Jer. 14:2 - Bhaibheri Rakachena muChindau

² “Judha rinochema nemisiwo yaro inongwendangwenda; vanoata pashi muchidima chakasvipa kakurutu, nokuchema kweJerusarema kunokwira.

Jer. 14:2 Iomraidhean Croise

Jobe 34:28

ndizvo vakaita kuti kuchema kwevarombo kugume kwaari, naye wakazwa kuchema kwevanotambudzwa.

Nduyo 144:14

nen'ombe dzedu ngadziremerwe ngokubara vana vazhinji; kusina kuphunza nokuti kubuda kunyika mukanza, kusina mhere yemadambudziko mumapato edu.

EKISEDHUSI 2:24

Mwari wakazwa kugomera kwavo, naMwari wakakarakadza chitenderano chake naAbrahama, Isaka naJakobe.

Isa. 15:5

Mwoyo wangu unochemera Moabhi; vanotiza varo vanotizira Zoa, Egirathisherishiya. Ngokuti pakukwidzwa Ruhithi, vanokwira vechichema; mupato rinoenda Horonaimu vanoboorera kuchemera kuparadzwa.

Isa. 24:11

Kuripo kuchemera vhini kukurutu mumapato ngokuti akuna vhini; kweshe kudakara kwaguma kumagumo, kudakara kwenyika kwapera.

Isa. 24:4

Nyika inooma nokuzeketera, nyika inopera simba nokuzeketera; vanhu vakuru venyika vanopera simba:

Isa. 24:7

Vhini idzva rinooma, muvhini unopera simba, veshe vanemwoyo inodakara vanogomera.

Isa. 3:26

Nemisiwo yake inozochema nokubonda; mukuparadzwa, unozogara pashi pamavhu.

Isa. 33:9

Nyika inochema, inopera simba. Rebhanoni ratsveruka, ratemerwa rafota pashi. Sharoni radai ngomurubaya, Bhashani naKharmeri azuwira pashi mashakani ayo.

Isa. 5:7

Ngokuti munda wemivhini waMambo wehondo imhatso yaIsuraeri, nevanhu vaJudha muti wake unodakadza; naye wakakarira kuona kutonga kwakanaka, asi wakaona kuparadza ngazi; kuona kururama, asi wakaona kuchema.

Jer. 11:11

Ndizvo izvi, ndizvo zvinoronza Mambo Mwari, ‘Ringira, ndinozounza kushata padera pavo ukwo kwevasikazokoni kutiza; kunyazwi vanozodaidzira kwendiri, andizovapurutani.

Jer. 12:11

Vachiita dongo, dongo rinobonda kwendiri. Nyika yeshe yaizwe dongo, asi apana naumwe unopinimidza ndiyo.

Jer. 12:4

Nyika inozobonda mukuwo wakadini nezvinokura zvakasvipira zvemarubaya zveshe zvinozofota mukuwo wakadini? Ngendaa yokushata kweavo vanogaremwo mhuka neshiri zvapedzwa, ngokuti vanoti, ‘Aazooni magumo edu.’

Jer. 18:22

Kuchema ngakuzwike kubva kumhatso dzavo, apo woounza genge padera pavo ngokukasira! Ngokuti vakatsa hunza kuti indibate, vakateya tsoka dzangu ngemirau.

Jer. 4:28

Ngendaa yeizvi nyika inozotsumba nematenga anozosvipa; ngokuti ndakazviereketa, ndakazviemesa, andizopinduki akadi, andizokunukuki kubva kwezviri.

Jer. 46:12

Madzinza akazwa ngokutsverudzwa kwako, nokuchema kwako kwakazadza nyika; ngokuti ngwazi dzapumhunwa ngengwazi, nadzo dzeshe dzawa pamwepo.

Jer. 8:21

Ngendaa yokuremadzwa kwevanhu vangu varombo, neni ndaremadzwa; ndinosvipa mwoyo; kushamiswa kwandibata.

Chi. 2:8

Mambo Mwari waemesa kuti aparadze nokuita matongo rukumbati rwemwanasikana weZioni; watambanudza tambo, aazi kupfinyisa nyara yake kubva mukuparadza; waita kuti thawa norukumbati zvicheme; zvapera simba pamwepo.

Chi. 2:9

Misiwo yaro yanzvaira mumavhu; waparadza nokugura mipiningidzo yaro; mambo waro nevatongi varo vaapakati pevemadzinza; akuchina mipango; vaprofeti varo avachaoni chioniso chinobva kunaMambo Mwari.

Chi. 5:10

Ganda redu rasvipiswa kudai ngechiwenda ngendaa yenzara huru.

Hos. 4:3

Ndizvo nyika inozobonda, navo veshe vanogaramwo vanozopera simba, pamwepo nemhuka dzomushango neshiri dzomudenga; kunyazwi nehove dzoruandhle dzinopera.

Joeri 1:10

Minda yaparadzwa, nyika inochema; ngokuti zviyo zvaparadzwa, vhini idzva raomeswa, mafuta anopera.

Joeri 1:11

Perai simba, imwimwi varimi, boorerai, imwimwi vatonongori vemivhini, ngendaa yekoroni, nendaa yebhare; ngokuti zvisimwa zvomunda zvaparadzwa.

Joeri 1:14

Chenesai zuva rokuera kudya, mudaidzire mushongano wokudira. Unganidzai vakuru navo veshe vagari vomunyika kumhatso yaMambo Mwari, Mwari wenyu, mucheme kakurutu kunaMambo Mwari.

Joeri 2:6

Pamberi pavo vanhu vanotambudzika kakurutu, hope dzeshe dzichatsvukuruka.

Hag. 1:11

Neni ndadaidza kuoma kuti kuuye padera penyika, padera pezvimitunhu, padera pezviyo, padera pevhini idzva, padera pemafuta, nepeizvo zvinoberekwa ngemavhu, nepadera pevanhu, nepadera pemhuka, nepemishando yavo yeshe yenyara.”

Zek. 7:13

Ndizvo zvakaitika, apo akadaidza, vakaramba kuzwa; ngokudaro apo vakadaidzira, neni ndakaramba kuzwa, unoronza Mambo Mwari wehondo,

1 Sam. 5:12

Vanhu vasikazi kufa vakamera mamota, nokuchema kwedhorobha kwakakwira mudenga.

1 Sam. 9:16

“Mangwani ngenguva ino ndinozotumira kwouri munhu unobva kunyika yeBhenjamini, newe unozomudzodza kuita mambo padera pevanhu vangu Isuraeri. Unozoponesa vanhu vangu kubva kunyara dzevaFiristia; ngokuti ndakaona kutambudzika kwevanhu vangu, ngokuti kuchema kwavo kwaguma kwendiri.”