Jer. 14:18 - Bhaibheri Rakachena muChindau

¹⁸ Dai ndechibuda kuenda kurubaya, ringira, varipo vaya vakaurawa ngeshoti! Dai ndechipotera mudhorobha, ringira, varipo vaya vanorwara ngenzara! Ngokuti veshe vaprofeti nevapristi vanohambahamba munyika vasikazii.”

Jer. 14:18 Iomraidhean Croise

Isa. 22:2

imwimwi mwakazara ngokudaidzira, dhorobha rinenyongano, guta rinokudakara kukurutu? Vakaurawa vako avazi kuurawa ngeshoti, nokuti kufira mukurwa.

Isa. 28:7

Avowo vanokweiwa ngokumwa vhini, vanothethereka ngezvokumwa zvinoradzisa; mupristi nomuprofeti vanokweiwa ngokumwa zvinoradzisa, vanokangaidzwa ngevhini, vanothethereka ngokumwa zvinoradzisa; vanokorera muchioniso, vanopumhunwa mukugura ndaa.

Jer. 2:8

Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 23:21

Andizi kutuma vaprofeti, asi vakarumba kuenda; andizi kuereketa kwevari, asi vakaprofeta.

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 6:13

“Ngokuti kubvira pamudoko kuguma pane wakakurisa wavo, veshe vanokarira kuuyirwa ngezvisina shwiro; nokubvira pamuprofeti nepamupristi, umwe ngaumwe unoita ngokuchengedzera.

Jer. 6:25

Musaenda kumunda, nokuti kuhamba munjira; ngokuti gaa rine shoti, kutyisa kuri kumarupande eshe.”

Jer. 8:10

Ndizvo ndinozopa vakadzi vavo kunevamweni, neminda yavo kune vanyisi, ngokuti umwe ngaumwe kubvira kumudoko metsa kunomukuru vakadzipira mukuemura; kubvira kumuprofeti metsa kumupristi, umwe ngaumwe unoita ngokuchengedzera.

Chi. 1:20

Ringira, O Mambo Mwari, kutambudzika kwangu; ndinotambudzika mukati mwangu, mwoyo wangu unotambudzika mukati mwangu, ngokuti ndakamukira kakurutu. Mumapato shoti inouraya, mumhatso mune rufu rwega.

Chi. 2:19

Miruka, ucheme yaamho usiku, pakutanga kwomurindo! Durura mwoyo wako kudai ngemvura pamberi pehope yaMambo Mwari. Mirudza nyara dzako kwaari ngendaa yendaramo yevana vako, avo vanodemera ngenzara ngedera kwepato rimwe ngarimwe.

Chi. 4:9

Vanomuchena avo vakaurawa ngeshoti kupinda avo vakaurawa ngenzara, ngokuti ava voperezeka, voda kufa ngokutama michero yomunda.

Ezek. 7:15

“Shoti iri kubanze, nhenda nenzara zviri ngomukati; nouwo uri mushango unozofa ngeshoti; nouwo uri mudhorobha, nzara nenhenda zvinomupedza.

Amo. 4:6

Ndakamupa kusukika kwemazino mumadhorobha enyu eshe, nokutamika kwechingwa kundau dzenyu dzeshe, asi amuzi kupetuka kwendiri, unoronza Mambo Mwari.

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Dhuto. 28:36

Mambo Mwari unozomutora pamwepo namambo wenyu womunozoemesa padera penyu, kuenda kudzinza romusikazii, imwimwi nokuti madzibaba enyu; naapo munozoshandira zvimwari zvimweni zvemiti nezvemapuwe.

Dhuto. 28:64

Mambo Mwari unozomuparadzira pakati pevanhu veshe, kubvira kurupande rumwe rwenyika metsa kuguma kunorumweni; naapo munozoshandira zvimwari zvimweni zvemiti nezvemapuwe zvomusaizia, imwimwi nokuti madzibaba enyu.

2 Pet. 2:3

Mukuemura kwavo vanozomuchengedzera ngemazwi okudziitisa. Kutongwa kwavo kwakaronzwa kubvira karetu akunonoki nokurashwa kwavo akuati.