Jer. 15:9 - Bhaibheri Rakachena muChindau

⁹ Iye wakabereka vana vanomwe wapera simba; wabudisa mweya wake; zuva rake rapota achimasikati; wakatsverudzwa nokukangaidzwa. Nevasara vavo ndinozovapira kushoti pamberi pemagaa avo,” unoronza Mambo Mwari.

Jer. 15:9 Iomraidhean Croise

Isa. 47:9

Zveshe izvi zviro zviiri zvichauya padera pako ngomukuwo mudoko ngezuva rimwe, kurashikirwa ngevana noushirikadzi; mukuzara kwazvo zvinozouya padera pako, kunyazwi huripo uwandu hweman'anga ako, nesimba guru revasaramusi vako.

Jer. 19:7

Nomundau iyi ndinozoita kuti bangano raJudha nereJerusarema riite risina shwiro; ndinozoita kuti vawe ngeshoti pamberi pemagaa avo, ngenyara dzaavo vanotsvaka kuvauraya. Ndinozopa miiri yavo yakafa kuita kudya kweshiri dzomudenga nokwezvikara zvomunyika.

Jer. 21:7

Mambo Mwari unoti, ‘Ngesure kwazvo ndinozopa Zedhekia mambo waJudha, nevaranda vake, nevanhu vedhorobha iri, avo vakapona nhenda, kushoti nenzara, munyara yaNebhukhadhineza mambo weBhabhuroni, munyara yemagaa avo, munyara yaavo vanotsvaka kuvauraya. Unozovabaya ngokupinza kweshoti; aazovakunguriri, nokuti kuvaponesa, nokuti kuvaitira nyasha.’ ”

Jer. 44:27

Ringira, ndinozovarinda kuvaitira zvakashata, haiwa zvakanaka; vanhu veshe vaJudha vari munyika yeEgipite vanozopera ngeshoti nenzara, metsa kutamike naumwe wavo unosara.

Jer. 50:12

mai venyu vanotsverudzwa kakurutu; iye wakamubara unozopera simba. Ringira, rinozoiita dzinza rokugumisira remadzinza, shango, nyika yakaoma, norubaya.

Jer. 6:4

“Nasirirai kurwa hondo naye; mirukai ngatikwireyo masikati. Ihehe kwetiri! Ngokuti zuva rinobira, mabvute emadeekoni anoreba.

Jer. 7:19

Ndini here wevanomusira ushungu? Avadziitiri here kukangaidzwa kwavo?” Unoronza Mambo Mwari.

Chi. 1:1

Ushomanyi hwakadai dhorobha ragara rega, iro raiya rakazara ngevanhu! Ngenjiranyi raita kudai ngeshirikadzi, iro raiya rakakura pakati pemadzinza! Iro raiya mwanasikana wamambo, pakati penyika raita hloko!

Chi. 4:10

Nyara dzemadzimai vanenyasha dzabika vana vavo; vakaita kudya kwavo mukuparadzwa kwevanhu vangu.

Ezek. 5:12

Rupande rumwe rwechitatu rwenyu runozofa ngenhenda nokuti kupedzwa ngenzara pakati penyu; norupande rumweni rwechitatu runozourawa ngokupinza kweshoti kumutendenedza, norumweni rupande rwechitatu ndinozoruparadzira kumadutu eshe, nokurumbirira ngeshoti yakashwamurwa sure kwavo.

Ezek. 5:13

“Ngokudaro ushungu hwangu hunozodzipedza pachawo, noushungu hwangu ndichahugumisa padera pavo, ndinozoembedzerwa; navo vanozozia kuti inini Mambo Mwari ndazviereketa mundurumwa dzangu, apo pendinopedzera ushungu hwangu padera pavo.

1 Sam. 2:5

Avo vaiya vakagutiswa vanoshandira kudya; asi avo vaiya nenzara vanokora ngezvakachakatwa. Ngomwa yakabereka vanomwe; asi uwo unevana vazhinji wagumirwa.