Jer. 15:16 - Bhaibheri Rakachena muChindau

¹⁶ Mazwi ako akaonwa, neni ndakaadya; nemazwi ako akaita kwendiri kudakara nokudakadzwa kwomwoyo wangu; ngokuti ndinodaidzwa ngezina rako, O Mambo Mwari, Mwari wehondo.

Jer. 15:16 Iomraidhean Croise

Neh. 8:12

Nevanhu veshe vakapararira kuenda koodya nokumwa, nokutumira zvikoaniswa kunevamweni vavo, nokudakara kakurutu, ngokuti vaiya vakanasa kuzwisisa mazwi akadaidzirwa kwevari.

Jobe 23:12

Andizi kupauka kubva kumipango yemiromo yake; ndangwarira muditi rangu mazwi omuromo wake.

Nduyo 119:111

Zvapupu zvako inhaka yangu mhera nariini; ngokuti zviri kudakara kwomwoyo wangu.

Nduyo 119:16

Ndinozodakara muzviemeso zvako; andizoriyarwi izwi rako.

Nduyo 119:72

Mupango womuromo wako wakandinakira kupinda zvigurwa zvomukore nesirivha makumi emazana.

Nduyo 119:97

A, kudanyi kwendinoita mupango wako! Uri mumupinimidzo wangu zuva reshe.

Nduyo 19:10

Zvinopinda kuemurwa kunomukore, kunyazwi kunomukore wakapinda kuengurwa kakurutu; zvinopinda kutapira kuneuchi, nokubomha kwemisoro.

Jer. 14:9

Ngenyi wechidai ngomunhu wakangaidzwa, nokudai ngomunhu unesimba usikaponesi? Asi iwewe, O Mambo Mwari, uri mukati mwedu, nesu tinodaidzwa ngezina rako; usatisiya.

Ezek. 2:8

“Asi iwewe, mukororo womunhu, izwa chendinoronza kwouri; usaita unomukira kudai ngemhatso iyo yokumukira; beura muromo wako, udye icho chendinokupa.”

Mik. 2:7

Izvi zvinosisira kududzwa here, O mhatso yaJakobe? Nyasha dzaMambo Mwari dzafupiswa here? Izvi zviito zvake here? Mazwi angu aaiti zvakanaka here kwaari unohamba ngokururama?