Jer. 15:14 - Bhaibheri Rakachena muChindau

¹⁴ Ndinozokuita kuti ushandire magaa ako kunyika yousikazii, ngokuti muushungu hwangu muriro wabaswa, unozopisha mhera nariini.”

Jer. 15:14 Iomraidhean Croise

Nduyo 21:9

Unozovaita kuti vadai ngomuriro wechoto chikuru apo pounozooneka. Mambo Mwari unozovamedza muushungu hwake, nomuriro unozovapedza.

Isa. 42:25

Ndizvo wakadurura padera pake kupisha kwoushungu hwokutseneka kwake, nokutyisa kwehondo; zvakamuisa mumuriro unobaka kumarutii eshe, asi aazi kuzwisisa; nawo wakamupisha, asi aazi kuzviisa mumwoyo mwake.

Jer. 14:18

Dai ndechibuda kuenda kurubaya, ringira, varipo vaya vakaurawa ngeshoti! Dai ndechipotera mudhorobha, ringira, varipo vaya vanorwara ngenzara! Ngokuti veshe vaprofeti nevapristi vanohambahamba munyika vasikazii.”

Jer. 15:4

Ndinozoita kuti vanyenywe kuumambo hweshe hwenyika ngendaa yaManase mukororo waHezekia mambo waJudha,” ngendaa yaakaita muJerusarema.

Jer. 16:13

Ndizvo ndinozomubvisa kuneiyi nyika kuenda kunyika yomusikazi kuizia, imwimwi nokuti madzibaba enyu; iyoyo munozodira zvimwari zvimweni masikati nousiku, apo pendisikazomuitiri nyasha.’

Jer. 17:4

Ngendaa yokuita kwako unozotorerwa nhaka yako yendakakupa; ndinozoita kuti ushandire magaa ako munyika yousikazii; ngokuti muushungu hwangu wakabaka muriro uwo unozobaka mhera nariini.

Jer. 4:4

Dzichekerenyi pachenyu kunaMambo Mwari, muduse ganda romwoyo yenyu, O vanhu vaJudha nevagari vomuJerusarema, nokuti ushungu hwangu hungabuda kudai ngomuriro, unopisha pasina naumwe ungaudzima ngendaa yezvakashata zvomunoita.”

Jer. 52:27

Namambo weBhabhuroni wakavachaya, akavauraya paRibra munyika yeHamathi. Ndizvo Judha wakapinda muusungwa kuitwa hloko kubanze kwenyika yake.

Amo. 5:27

Ndizvo ndinozoita kuti muende muusungwa mberi kweDhamasekusi,” unoronza Mambo Mwari, uwo zina rake ndiMwari wehondo.

Dhuto. 28:25

Mambo Mwari unozoita kuti munyiswe pamberi pemagaa enyu; munozobuda kuenda koorwa navo ngenjira imwe, mwechizobva pamberi pavo ngenjira nomwe. Munozoita vanonyenyiwa ngemadzinza enyika dzeshe.

Dhuto. 28:36

Mambo Mwari unozomutora pamwepo namambo wenyu womunozoemesa padera penyu, kuenda kudzinza romusikazii, imwimwi nokuti madzibaba enyu; naapo munozoshandira zvimwari zvimweni zvemiti nezvemapuwe.

Dhuto. 28:64

Mambo Mwari unozomuparadzira pakati pevanhu veshe, kubvira kurupande rumwe rwenyika metsa kuguma kunorumweni; naapo munozoshandira zvimwari zvimweni zvemiti nezvemapuwe zvomusaizia, imwimwi nokuti madzibaba enyu.

Dhuto. 29:23

Mavhu enyika yeshe anobaka ngesorufa nomunyu, apana chinosimwa, apana chinomera nokukura, apana nomwenje unokuremwo, kudai ngokuparadzwa kweSodhoma neGomora, Adhima neZebhoimu, ao aakaparadza Mambo Mwari muushungu hwake hunotyisa.

Dhuto. 32:22

Ngokuti muriro wabaswa muushungu hwangu, unozobaka metsa ugume kuSheori riri pashi; unozopedza nyika nezviro zvayo, unozopisha zvitsimiso zvemitunhu.

Vahebheru 12:29

ngokuti ngegwinyiso Mwari wedu muriro unoparadza.