Jer. 15:3 - Bhaibheri Rakachena muChindau

³ Neni ndinozoemesa padera pavo mbeu murongomuna dzezvinoparadza,” unoronza Mambo Mwari: “Shoti yokuuraya, imbgwa dzokubaura, shiri dzomudenga, nezvikara zvomushango, kudya nokuparadza.

Jer. 15:3 Iomraidhean Croise

Nduyo 68:23

kuti ushambe rutsoka rwako mungazi, kuti rurumi rwembwa dzako dziane chikoaniswa kubva kumagaa ako.”

Isa. 18:6

Anozosiiwa pamwepo kushiri dzemitunhu, nokuzvikara zvenyika. Neshiri dzinozoadya ngomukuwo wezienza, nemhuka dzeshe dzenyika dzinozoadya ngomukuwo wechando.”

Jer. 12:9

Nhaka yangu yaita kwendiri kudai ngegodzi rinokara here? Makodzi akaitendenedza kumarutii eshe here? Endai muunganidze mhuka dzeshe dzomushango, ngadziuye dzimudye.

Jer. 14:12

Kunyazwi vanoera kudya, andizwi kuchema kwavo; kunyazwi vanopira mudiro wokupisha nomunikero, andizviashiri; asi ndinovapedza ngeshoti, ngenzara nenhenda.”

Jer. 14:16

Nevanhu vevanoprofetera kwevari vanozokandirwa mumapato eJerusarema ngendaa yenzara neshoti. Akuzoapo naumwe kuvatsira, ivo pachavo, vakadzi vavo, vakororo vavo, nevanasikana vavo. Ngokuti ndinozodururira padera pavo kushata kwavo.”

Jer. 16:4

vanozofa ngenhenda dzinotyisa. Avazochemwi nokuti kuikwa; asi vanozodai ngemadisa padera penyika. Vanozopedzwa ngeshoti nenzara, nemiiri yavo yakafa inozoita kudya kweshiri dzomudenga, nokwezvikara zvomunyika.

Jer. 7:33

Nemiiri yaava vanhu inozoita kudya kweshiri dzomudenga nekwezvikara zvomushango; pasina munhu unozodzityisa.

Chi. 3:11

wandipausa kubva munjira yangu, akandidambura kuita zvigurwa; akandiita murombo.

Ezek. 14:21

“Ngokuti izvi ndizvo zvinoronza Mambo Mwari: Kunozopinda kwakaitawani kukura apo ndinozotumira kuita kwangu kunouraya kwokutonga kwangu kurongomuna kunotyisa padera peJerusarema, shoti, nzara, zvikara zvinotyisa, nenhenda, kuuraya kubva kweiri vanhu nemhuka!

Ezek. 33:27

“Ronza izvi kwevari, uti, ‘Izvi ndizvo zvinoronza Mambo Mwari, Mwari: Kudai ngezvendinopona, ngegwinyiso avo vari mundau dzakaparadzwa vanozowa ngeshoti, naavo vari murubaya, ndinozovapira kuti vadyiwe ngezvikara, naavo vari mumakamba nomumapako vanozofa ngenhenda.

Revhi 26:16

ininiwo ndinozoita izvi kwomuri: ndinozoemesa kuti zviuye padera penyu kutyiswa, norufuba, nomutsarara inozopedza madziso enyu, nokudzerera kwomwoyo. Munozokusha mbeu dzenyu nhando ngokuti magaa enyu anozodzidya.

Revhi 26:22

Ndinozotuma zvikara zvomushango pakati penyu, zvinozomutorera vana venyu, zvechiuraya n'ombe dzenyu, zvechiita kuti mushomanike. Nemapato enyu anozoita matongo.

Revhi 26:25

Ndinozomuunzira shoti inozounzidzira kupauka kwokubva muchitenderano changu; naapo munozoungana pamwepo mumadhorobha enyu, ndinozotuma denda pakati penyu; munozopirwa munyara dzemagaa enyu.

Amo. 5:19

kudai ngomunhu watiza kubva kumhondoro, nouwo wakashongana nebheya; nokuti apotera mumhatso akatsamira nyara yake parukumbati, nenyoka yoroyomuruma.

Dhuto. 28:26

Miiri yenyu inozoita kudya kweshiri dzeshe dzomudenga, nokuzvikara zvomunyika, apana nomunhu unozozvidzinga.

Dhuto. 32:24

Vanozoonda ngenzara, nokupedzwa ngokupisha kukurutu, netupuka tunodya nenhenda. Mazino ezvikara ndinozoatuma kurwisana navo, pamwepo noukaira hwezviro zvinokambaira mubukuta.

Chakapangijihwa 6:8

Ndakaringira, ndikaona hachi rakacheneruka! Nomugadhi waro zina rake ndiRufu, neHaidhesi zvakamuteera; nazvo zvakapuwa simba padera perupande rwechirongomuna rwenyika, rokuuraya ngeshoti, ngenzara, ngenhenda nezvikara zvomunyika.