Jer. 14:12 - Bhaibheri Rakachena muChindau

¹² Kunyazwi vanoera kudya, andizwi kuchema kwavo; kunyazwi vanopira mudiro wokupisha nomunikero, andizviashiri; asi ndinovapedza ngeshoti, ngenzara nenhenda.”

Jer. 14:12 Iomraidhean Croise

Jobe 27:9

Mwari unozwa here kuchema kwake apo echigumirwa ngemadambudziko?

Mazwi 1:28

Zvino vanozodaidzira kwendiri, asi andizopinguri; vanozonditsvakisisa, asi avazondioni.

Mazwi 15:8

Mudiro wewakashata chinyangadzo kunaMambo Mwari, asi mukumbiro wewakarurama kudakara kwake.

Mazwi 21:27

Mudiro wewakashata chinyangadzo; kunopinda kwakadini kunyangadza apo unounzwa nomupinimidzo wakashata!

Mazwi 28:9

Kudai umwe echifuratira nzee yake kuti asazwa mupango, nomukumbiro wake unoita chinyangadzo.

Isa. 58:3

Vanoti, ‘Ngenyi techiera kudya, asi auoni? Ngenyi techidzipfaisa pachedu, asi auringiri ndizvo?’ ‘Ringira, ngemazuva okuera kwenyu kudya munodzidakadza pachenyu, mwechitambudza vashandi venyu.’

Jer. 11:11

Ndizvo izvi, ndizvo zvinoronza Mambo Mwari, ‘Ringira, ndinozounza kushata padera pavo ukwo kwevasikazokoni kutiza; kunyazwi vanozodaidzira kwendiri, andizovapurutani.

Jer. 11:14

Asi iwewe, usakumbirira ava vanhu, nokuti kudaidzira, nokuti kupota ngendaa yavo, ngokuti andizopurutani ngomukuwo wevanodaidzira kwendiri ngendaa yokutambudzika kwavo.”

Jer. 15:1

Zvino Mambo Mwari wakati kwendiri, “Kunyazwi Mosi naSamueri vakaema pamberi pangu, asi mwoyo wangu aungakunukukiri kunevanhu ava. Vabvise pamberi pehope yangu, ngavaende.

Jer. 16:4

vanozofa ngenhenda dzinotyisa. Avazochemwi nokuti kuikwa; asi vanozodai ngemadisa padera penyika. Vanozopedzwa ngeshoti nenzara, nemiiri yavo yakafa inozoita kudya kweshiri dzomudenga, nokwezvikara zvomunyika.

Jer. 21:6

Ndinozochaya vagari veiri dhorobha, zveshe vanhu nemhuka; zvinozofa ngenhenda huru.’

Jer. 24:10

Ndinozotumira shoti, nzara nenhenda pakati pavo, metsa vapedzwe kubva kunyika yendakavapa namadzibaba avo.’ ”

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 6:20

Zvinodetserenyi kwendiri mutombo unegwema rakanaka unobva Shebha, nemhwarungu dzinotapira dzinobva kunyika iri kuretu? Mibairo yenyu yokupisha aiashiriki, nokuti midiro yenyu aidakadzi kwendiri.”

Jer. 8:13

“Naapo ndechida kuvaunganidza pamwepo,” unoronza Mambo Mwari: “Akuzoapo mavhini pamuvhini, nokuti maonde pamuonde, shakani rinozofota; neizvo zvendakavapa zvinozoparara kubva kwevari.”

Jer. 9:16

Ndinozovaparadzira pakati pemadzinza, awo asikazi kuziikanwa kwevari nokuti kumadzibaba avo; ndinozotumira shoti kuvateera metsa ndivapedze.”

Ezek. 14:19

Nokuti kudai ndechitumira nhenda munyikemwo, nokudurura ushungu hwangu padera payo ngokuparadza ngazi, ngokuuraya kubva kweiri vanhu nemhuka,

Ezek. 14:21

“Ngokuti izvi ndizvo zvinoronza Mambo Mwari: Kunozopinda kwakaitawani kukura apo ndinozotumira kuita kwangu kunouraya kwokutonga kwangu kurongomuna kunotyisa padera peJerusarema, shoti, nzara, zvikara zvinotyisa, nenhenda, kuuraya kubva kweiri vanhu nemhuka!

Ezek. 8:18

Ndizvo ininiwo ndinozovaitira ngoushungu; dziso rangu arizokunguriri, andizovasvipiri mwoyo; kunyazwi vanozochema munzee dzangu ngeizwi gurutu, andizovapurutani.”

Hos. 5:6

Vanozoenda nemitanga nemakwai avo nen'ombe dzavo kootsvaka Mambo Mwari, asi avazomuoni; wabva kwevari.

Amo. 5:21

“Ndinonyenya, ndinoshoora mishongano yenyu yemadhiri, andidakariri mishongano yenyu yokudira.

Mik. 3:4

Zvino vanozochema kunaMambo Mwari, asi aazovapinguri; unozofisha hope yake kubva kwevari ngouwo mukuwo, ngokuti vakaita zvakashata muzviito zvavo.

Zek. 7:13

Ndizvo zvakaitika, apo akadaidza, vakaramba kuzwa; ngokudaro apo vakadaidzira, neni ndakaramba kuzwa, unoronza Mambo Mwari wehondo,

Mar. 1:10

“O kudai umwe pakati penyu aizokonya misiwo, kuti musazobasira muriro padera pearita rangu pasina shwiro. Andidakari ndimwi, unoronza Mambo Mwari wehondo, neni andizoashiri munikero kubva kunyara dzenyu.

Mar. 2:13

Neizvi munoitawo: Munofukidza arita raMambo Mwari ngemasodzi, ngokuchema nokuboorera, ngokuti iye warekera kupinimidza ngomunikero, nokuti kuuashira ngokudakara kubva kunyara dzenyu.

Chakapangijihwa 6:8

Ndakaringira, ndikaona hachi rakacheneruka! Nomugadhi waro zina rake ndiRufu, neHaidhesi zvakamuteera; nazvo zvakapuwa simba padera perupande rwechirongomuna rwenyika, rokuuraya ngeshoti, ngenzara, ngenhenda nezvikara zvomunyika.