Jer. 14:9 - Bhaibheri Rakachena muChindau

⁹ Ngenyi wechidai ngomunhu wakangaidzwa, nokudai ngomunhu unesimba usikaponesi? Asi iwewe, O Mambo Mwari, uri mukati mwedu, nesu tinodaidzwa ngezina rako; usatisiya.

Jer. 14:9 Iomraidhean Croise

2 MaKro. 7:14

kudai vanhu vangu vanodaidzwa ngezina rangu vechizodzipfaisa ngokwavo, vakumbire, vatsvake hope yangu, vechitenderuka kubva kunjira dzavo dzakashata; zvino ndinozozwa ndiri mudenga, ndinozorekerera kushaisha kwavo, ndiponese nyika yavo.

Nduyo 10:1

Unoemerenyi kuretu, A Mambo Mwari? Unodzifishirenyi ngenguva yokutambudzika?

Nduyo 27:9

Usafisha hope yako kubva kwendiri. Usapetudza muranda wako muushungu, iwewe waiya mudetseri wangu. Usandirasha nokuti kundisiya, Mwari woruponeso rwangu!

Nduyo 46:5

Mwari uri mukati mwedhorobha, arizozungunyiswi; Mwari unozoridetsera mumambakwedza.

Isa. 12:6

Daidzirai nokuemba ngokudakara, imwimwi munogara muZioni, ngokuti Wakachena waIsuraeri mukuru pakati penyu.”

Isa. 43:7

kunyazwi ndiani unodaidzwa ngezina rangu, uwo wendakasikira uthende hwangu, uwo wendakasika nokuita.”

Isa. 51:9

Muka, muka, upfeke simba, O muoko waMambo Mwari! Muka, kudai ngemumazuva ekaretu, mibarirwana yakapinda. Andiwepi uwo wakatematema Rahabhi kuita zvigurwa here, uwo wakabaya chikara chinotyisa?

Isa. 59:1

Ringira, nyara yaMambo Mwari aizi kunyanya kufupiswa, kuti iponese, nokuti nzee yake aizi kunyanya kuita dziiranzee, kuti izwe.

Isa. 63:19

Taiya takadai ngeavo mukuwo wakareba avo vomusaitonga, kudai ngeavo vasikadaidzwi ngezina rako.

Jer. 15:16

Mazwi ako akaonwa, neni ndakaadya; nemazwi ako akaita kwendiri kudakara nokudakadzwa kwomwoyo wangu; ngokuti ndinodaidzwa ngezina rako, O Mambo Mwari, Mwari wehondo.

Jer. 51:5

Ngokuti Isuraeri naJudha avazi kusiiwa ndiMwari wavo, Mambo Mwari wehondo, kunyazwi nyika yavo yakazadzwa ngokushaisha pamberi peUmwe Wakachena waIsuraeri.

Jer. 8:19

Izwai, kuchema kwevanhu vangu varombo kubva munyika yakapamhama iri kuretu: “Mambo Mwari urimwo here mukati mweZioni? Mambo wake aarimwopi mukati mwake here?” “Vakanditsenesa ngenyi ngemiedzaniso yavo yakatsetswa, nezvimwari zvazvo zvipara zvisina shwiro?”

Chi. 5:20

Ngenyi wechitiriyarwa mhera nariini? Ngenyi wechitisiya mazuva mazhinji aya?

Ezek. 48:35

Kupimwa kweshe kwedhorobha kunozoita mamitha makumi emazana mapfumbamwe (9,000). Zina redhorobha kubvira ngeiro zuva rinozozwi, “Mambo Mwari Urimwo.”

HABHAKUKI 1:2

O Mambo Mwari, ndinozochema mukuwo wakaitawani kuti ndidetserwe, newe usikazozwi? Nokuti kuchema kwouri “Ngokugebengwa,” newe usikazoponesi?

Zek. 2:5

Ngokuti inini ndinozoita rukumbati rwomuriro kuritendenedza, unoronza Mambo Mwari, nokuita uthende mukati mwaro.

Zek. 8:3

Izvi ndizvo zvinoronza Mambo Mwari: Ndinozopetuka kuZioni, neni ndinozogara pakati peJerusarema; Jerusarema rinozodaidzwa kuti Dhorobha Rakagondeka, nomutunhu waMambo Mwari wehondo unozodaidzwa kuti mutunhu wakacheneswa.

Zvi. 11:23

Mambo Mwari wakati kunaMosi, “Nyara yaMambo Mwari yakafupiswa here? Zvino unozoona kuti mazwi angu anozoitika here kwouri, nokuti aazoitiki.”

Zvak. 15:17

kuti vakasara veavo vanhu vatsvake Mambo Mwari, nevemadzinza veshe, avo vanodaidzwa ngezina rangu, unoronza Mambo Mwari uwo wakaita izvi zveshe,

2 VaK. 6:16

Kuri pari kutenderana kwetemperi raMwari nemiedzaniso yokudira? Ngokuti isusu tiri temperi raMwari unopona; kudai ngezvaakaronza Mwari kuti, “Ndinozogara pakati pavo, nokuhamba pakati pavo; neni ndinozoita Mwari wavo, navo vanozoita vanhu vangu.

Dhuto. 23:14

Ngokuti Mambo Mwari, Mwari wenyu unohamba pakati pekamba renyu, kumusunhura nokuparadza magaa enyu kubva pamberi penyu; ndizvo kamba renyu rinozoita rakachena, kuti iye asazoona chiro nachimwe chakasvipiswa pakati penyu, amufuratire.

Dhuto. 28:10

Vanhu veshe vomunyika vanozoona kuti imwimwi munodaidzwa ngezina raMambo Mwari; navo vanozomutya.

Vahebheru 13:5

Kupona kwenyu ngakuite kusikakariri mare, itai vanogutiswa ngeizvo zvomunazvo; ngokuti wakati, “Anditongokurekeri nokuti kukusiya.”

Chakapangijihwa 21:3

Neni ndakazwa izwi guru rechibva pachigaro choumambo rechiti, “Ringira, ugaro hwaMwari huri pakati pevanhu. Unozogara navo; navo vanozoita vanhu vake, naMwari emene unozoa navo, echiita Mwari wavo.

1 Sam. 12:22

Ngokuti Mambo Mwari aazosiyi vanhu vake ngendaa yezina rake guru; ngokuti zvakadakadza Mambo Mwari kuti amuite vanhu vake.