Jer. 15:4 - Bhaibheri Rakachena muChindau

⁴ Ndinozoita kuti vanyenywe kuumambo hweshe hwenyika ngendaa yaManase mukororo waHezekia mambo waJudha,” ngendaa yaakaita muJerusarema.

Jer. 15:4 Iomraidhean Croise

2 Madzi. 21:1

Manase waiya aane makore gumi namairi apo paakatanga kutonga; wakatonga makore makumi mashanu namashanu muJerusarema. Zina ramai ake raizwi Hefizibha.

2 Madzi. 21:15

ngokuti vakaita zvakashata mukuona kwangu, vakamusa ushungu hwangu kubvira zuva revakabuda madzibaba avo kubva muEgipite, metsa nanyamashi.’ ”

2 Madzi. 21:2

Naye wakaita zvakashata mukuona kwaMambo Mwari, echiteera zvinonyangadza zvinoitwa ngemadzinza awo aakadzinga Mambo Mwari kubva pamberi pevana vaIsuraeri.

2 MaKro. 33:1

Manase waiya anemakore gumi nemairi apo paakatanga kutonga; naye wakatonga makore makumi mashanu nemashanu muJerusarema.

2 MaKro. 33:2

Wakaita izvo zvaiya zvakashata mukuona kwaMambo Mwari, kudai ngezvinyangadzo zvevasikadiri Mwari, avo vaakadzinga Mambo Mwari kubva pamberi pevana vaIsuraeri.

Jer. 24:9

Ndinozovaita chiro chinotyisa nechakashata kuumambo hwenyika dzeshe kuti vatsverudzwe, kuita chishekedzo, nokutsvinyirwa, nokutukwa kundau dzeshe kwendinozovaisa.

Jer. 29:18

Ndinozovateera ngeshoti, ngenzara nenhenda, nokuvaita chiro chinotyisa kuumambo hweshe hwenyika, kuti vaite vakatukwa, nechishamiso, nevanoridzirwa murudzi, nevanotsverudzwa, pakati pemadzinza eshe endakavadzingira kwaari,

Jer. 34:17

Ndizvo izvi ndizvo zvinoronza Mambo Mwari: Amuzi kundipurutana ngokuisa kusunhurwa, umwe ngaumwe kuhama yake nokumungani wake; ringira, ndinozoisa kusunhurwa kwomuri, unoronza Mambo Mwari, kusunhurwa kweshoti, kwedenda, nokwenzara. Ndinozomuita chiro chinotyisa kuumambo hweshe hwenyika.

Jer. 9:16

Ndinozovaparadzira pakati pemadzinza, awo asikazi kuziikanwa kwevari nokuti kumadzibaba avo; ndinozotumira shoti kuvateera metsa ndivapedze.”

Chi. 1:8

Jerusarema rakashaisha kakurutu, ndizvo raita chishekedzo; avo veshe vairiremeredza vorishoora, ngokuti vaona utitinini hwaro; iro pacharo rinogwimba nokufuratira.

Ezek. 18:19

“Asi munoti, ‘Ngenyi mukororo asikaororwi ngokushaisha kwababa?’ Apo mukororo aita zvinotenderwa nokururama, wanasa kungwarira zviemeso zvangu zveshe nokuzviita, ngegwinyiso unozorarama.

Ezek. 23:46

“Ngokuti izvi ndizvo zvinoronza Mambo Mwari, Mwari: Unza chikwata padera pavo kurwa navo, vaite kuti vatyiswe nokuchakatwa.

Revhi 26:33

Ndinozomuparadzira pakati pemadzinza, ndinozomushwamurira shoti padera penyu; nenyika inozoita mafusi, nemadhorobha enyu anozoita matongo.

Dhuto. 28:25

Mambo Mwari unozoita kuti munyiswe pamberi pemagaa enyu; munozobuda kuenda koorwa navo ngenjira imwe, mwechizobva pamberi pavo ngenjira nomwe. Munozoita vanonyenyiwa ngemadzinza enyika dzeshe.

Dhuto. 28:64

Mambo Mwari unozomuparadzira pakati pevanhu veshe, kubvira kurupande rumwe rwenyika metsa kuguma kunorumweni; naapo munozoshandira zvimwari zvimweni zvemiti nezvemapuwe zvomusaizia, imwimwi nokuti madzibaba enyu.