Jer. 16:15 - Bhaibheri Rakachena muChindau

¹⁵ asi, Kudai ngezvaanopona Mambo Mwari, uwo wakabudisa vana vaIsuraeri kubva munyika yedera, nokubva kunyika dzeshe dzaakavadzingira. Ngokuti ndinozovapetudza kunyika yavo yendakapa kumadzibaba avo.

Jer. 16:15 Iomraidhean Croise

Gen. 28:15

Wona, ndinewe, ndinozokungwarira kundau dzeshe dzounozoenda, ndinozokuunzazve munyika ino; ngokuti andizokusii metsa ndaita icho chendakaereketa ndicho kwouri.”

Nduyo 106:47

Tiponese, A Mambo Mwari, Mwari wedu, utiunganidze kubva pakati pevemadzinza, kuti tibonge zina rako rakachena, tinyise mukukudzwa kwako.

Isa. 14:1

Asi Mambo Mwari unozoitira Jakobe nyasha, uchazotsanangurazve Isuraeri, nokuvaisa munyika mwavo; nevapara vanozobatana navo, vanozodzibatanidza pachavo kumhatso yaJakobe.

Jer. 12:15

Naapo ndapedza kubvita ndinozovaitirazve nyasha nokuvaunzazve, umwe ngaumwe kunhaka yake nokunyika yake.

Jer. 23:3

“Zvino ndinozounganidza pachangu akasara emakwai angu kubva kunyika dzeshe kwendakaatatanisira, nokuaunzazve kumatanga awo; nawo anozobereka nokuwandisa.

Jer. 23:7

“Ndizvo, ringira, mazuva anouya,” unoronza Mambo Mwari, “Apo vasikachazoti, ‘Kudai ngezvaanopona Mambo Mwari, uwo wakabudisa vana vaIsuraeri kubva munyika yeEgipite,’

Jer. 23:8

asi, ‘Kudai ngezvaanopona. Mambo Mwari, uwo wakabudisa nokutungamira rudzi rwemhatso yaIsuraeri kubva munyika yedera, nokubva munyika dzeshe kwendakavadzingira.’ Zvino vanozogara munyika yavo yemene.”

Jer. 24:6

Ndinozoisa madziso angu padera pavo kuti vagarisike, ndinozovapetudza kunyika iyi. Ndinozovaaka, andichazovaputsi; ndinozovasima, haiwa kuvabvita.

Jer. 29:14

Ndinozoonekwa ndimwi,’ unoronza Mambo Mwari; ‘Ndinozobvisa ubatwa hwenyu nokumuunganidza kubva kumadzinza eshe, nokubva kundau dzeshe kwendakamudzingira,’ unoronza Mambo Mwari, ‘Neni ndinozomupetudza kundau kwandakaita kuti mutorwe kuitwa vabatwa.’

Jer. 3:18

Mumazuva awo vemhatso yaJudha vanozobatana pamwepo nevemhatso yaIsuraeri, navo vanozobuda pamwepo kubva munyika yedera kuenda kunyika yendakapa madzibaba enyu kuita nhaka yavo.”

Jer. 30:10

“Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Jer. 30:3

Ngokuti, ringira, ngegwinyiso mazuva anouya,’ Mambo Mwari unoronza, ‘Apo pendinozopetudza voubatwa vevanhu vangu, Isuraeri naJudha; ndinozovapetudza kunyika yendakapa madzibaba avo, navo vanozoigara nhaka,’ unoronza Mambo Mwari.”

Jer. 31:8

Ringira, ndinozovaunza kubva kunyika yedera, nokuvaunganidza kubva kumiganu yenyika iri kuretu yaamho, pakati pavo pane mapofu nezvirema, madzimai anemimba, naavo vanorwadziwa ngokuda kubereka, veshe pamwepo; vanhu vazhinji vanozopetuka pano.

Jer. 32:37

Ringira, ndinozovaunganidza kubva kunyika dzeshe dzendakavadzingira mukutseneka kwangu nomuushungu hwangu nomukushishwa kwangu kunotyisa; ndinozovaunzazve kuiyi ndau, nokuita kuti vagare vakangwaririka.

Jer. 50:19

Ndinozounzazve Isuraeri kumafuro ake, naye unozofura paKharmeri nomuBhashani, nomweya wake unozogutiswa padera pezvimitunhu zvaEfuremu nomuGireadhi.

Ezek. 36:24

Ngokuti ndinozomutora kubva pakati pemadzinza, ndimuunganidze kubva kunyika dzeshe, ndimuunze munyika yenyu.

Ezek. 39:28

Zvino vanozozia kuti inini ndini Mambo Mwari, Mwari wavo, ngokuti ndakavatumira kuenda muuhloko pakati pemadzinza; zvino ndakavaunganidza kuvaunza kunyika yavo yemene. Andizosiyi naumwe wavo sure;

Joeri 3:1

“Ngokuti zvino, ngaawo mazuva nepamukuwo uwo, apo ndinozopetudzazve vakachakatwa vaJudha neJerusarema,

Amo. 9:14

Ndinozopetudza ubatwa hwevanhu vangu Isuraeri, navo vanozoakisa madhorobha akaputsika nokuagara; vanozosima minda yemivhini nokumwa vhini rayo; vanozorima minda nokudya michero yayo.

Amo. 9:15

Ndinozovasima munyika yavo, navo avachazobvitwizve kubva munyika yavo yendakavapa,” unoronza Mambo Mwari, Mwari wako.