Jer. 15:13 - Bhaibheri Rakachena muChindau

¹³ Upfumi hwako nemare yako ndinozozvipa kudai ngezvakachakatwa pasina mutengo, ngendaa yezvishaishi zvako zveshe, munyika yako yeshe.

Jer. 15:13 Iomraidhean Croise

Nduyo 44:12

Watengesa vanhu vako pasina mutengo, auzi kudzitemera mutengo wazvo wakakwira.

Isa. 52:3

Ngokuti izvi ndizvo zvinoronza Mambo Mwari, “Mwakatengeswa ngezvisina shwiro, nemwi munozoripirwa ngepasina mare.”

Isa. 52:5

Ndizvo zvino, ndinoitenyi pano,” unoronza Mambo Mwari, “Ndechiona kuti vanhu vangu vanotorwa pasina ndaa? Vatongi vavo vanovapopotera,” unoronza Mambo Mwari, “Nezina rangu rinoangira kutukwa mazuva eshe.

Jer. 15:8

Shirikadzi dzavo dzawandisa kupinda jecha romuruandhle; ndaunzira vanamai vemajaha muparadzi masikati machena; ndaita kuti kurwadziwa nokutyiswa kuwire padera pavo ngokukasira, nokutyisa kudzake padera pedhorobha.

Jer. 17:3

pamitunhu iri munyika yorubaya. Upfumi hwako hweshe nemare yako ndinozozvipira kuti zvichakatwe, nendau dzako dzakakwirira ngendaa yokushaisha kwako kuri munyika yako yeshe.

Jer. 20:5

Ndinozopa pfuma yeshe yedhorobha iri, zveshe zverinouyirwa ndizvo, zveshe zvaro zvinomutengo mukuru, noupfumi hweshe hwemadzimambo aJudha, kunyara dzemagaa avo, avo vanozozvichakata, nokuzvitora kuenda nazvo Bhabhuroni.

Ezek. 38:13

Shebha naDhedhani, nevatengesi veTharshishi, pamwepo nemhondoro itsva dzayo dzeshe, vanozoti kwouri, “Wauya here kootora zvakapambwa? Iwewe wakaunganidza hondo dzako kuuya kootwara zvokupambwa, kutora sirivha nomukore, kutora n'ombe nemidziyo, kutora zvakachakatwa zvakawanda here?”

Zef. 1:13

Upfumi hwavo hunozopambwa, nemhatso dzavo dzinozoita matongo. Kunyazwi vanoaka mhatso, avazogarimwo; kunyazwi vanosima minda yemivhini, avazomwi vhini rayo.”