Jer. 16:18 - Bhaibheri Rakachena muChindau

¹⁸ Kutanga ndinozohwirinzira kairi kushata kwavo nokushaisha kwavo; ngokuti vasvipisa nyika yangu ngemiiri yakafa yezviro zvinonyenyisa nezvinonyangadza zvemiedzaniso yavo, nokuzadza nhaka yangu ngezvinonyangadza zvavo.”

Jer. 16:18 Iomraidhean Croise

Nduyo 106:38

Vakaparadza ngazi isina ndaa, ngazi yevakororo vavo neyevanasikana vavo, avo vevakapira kuita mudiro wemiedzaniso yeKhenani; nenyika yakasvipiswa ngengazi.

Isa. 24:5

Nyika inosvipiswa pashi paavo vanogara mukati mwayo; ngokuti vadarika mipango, vashaishira zviemeso, vagura chitenderano chemhera nariini.

Isa. 40:2

“Ereketai ngokuembedzera kuneJerusarema, daidzirai kweriri, kuti kushanda kwaro kwakakonza kwapera, nokushaisha kwaro kwaripirwa, iro raashira kubva kunyara yaMambo Mwari kwakahwirinzirwa kwokushaisha kwaro kweshe.”

Isa. 61:7

Pandau yokutsverudzwa kwavo vanhu vangu vanozoashira chikoaniswa chakapetwa; nepandau yokushoorwa vanozodakara ngenhaka yavo; ndizvo vanozogara nhaka yakapetwa munyika yavo; nokudakara kusikaperi kunozoita kwavo.

Isa. 65:6

“Ringira zvakanyorwa pamberi pangu: Andizonyarari, asi ndinozounzidzira; ngegwinyiso ndinozounzidzira pazvizva zvavo,

Isa. 65:7

zvishaishi zvenyu, nezvishaishi zvemadzibaba enyu pamwepo,” unoronza Mambo Mwari. “Ngokuti avo vakapisha mutombo unegwema pamutunhu, nokundituka padera pezvimitunhu, ndinozopima muzvizva zvavo muthuso wakaperera wemishando yavo.”

Jer. 17:18

Ngavatsverudzwe avo vanonditambudza, asi usaita kuti inini nditsverudzwe; ngavapere simba; ngokutya, asi inini ndisapera simba vaunzire zuva rokuparadzwa, vaparadze ngokuparadzwa kwakapetwa.

Jer. 2:7

Ndakamuunza kunyika yezvakawanda, kuti mudye michero yayo nezviro zvayo zvakanaka. Asi apo mwapindamwo, mwakasvipisa nyika yangu, nokuita kuti nhaka yangu iite chinyangadzo.

Jer. 3:9

Ngendaa yokurerusa kuhura kwake wakasvipisa nyika, wakahura nebuwe nomiti.

Jer. 44:4

Asi ndakaangira kumutumira varanda vangu veshe vaprofeti ndechiti, ‘Ndinomupota kuti musaita ichi chiro chinonyangadza chendinonyenya.’

Jer. 7:30

Ngokuti vana vaJudha vakaita zvakashata mukuona kwangu,” unoronza Mambo Mwari; “Vakaemesa zvinyangadzo zvavo mumhatso yakadudzwa zina rangu, kuti vaisvipise.

Ezek. 11:18

Naapo vagumapo, vanozodusa kubva kweriri zviro izvo zveshe zvinonyenyesa, nazvo zveshe zvinonyangadza zvayo.

Ezek. 11:21

Asi ngendaa yaavo, avo mwoyo yavo inoteera zviro zvavo zvinonyenyesa nezvinonyangadza zvavo, ndinozounza zviito zvavo padera pemasoro avo,” unoronza Mambo Mwari, Mwari.

Ezek. 36:18

Ndizvo ndakadurura ushungu hwangu padera pavo ngendaa yengazi yevaiya vaparadza padera penyika, nendaa yemiedzaniso yavo yokudira yevaiya vakasvipisa ndiyo.

Ezek. 5:11

“Ndizvo kudai ngezvendinopona, unoronza Mambo Mwari, Mwari, ngegwinyiso ngokuti imwimwi mwakasvipisa ndau yangu yakachena ngezviro zvenyu zveshe zvinonyenyisa nezvinonyangadza, ndizvo inini ndinozomutemera pashi; dziso rangu arizomukunguriri, neni andizomusvipiri mwoyo.

Hos. 9:7

Mazuva okuororwa aguma, mazuva okuunzidzirwa aguma; Isuraeri unochema, “Muprofeti raabenzi, munhu womweya wapenga!” Ngendaa youwandu hwokushata kwako, kunyenya kwako kwakura.

Revhi 26:30

Neni ndinozoparadza ndau dzenyu dzakakwirira, ndiputsire pashi miedzaniso yenyu, ndikandire miiri yenyu yakafa padera pemiiri yemiedzaniso yenyu; nomweya wangu unozomushoora.

Mik. 2:10

Mirukai, muende; ngokuti iyi andiyopi ndau yokuzorora, ngendaa yokusvipiswa kunoparadza ngokuparadza kunotyisa.

Chakapangijihwa 18:6

Mupei musharo kudai ngezvaakamupa pachake, mumuhwirinzire kairi kakapetwa kudai ngemishando yake; mutsani iyo yaakazadza, mumudzadzire kairi.