Jer. 14:7 - Bhaibheri Rakachena muChindau

⁷ O Mambo Mwari, kunyazwi zvishaishi zvedu zvinopupura tisu kutiitire ndaa, chiita ngendaa yezina rako; ngokuti takahwirira sure kazhinji, takashaisha kwouri.

Jer. 14:7 Iomraidhean Croise

Ezura 9:15

A Mambo Mwari, Mwari waIsuraeri, iwewe wakarurama; asi isusu takasara tiri takapokonyoka kuita vakasara, kudai ngezvetiriazvo nyamashi. Ringira, tiri pamberi pako mukushaisha kwedu, ngokuti apana naumwe ungakona kuema pamberi pako ngendaa iyi.”

Nduyo 115:1

Haiwa kwetiri, A Mambo Mwari, haiwa kwetiri, asi ipa kunezina rako kuirikidzwa, ngendaa yenyasha dzako dzinorudo nokugondeka kwako.

Nduyo 25:11

Ngendaa yezina rako, A Mambo Mwari, kungurira kushaisha kwangu, ngokuti kwakakura.

Nduyo 79:9

Tidetsere, A Mwari woruponeso rwedu, ngendaa yembiri yezina rako; tinunure, utisuke zvishaishi zvedu, ngendaa yezina rako.

Isa. 48:11

Ngendaa yangu, ngendaa yangu, ndinozviita, ngokuti zina rangu ringasvipiswa ngenyi? Uthende hwangu andizohupi umweni.

Isa. 59:12

Ngokuti zvishaishi zvedu zvawanda pamberi pako, nezvishaishi zvedu zvinotiitira ndaa. Zvishaishi zvedu ngegwinyiso zvinesu, nesu tinozia zvishaishi zvedu:

Jer. 10:19

“Ihehe kwendiri ngendaa yokuremadzwa kwangu! Ronda rangu rakakura. Asi ndakati, ‘Chokwadi uku kuororwa kwangu, kunotamika kuti ndikutware.’

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 3:25

Ngatiate pashi mukutsveruka kwedu, nokutsveruka kwedu kutifukidze; ngokuti takashaisha kunaMambo Mwari, Mwari wedu, isusu nemadzibaba edu, kubvira muutsva hwedu metsa nanyamashi; atizikupurutana izwi raMambo Mwari, Mwari wedu.”

Jer. 3:6

Mambo Mwari wakati kwendiri ngamazuva aJosia mambo, “Wakaona here izvo zvaakaita uwo usikagondeki Isuraeri, kukwira kwaakaita padera pemitunhu yeshe napashi pemiti yeshe yakasvipirika, apo paakaita uhure?

Jer. 5:25

Kushata kwenyu kwapetudza izvi kuretu, nezvishaishi zvenyu zvamurambidzira zviro zvakanaka.

Jer. 5:6

Ndiyo ndaa mhondoro inobva mugwasha inozovauraya, negava romushango rinozovaparadza. Khamba rinohwarira madhorobha avo; weshe unobudamwo unozobaurwa kuita zvigurwa, ngokuti zvishaishi zvavo zvakawanda, nokuhwirira kwavo sure kwakanyanya.

Jer. 8:14

“Tinogara takanyarara ngenyi? Unganidzanai pamwepo, ngatipotere mumadhorobha akashosherwa, tipereremwo; ngokuti Mambo Mwari, Mwari wedu, wakatitongera rufu, wakatipa mvura inoukaira kuti timwe, ngokuti takashaishira Mambo Mwari.

Jer. 8:5

Zvino ngenyi ava vanhu veJerusarema vechihwirira sure mikuwo yeshe? Vanobatisisa kuchengedzera, vanoramba kupetuka.

Ezek. 20:14

Asi ndakaita izvi ngendaa yezina rangu, kuti risasvipiswa mukuona kwemadzinza, mukuona kwavo ndakavabudisa.

Ezek. 20:22

Asi ndakapfinyisa nyara yangu, ndikaita ngendaa yezina rangu, kuti risasvipiswa mukuona kwemadzinza, avo mukuona kwavo ndakavabudisa.

Ezek. 20:9

Asi ndakaita izvi ngendaa yezina rangu, kuti risasvipiswa mukuona kwemadzinza pakati peavo vevaigara navo, mukuona kwavo ndakadziita kuti ndiziikanwe kwevari mukuvabudisa kubva munyika yeEgipite.

Hos. 5:5

Kudzikudza kwaIsuraeri kunopupura muhope yake kumuitira ndaa; Efuremu unopumhunwa mukushaisha kwake; Judha naye unopumhunwa pamwepo navo.

Hos. 7:10

Kudzikudza kwaIsuraeri kunopupura kumuitira ndaa; asi avahwiriri kunaMambo Mwari, Mwari wavo, nokuti kumutsvaka, ngendaa yeizvi zveshe.

Amo. 7:2

Naapo dzakapedza kudya mwenje wenyika, ndakati, “O Mambo Mwari, Mwari, rekerera, ndapota! Jakobe ungaita maemerenyi? Mudoko yaamho.”

Mik. 7:9

Ndinozotwara ushungu hwaMambo Mwari, ngokuti ndakashaisha kwaari, metsa andirwira ndaa yangu nokundiunzidzira. Unozondiunza mukujeka, neni ndinozoona kururama kwake.

Vaefesu 1:12

kuti tiite kukudzwa kwouthende hwake, isusu takatanga kutenda kuna Kristu.

Vaefesu 1:6

kuti tikudze Mwari ngendaa youthende hwenyasha dzake dzaakatipa pasina muripo kubudikidza ngoUnodikanwa.

Dhuto. 32:27

Asi ndakatya ushungu hwemagaa, kuti magaa avo angazoshaisha kuona, kuti varonze kuti, “Nyara dzedu dzinonyisa, andiye Mambo Mwari akadi wakaita izvi zveshe.”

Josh. 7:9

Ngokuti vaKhenani navo veshe vagari venyika vanozochizwa, vanozotitendenedza, kundau dzeshe, vanozodzima zina redu kubva padera penyika. Zvino unozoitenyi kunezina rako guru?”