebvute rebuwe guru munyika inorembesa.

Isa. 44:10

Ndiani ungaumba chimwari, nokuti kuumba muedzaniso usikaiti zvakanaka?

Isa. 44:20

Unodya marota, mwoyo wakachengedzerwa wakamuhedhusa, naye aachakoni kudzisunhura pachake nokuronza kuti, “Chiro ichi chiri munyara yangu yomudyo aasiri manyepo here?”

Isa. 45:14

Izvi ndizvo zvinoronza Mambo Mwari, “Upfumi weEgipite, nezvinotengeswa zveEthiopia, nezvevaSabheani, vamuna vakareba, vanozouya kwouri, navo anozoita vako; vanozoteera sure kwako, vanozouya vakasungwa ngemaketani, vanozokugwadamira. Vanozopota kwouri vechiti, ‘Mwari unewe iwewe wega, akuna umwenizve; akuna mwari ngepabanze pake.’ ”

Isa. 49:6

Unoti, “Chiri chiro chakareruka kakurutu kuti uite muranda wangu kumirudza madzinza aJakobe, nokupetudza vakasara vaIsuraeri; ndinozokupira kuti uite kujeka kwemadzinza, kuti ruponeso rwangu rugume kumagumo enyika.”

Isa. 62:2

Madzinza anozoona kururama kwako, nemadzimambo eshe uthende hwako; newe unozodaidzwa ngezina idzva, iro rinozodudzwa ngomuromo waMambo Mwari.

Jer. 10:3

Ngokuti mitoo yevanhu inonyepa; muti unotemwa kubva mugwasha, unotsetswa ngesanho, mushando wenyara dzomutsetsi.

Jer. 10:5

Miedzaniso yakadai ngezungazunga rokudzinga makunguwo mumunda wemagaka, aikoni kuereketa; inotwarwa, ngokuti aikoni kuhamba. Musaitya, ngokuti aikoni kuita zvakashata, nokuti kuita zvakanaka.”

Jer. 12:16

Nazvino, kudai vechizodzidzira njira dzevanhu vangu ngomwoyo yavo yeshe, kupika ngezina rangu kuti, ‘Kudai ngezvaanopona Mambo Mwari,’ kudai ngezvevakadzidzisa vanhu vangu kupika ndiBhaari, zvino vanozogarisika pakati pevanhu vangu.

Jer. 14:8

O Gonda raIsuraeri, muponesi wavo ngomukuwo wokutambudzika, ngenyi wechiita kudai ngomupara munyika iyi, nokudai ngomuhambi unopauka kuata usiku humwe?

Jer. 17:17

Usandityisidzira; iwewe uri utiziro hwangu ngezuva rezvakashata.

Jer. 2:11

Riripo here dzinza rakachicha zvimwari zvaro kunyazwi akuna zvimwari? Asi vanhu vangu vakachicha uthende hwavo kuti vatore icho chisikadetseri chiro.

Jer. 2:8

Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 3:23

“Ngegwinyiso akudetseri kugonda ruponeso kuti runobva kumitunhu, madhiri epamitunhu. Ngegwinyiso ruponeso rwaIsuraeri ruri munaMambo Mwari, Mwari wedu.

Jer. 33:9

Dhorobha iri rinozoita kwendiri zina rokudakara, kukudzwa nokuremeredzwa mukuona kwemadzinza eshe enyika, awo anozozwa ngezvakanaka zveshe zvendinovaitira; anozotya nokuhuta ngendaa yokunaka uku kweshe, kubudirira nokunyarara kweshe kwendinozoriunzira.”

Jer. 4:2

nokudai wechipika, ‘Kudai ngezvaanopona Mambo Mwari,’ mugwinyiso, mukutonga kwakanaka, nomukururama, zvino madzinza anozofumiswa ndiye mwaari, vanozoganza kwaari.”

Ezek. 11:16

Ndizvo ronza kuti: Izvi ndizvo zvinoronza Mambo Mwari, Mwari: Kunyazwi ndakavatarausira kuretu pakati pevamadzinza, kunyazwi ndakavaparadzira pakati penyika, asi ndakaita kwevari ugaro hwakachena kwenguva doko munyika dzevakaguma.

Joeri 3:16

Mambo Mwari unozotinhira kubva Zioni, nokuereketa ngeizwi rake kubva Jerusarema; matenga nenyika zvinozozungunyika. Asi Mambo Mwari unozoita bako revanhu vake, norusvingo rwakagwinya rwavanhu vaIsuraeri.

Amo. 2:4

Izvi ndizvo zvinoronza Mambo Mwari: “Ngezvipauko zvitatu zvaJudha nezvirongomuna, andizopetudzi kuororwa; ngokuti vakaramba mipango yaMambo Mwari, navo avazi kungwarira zviemeso zvake, asi vakapauswa ngemanyepo amwewo, awo akateerwa ngemadzibaba avo.

Nah. 1:7

Mambo Mwari wakanaka, ndiye bako ngezuva rokutambudzika; naye unongwarira avo vanohwara mwaari.

HABHAKUKI 3:19

Mwari, Mambo Mwari isimba rangu; unoita kuti tsoka dzangu dzidai ngetsoka dzeshoma; unoita kuti ndihambe padera pendau dzangu dzakakwirira. Kumuembi mukuru pachidangari changu.

Zek. 2:11

Madzinza akawanda anozoshonganiswa munaMambo Mwari ngeiro zuva, navo vanozoita vanhu vangu; ndinozogara pakati pako, newe unozozia kuti Mambo Mwari wehondo wandituma kwouri.

Mar. 1:11

Ngokuti kubvira mukubuda kwezuva metsa kupota kwaro zina rangu iguru pakati pemadzinza; nokundau dzeshe mutombo wokupisha unegwema rakanaka unozopirwa kuzina rangu, nomunikero wakachena; ngokuti zina rangu iguru pakati pevemadzinza, unoronza Mambo Mwari wehondo.

Varoma 1:25

vakatenganisa gwinyiso raMwari kuti vaashire manyepo nokudira nokushandira icho chakasikwa pandau yoMusiki, uwo unomuchena mhera nariini! Ameni.

1 Pet. 1:18

Imwimwi munozia kuti amuzi kuripirwa ngezviro zvinoora, kudai ngesirivha nomukore, kubva kunjira isina shwiro yokupona kwenyu yomwakasiirwa ngemadzibaba enyu,

Chakapangijihwa 11:15

Zvino ngirosi yechinomwe yakaridza hwama yayo, kwakazwika mazwi makuru mudenga echiti, “Umambo hwenyika hwaita umambo hwaMambo wedu nohwaKristu wake, naye unozotonga mhera nariini nariini.”