Jer. 15:1 - Bhaibheri Rakachena muChindau

¹ Zvino Mambo Mwari wakati kwendiri, “Kunyazwi Mosi naSamueri vakaema pamberi pangu, asi mwoyo wangu aungakunukukiri kunevanhu ava. Vabvise pamberi pehope yangu, ngavaende.

Jer. 15:1 Iomraidhean Croise

Gen. 19:27

Abrahama wakafumira mangwanani kuenda kundau iyo yaaiya akaema pamberi paMambo Mwari;

2 Madzi. 17:20

Mambo Mwari wakaramba mibarirwana yeshe yaIsuraeri; wakavatambudza, akavapa munyara dzevachakati, metsa avarasha kubva pamberi pehope yake.

Nduyo 106:23

Ndizvo wakati waizovaparadza, kudai Mosi, wakatsanangurwa wake, asikazi kuema pamberi pake mukupauka, kupodza ushungu hwake, kuti asavaparadza.

Nduyo 99:6

Mosi naAroni vaiya pakati pevapristi vake, Samueriwo waiya pakati pevanokumbira ngezina rake. Vakadaidzira kunaMambo Mwari, naye wakavapingura.

Mazwi 14:35

Muranda unoita ngokungwara unoona nyasha dzaMambo, asi ushungu hwake huri padera pouwo unoita zvinotsverudza.

Jer. 10:18

Ngokuti ndizvo izvi zvinoronza Mambo Mwari: “Ringirai, ndinozorasha kubanze avo vanogara munyika iyi ngouyu mukuwo, ndichaunza dambudziko padera pavo, kuti vazvione.”

Jer. 11:14

Asi iwewe, usakumbirira ava vanhu, nokuti kudaidzira, nokuti kupota ngendaa yavo, ngokuti andizopurutani ngomukuwo wevanodaidzira kwendiri ngendaa yokutambudzika kwavo.”

Jer. 14:11

Mambo Mwari wakati kwendiri, “Usakumbirira ava vanhu, kuti vaone zvakanaka.

Jer. 14:12

Kunyazwi vanoera kudya, andizwi kuchema kwavo; kunyazwi vanopira mudiro wokupisha nomunikero, andizviashiri; asi ndinovapedza ngeshoti, ngenzara nenhenda.”

Jer. 15:19

Izvi ndizvo zvinoronza Mambo Mwari, “Kudai wechitenderuka, ndinozokupetudza, newe unozoema pamberi pangu. Kudai wechiteketesa zvakanaka, haiwa zvakashata, unozoita kudai ngomuromo wangu. Ndivo vanozopetuka kwouri, haiwa iwewe kupetuka kwevari.

Jer. 16:13

Ndizvo ndinozomubvisa kuneiyi nyika kuenda kunyika yomusikazi kuizia, imwimwi nokuti madzibaba enyu; iyoyo munozodira zvimwari zvimweni masikati nousiku, apo pendisikazomuitiri nyasha.’

Jer. 16:5

“Ngokuti izvi ndizvo zvinoronza Mambo Mwari, usaenda mumhatso yokubonda, nokuti kuenda koochema nokuti kugomera ngendaa yavo, ngokuti ndatora kunyarara kwangu kubva kuvanhu ava, unoronza Mambo Mwari, rudo rwangu runenyasha nokukungurira.

Jer. 18:20

Kushata kunounzidzirwa ngezvakanaka here? Asi vatsira ndaramo yangu hunza. Karakadza kuema kwangu pamberi pako kuereketa zvakanaka ndivo, nokupetudza ushungu hwako kubva kwevari.

Jer. 22:28

Uyu munhu Khonia hari yakaputsika inoshoorwa here, chidziyo chisikadikanwi ngomunhu weshe? Vanorashwa ngenyi, iye nomubarirwana wake, navo vanorashirwa munyika yevasikazii?

Jer. 23:39

ndizvo, ringira, inini ndemene ndinozomuriyarwa yaamho, ndinozomurasha kubva mukuona kwangu, imwimwi nedhorobha, rendakamupa nemadzibaba enyu.

Jer. 35:19

Izvi ndizvo zvinoronza Mambo Mwari wehondo, Mwari waIsuraeri: ‘Jonadhabhi mukororo waRekhabhi aazotami mubarirwana wokuema pamberi pangu mhera nariini.’ ”

Jer. 52:3

Ngegwinyiso Jerusarema naJudha vakanyangadza Mambo Mwari, ndizvo zvakaita kuti avadzinge kubva pamberi pake. Zedhekia wakamukira mambo weBhabhuroni.

Jer. 9:19

Ngokuti izwi rokuchema rinozwika richibva Zioni, “Kuparadzwa kwetaitirwa! Tatsverudzwa kakurutu, ngokuti takasiya nyika, ngokuti vapwanyira pashi ugaro hwedu.”

Ezek. 14:14

kunyazwi ava vanhu vatatu, Noa, Dhanieri naJobe, vaiya mukati mwayo, vaizoponesa mweya yavo yega ngokururama kwavo, unoronza Mambo Mwari, Mwari.

Ezek. 22:30

Neni ndakatsvaka munhu pakati pavo, kuti aakise rukumbati, nokuema paburi pamberi pangu ngendaa yenyika, kuti ndisaiparadza; asi andizi kuona naumwe.

Hos. 9:15

Kweshe kushata kwavo kwakatangira muGirigari; ndipo pendakavanyenya. Ngendaa yokushata kwezviito zvavo ndinozovadzinga kubva kumhatso yangu. Andichazovadi; veshe vatongi vavo vamukiri.

Zek. 3:3

Zvino Joshua waiya akasimira zvokusimira zvinetsvina, apo akaema pamberi pengirosi.

Dhuto. 9:26

Ndakakumbira kunaMambo Mwari ndechiti, “A Mambo Mwari, Mwari Mukuru, usapedza vanhu vako vari nhaka yako yemene, avo vemwakaripira muukuru hwako vewakabudisa kubva Egipite ngenyara inesimba.

Vahebheru 9:24

Ngokuti Kristu aazi kupotera kundau yakachenesisa, yakaitwa ngenyara dzomunhu, yakadai ngomuedzaniso weizvo zvegwinyiso, asi wakapotera mudenga remene, kuti zvino aeme pamberi pehope yaMwari ngendaa yedu.

Vato. 5:9

Mwoyo wangu unechidisiso kuvatongi vaIsuraeri, avo vakadzipira ngokuda pakati pevanhu. Kudzai imwimwi Mambo Mwari.

1 Sam. 12:19

Vanhu veshe vakati kunaSamueri, “Kumbirira varanda vako kunaMambo Mwari, Mwari wako, kuti tisafa; ngokuti takatutsira kushaisha uku kuzvishaishi zvedu zveshe, ngokudzikumbirira mambo pachedu.”

1 Sam. 12:23

Ndizvo neniwo, Mwari asazotenda kuti ndishaishe kunaMambo Mwari ngokurekera kumukumbirira; neni ndinozomudzidzisa njira yakanaka neyakarurama.

1 Sam. 7:9

Ndizvo Samueri wakatora kahwai kaiamwa, akakapira keshe kuita mudiro wokupisha kunaMambo Mwari. Samueri wakachemera vaIsuraeri kunaMambo Mwari, naMambo Mwari wakamupingura.