Jer. 15:10 - Bhaibheri Rakachena muChindau

¹⁰ Ihehe kwendiri, mai angu, mwakandibara kuita munhu wokuambana nokuita hasha munyika yeshe! Andizi kumbokweretesa munhu kuti ndiuyirwe, nevanhu avazi kundikweretesa kuti vauyirwe; asi veshe vanondituka.

Jer. 15:10 Iomraidhean Croise

1 Madzi. 21:20

Ahabhi wakapingura Erija echiti, “Wazondiona, iwewe gaa rangu here?” Naye wakapingura, “Eya, ndakuona, ngokuti iwewe wakadzitengesa kuita zvakashata mukuona kwaMambo Mwari.

1 Madzi. 22:8

Mambo waIsuraeri wakati kunaJehoshafati, “Uchiripo munhu umwe, Mikhaia mukororo waImira, uwo wetingabvunza ndiye kunaMambo Mwari; asi ndinomuzonda, ngokuti aaprofeti zviro zvakanaka ndini, asi zvakashata.” Jehoshafati wakati, “Mambo asaronza chiro kudaro.”

Nduyo 109:28

Ngavatuke, asi iwewe unozofumisa. Magaa angu ngaatsverudzwe; muranda wako ngaadakare.

Nduyo 15:5

usikakweretesi mare yake kuti auyirwe, nousikaashiri chitengero chokurwisa usina ndaa. Uwo unoita izvi aazotsukunuswi nariini. Nduyo yaDhavhidha.

Nduyo 69:4

Avo vanondizonda ndisina ndaa vawandisa kupinda bvudzi resoro rangu; vazhinji avo vanoda kundiparadza, magaa angu anondiitira ndaa dzokunyepa. Ndinoangiridzwa kupetudza chendisikazi kuba.

EKISEDHUSI 22:25

“Kudai wechikweretesa mare kuno umwe wevanhu vangu vanemwi uwo uri murombo, usazoita kwaari kudai ngouri mukweretesi; newe usazomubvunza kubara kwayo.

Mazwi 26:2

Kudai ngekonjana mukumbururuka kwayo, kudai ngokumbururuka kwemherepere, kutuka akusisiri pasina ndaa.

Jer. 15:20

Neni ndinozokuita kunevanhu ava kudai ngorukumbati rwethusi; vanozorwa newe, asi avazokunyisi akadi, ngokuti ndinewe kukuponesa nokukununura,” unoronza Mambo Mwari.

Revhi 25:36

Usatora kubva kwaari uyirwa nokuti zvinowanzirwa, asi unozotya Mwari wako; kuti hama yako igare newe.

Revhi 25:37

Usazokweretesa mare yako kwaari kuti uzouyirwa nokuti kukweretesa kwaari kudya kwako kuti uzowanzirwa.

HABHAKUKI 1:3

Ngenyi wechindionisa kushata, nokuita kuti ndiringire kutambudzika? Kuparadzwa, kupambwa zviri pamberi pangu; varipo vanomusa hasha nokurwisana.

Mateu 24:9

Naapo vanozomuhina mukutambudzwa, navo vanozomuuraya; nemwi munozonyenywa ngemadzinza eshe ngepamusoro pezina rangu.

Mateu 5:44

Asi inini ndinoti kwomuri, idai magaa enyu, muvakumbirire avo vanomutambudza,

Ruka 2:34

NaSimeoni wakavafumisa, akati kunamai ake Maria, “Penya, mwana uyu wakaemeserwa kuwa nokumuka kwevazhinji muIsuraeri, nokuitazve chioniso chinozorambwa,

Ruka 6:22

Munomuchena imwimwi apo vanhu vanozomunyenya nokuparadzana nemwi, nokumukaraidza nokurasha zina renyu kudai ngerakashata, ngendaa yoMukororo woMunhu.

Zvak. 28:22

Asi tinodisisa kuzwa ndiwe izvo zvounopinimidza; ngokuti ngendaa yechiunga ichi, kunoziikanwa kwetiri kuti kundau dzeshe chinoereketwa zvakashata ndicho.”