Jer. 15:19 - Bhaibheri Rakachena muChindau

¹⁹ Izvi ndizvo zvinoronza Mambo Mwari, “Kudai wechitenderuka, ndinozokupetudza, newe unozoema pamberi pangu. Kudai wechiteketesa zvakanaka, haiwa zvakashata, unozoita kudai ngomuromo wangu. Ndivo vanozopetuka kwouri, haiwa iwewe kupetuka kwevari.

Jer. 15:19 Iomraidhean Croise

1 Madzi. 17:1

Zvino Erija muThishibhe uwo waiya weThishibhe muGireadhi wakati kunaAhabhi, “Kudai ngezvaanopona Mambo Mwari, Mwari waIsuraeri, wendinoema pamberi pake, akuzoapo beto nokuti mvura makore aya, ngepabanze peizwi rangu.”

EKISEDHUSI 4:12

Ndizvo zvino, enda, neni ndinozoa nomuromo wako, ndikudzidzise chounozoereketa.”

Mazwi 22:29

Unoona here uwo uri ngwazi mumushando wake? Unozoshandira madzimambo; aazoshandiri vanhu vasina shwiro.

Jer. 1:9

Zvino Mambo Mwari wakatambanudza nyara yake, akagwama muromo wangu. NaMambo Mwari wakati kwendiri, “Ringira, ndaisa mazwi angu mumuromo wako.

Jer. 15:1

Zvino Mambo Mwari wakati kwendiri, “Kunyazwi Mosi naSamueri vakaema pamberi pangu, asi mwoyo wangu aungakunukukiri kunevanhu ava. Vabvise pamberi pehope yangu, ngavaende.

Jer. 20:9

Kuti ndikati, “Andichazoereketi ndiye, nokuti kuereketa ngezina rake mhera nariini,” zvino mukati mwangu chirimwo chinopisha kudai ngomuriro unobaka, wakakonyerwa mumagodo angu, neni ndaremba ngokushingirira, ndakorera.

Jer. 35:19

Izvi ndizvo zvinoronza Mambo Mwari wehondo, Mwari waIsuraeri: ‘Jonadhabhi mukororo waRekhabhi aazotami mubarirwana wokuema pamberi pangu mhera nariini.’ ”

Jer. 4:1

“Kudai wechipetuka, O Isuraeri,” unoronza Mambo Mwari, “Kudai wechipetuka kwendiri, kudai wechirasha zvinyangadzo zvako kubva mukuona kwangu, ndizvo auzokutukuswi,

Jer. 6:29

Mvuto inovhutirwa zvinotyisa kakurutu; muthovhi unopera ngomuriro; munyungurusi unonyungurusa pasina chiro, ngokuti vashaishi avaparadzwi.

Chi. 1:11

Vanhu varo veshe vanogwimba, apo vanotsvaka chokudya; vanotengesa zviro zvavo zvinomutengo mukurutu kutenga kudya kuti vapone. “Ringira, O Mambo Mwari, uone kushoorwa kwendinoitwa.”

Ezek. 2:7

Unozoereketa mazwi angu kwevari, kunyazwi vanopurutana nokuti kuramba kupurutana, ngokuti imhatso inomukira.

Ezek. 22:26

Vapristi varo vakagura mutemo wangu, vakasvipisa zviro zvangu zvakachena; avazi kuparadzanisa pakati pezvakachena nezvakasvipiswa, avazi kudzidzisa muparadzaniso pakati pezvisikazi kusukika nezvakasukika. Vakatswatira madziso avo kubva kumaSabatha angu, kuti ndisvipiswe pakati pavo.

Ezek. 44:23

Vanozodzidzisa vanhu vangu muparadzaniso pakati pezvakachena nezvisikazi kuchena, nokuvaonisa muparadzaniso pakati pezvisikazi kusukika nezvakasukika.

Revhi 10:10

Munosisira kuita muparadzaniso pakati pezvakachena nezvisikazi kuchena, nepakati pezvakasukika nezvisikazi kusukika;

Revhi 14:57

kuonisa muparadzaniso wechakasvipiswa nechakasukika. Ichi ndicho chironzo chemapere.

Jona 3:2

“Miruka, uende Ninevhe, iro dhorobha guru, uchumaire kweriri izwi rendinokuronzera.”

Zek. 3:7

“Izvi ndizvo zvinoronza Mambo Mwari wehondo: Kudai ukahamba ngenjira dzangu, wechingwarira mitemo yangu, zvino unozotonga padera pemhatso yangu nokungwarira maruwanze angu, neni ndinozokupa simba rokuhamba pakati paavo vanoema pano.

Ruka 1:19

Nengirosi yakamupingura yechiti kwaari, “Ndiri Gabhurieri, uwo unoema pamberi paMwari, neni ndatumwa kuti ndierekete kwouri nokukuunzira aya mashoko akanaka.

Ruka 10:16

“Iye unomuzwa imwimwi unondizwa inini. Naye unomuramba imwimwi unondiramba inini. Nouwo unondiramba inini unoramba uwo wakandituma.”

Ruka 12:12

ngokuti Mweya Wakachena unozomudzidzisa ngeiro awa icho chinosisira kuti muerekete.”

Ruka 21:15

ngokuti ndinozomupa mazwi nokungwara, akuna naumwe wemagaa enyu ungakona kurwisana nakwo nokuti kuzviemera.

Ruka 21:36

Asi rindai nguva dzeshe, kumbirai kuti muwe nesimba rokupokonyoka kubva kuneizvi zveshe zvinozoitika, nokuema pamberi poMukororo woMunhu.”

Zvak. 20:27

ngokuti andizi kuumira kumuronzera kupanga kweshe kwaMwari.

2 VaK. 5:16

Ndizvo isusu kubvira zvino atichazii munhu naumwe ngokwenyama. Kunyazwi takamuzia Kristu ngokwenyama, asi zvino atichamuzii ngokwakadaro.

Vagaratiya 1:10

Ngokuti inini zvino ndinotsvaka kudiwa ngevanhu here, nokuti kudiwa ndiMwari? Nokuti ndinoedza kudakadza vanhu here? Kudai ndaiya ndichadakadza vanhu, ngokudaro andingaiti muranda waKristu.

Vagaratiya 2:5

Atizi kudzipfaisa kwavari, kunyazwi nepadoko, kuitira kuti gwinyiso revhangeri rigare nemwi.

Vahebheru 5:14

Asi kudya kwakagwinya ngokwevakuru, ngokuti avo mipinimidzo yavo yakadzidziswa ngokuita kutsanangura zvakanaka kubva panezvakashata.

Judha 1:24

Zvino kwaari unesimba rokumungwarira kubva mukuwa nokumuemesa pamberi pouthende hwake musina ndaa ngokudakara,