Jer. 14:16 - Bhaibheri Rakachena muChindau

¹⁶ Nevanhu vevanoprofetera kwevari vanozokandirwa mumapato eJerusarema ngendaa yenzara neshoti. Akuzoapo naumwe kuvatsira, ivo pachavo, vakadzi vavo, vakororo vavo, nevanasikana vavo. Ngokuti ndinozodururira padera pavo kushata kwavo.”

Jer. 14:16 Iomraidhean Croise

Mazwi 1:31

ndizvo vanozodya michero yenjira yavo, nokuzadzwa ngokuronga mazano avo.

Isa. 51:20

Vana vako vademera, vanoata ngedera kwemapato eshe, kudai ngeshoma yabatwa mumambure; vakazadzwa ngoushungu hwaMambo Mwari, kukaraidza kwaMwari wako.

Isa. 9:16

Ngokuti avo vanovatungamirira vanoita kuti vapauke, naavo vanotungamirirwa ndivo vanosiyiwa mukukangaidzwa.

Jer. 16:4

vanozofa ngenhenda dzinotyisa. Avazochemwi nokuti kuikwa; asi vanozodai ngemadisa padera penyika. Vanozopedzwa ngeshoti nenzara, nemiiri yavo yakafa inozoita kudya kweshiri dzomudenga, nokwezvikara zvomunyika.

Jer. 18:21

Ndizvo pinzai vana vavo munzara, vapirenyi kusimba reshoti; vakadzi vavo ngavafirwe ngavana vavo nevamuna vavo. Vamuna vavo ngavaurawe ngenhenda; majaha avo ngavaurawe ngeshoti muhondo.

Jer. 20:6

Newe Phashuri, navo veshe vanogara mumhatso mwako, munozoenda muubatwa, nemwi munozoguma Bhabhuroni; naapo munozofa, nokuikwa apo, iwewe nehama dzako dzeshe, idzo dzewaprofetera manyepo.’ ”

Jer. 27:15

‘Andizi kuvatuma,’ unoronza Mambo Mwari, ‘Asi vanoprofeta manyepo ngezina rangu; nokugumisira kwazvo ndinozomudzingamwo, nemwi munozoparadzwa, imwimwi nevaprofeti vanoprofeta kwomuri.’ ”

Jer. 4:18

“Njira yako nemishando yako zvakuunzira izvi padera pako; uku kuri kushata kwako, kuvavanyi kwekunoita! Zvabaya mumwoyo mwako.”

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 7:33

Nemiiri yaava vanhu inozoita kudya kweshiri dzomudenga nekwezvikara zvomushango; pasina munhu unozodzityisa.

Jer. 8:1

“Ngouwo mukuwo,” unoronza Mambo Mwari, “Vanozobudisa mumaiba magodo emadzimambo aJudha, magodo evatongi, evapristi, evaprofeti, neeavo vamweni vanogara Jerusarema.

Jer. 8:2

Anozoparadzirwa pamberi pezuva, nepemwedzi nepehondo yeshe yomudenga, izvo zvevakada nokushandira, zvevakateera, zvevakatsvaka, nezvevakadira; avazounganidzwi, nokuti kutsirwa; anozoita kudai ngemadisa padera pehope yenyika.

Jer. 9:20

“Izwai, O madzimai, izwi raMambo Mwari, nzee dzenyu ngadzizwe izwi romuromo wake; mudzidzise vanasikana venyu kubonda, neumwe ngaumwe ngaadzidzise muakirwana wake chiriro.

Jer. 9:22

Ereketa! Izvi ndizvo zvinoronza Mambo Mwari kuti, ‘Miiri yevanhu inozowa yechifa kudai ngedisa murubaya, kudai ngemitsonzoti inosara sure kwomucheki, akuna unozoiunganidza.’ ”

Ezek. 39:14

Vanozoemesa vanhu vanozohambamwo munyika vechitsira vapambi vanosara padera penyika, kuti vaichenese; kwemwedzi minomwe vanozotsvakisisa.

Amo. 7:17

Ndizvo izvi ndizvo zvinoronza Mambo Mwari: ‘Mukadzi wako unozoita hure mudhorobha, vakororo vako nevanasikana vako vanozourawa ngeshoti, nenyika yako inozokoaniswa ngebote, newe wemene unozofira munyika isikazi kusukika, naIsuraeri ngegwinyiso unozopinda muusungwa kuretu kubva kunyika yake.’ ”

Mateu 15:14

Varekerenyi, vari mapofu anokweya mapofu. Nokudai bofu rechikweya bofu, eshe anozowira mukati mwerindi.”

Chakapangijihwa 16:1

Zvino ndakazwa izwi guru rechibva mutemperi rechironzera ngirosi nomwe rechiti, “Endai, mwodururira munyika mikheyo minomwe youshungu hwaMwari.”