Jer. 13:27 - Bhaibheri Rakachena muChindau

²⁷ Ndaona zvinyangadzo zvako nokuomba kwako, nebope rokuomba, nouhure hwako hunotsverudza pazvimitunhu mushango. Ihehe kwouri, O Jerusarema! Metsa riini iwewe usati wacheneswa?

Jer. 13:27 Iomraidhean Croise

Nduyo 94:4

Vanoereketa mazwi okudzikudza; veshe vashandi vezvakashata vanodziganzisa.

Nduyo 94:8

Zwisisai, imwimwi mabungumupee evanhu; mapenzi, munozongwara riini?

Mazwi 1:22

“Munozoda zvoupenzi mukuwo wakadini, imwimwi musina ungwaru? Nevanoshoora vanozodakara mukuwo wakadini mukushoora kwavo nemapenzi enonyenya kuzia?

Isa. 57:7

Padera pakakwirira, nepadera pomutunhu wakareba mwanasira mibhedhi yenyu, mwakakwireyo koopira mibairo.

Isa. 65:7

zvishaishi zvenyu, nezvishaishi zvemadzibaba enyu pamwepo,” unoronza Mambo Mwari. “Ngokuti avo vakapisha mutombo unegwema pamutunhu, nokundituka padera pezvimitunhu, ndinozopima muzvizva zvavo muthuso wakaperera wemishando yavo.”

Jer. 11:15

“Mudikani wangu chiinyi chaachinacho mumhatso yangu, apo akaomba nevazhinji? Mhiko zhinji nenyama yokupira zvingadusa kuparadzwa kwako here? Apo unoita zvakashata unodakara here?

Jer. 3:6

Mambo Mwari wakati kwendiri ngamazuva aJosia mambo, “Wakaona here izvo zvaakaita uwo usikagondeki Isuraeri, kukwira kwaakaita padera pemitunhu yeshe napashi pemiti yeshe yakasvipirika, apo paakaita uhure?

Ezek. 16:23

“Ngesure kwokushata kwako kweshe (ihehe, ihehe kwouri! Unoronza Mambo Mwari, Mwari,)

Ezek. 2:10

Wakaritambanudza pamberi pangu; raiya rakanyorwa pamberi paro nesure kwaro, zvaiya zvakanyorwa padera paro mazwi echiriro, kuchema nokutambudzika.

Ezek. 20:28

Ngokuti apo ndaiya ndavaunza munyika, yendakapika kuti ndiipe kwevari, zvino kunyazwi ngepari pevakaona zvimitunhu zvakakwirira nemimbiti yeshe yakatsikana mashakani, vakapira mibairo yavopo, vakapira midiro yavo yokundinyangadza; naapozve vakapisha mitombo yavo inegwema rakanaka, vakadururapo midiro yavo yokumwa.

Ezek. 24:12

Ndadzirembesa pachangu ngokushanda zvisina shwiro; ngura yaro yakabatira aibvi. Kumuriro nengura rayo!

Ezek. 24:13

Asi apo pendakakuchenesa mutsvina yokuemura kwenyama, auzi kusukika kubva mutsvina yako; auchazosukwizve nakamwe, metsa ndapedza ushungu hwangu padera pako.

Ezek. 24:6

Ndizvo izvi ndizvo zvinoronza Mambo Mwari, Mwari: “Ihehe kunedhorobha rengazi, hari inengura mukati mwayo, ngura yayo aizi kubuda kubva kweiri! Budisai kubva kweiri chigurwa ngechigurwa; usatendera kuti zviitirwe mabhigidha.

Ezek. 36:25

Ndinozofafaza mvura yakaera padera penyu, nemwi munozoita vakasukika kubva mukusikasukika kwenyu kweshe, nokubva mukudira miedzaniso yenyu yeshe ndinozomusuka.

Ezek. 36:37

“Izvi ndizvo zvinoronza Mambo Mwari, Mwari: Ngendaa yeichizve ndinozotendera mhatso yaIsuraeri, kuti indikumbire kuti ndivaitire ichi, kuvawanza kudai ngezvifuyo.

Ezek. 6:13

Naapo munozozia kuti inini ndini Mambo Mwari, naapo vakafa vavo vanozoata pakati pemiedzaniso yavo yokudira kutendenedza maarita avo, padera pezvimitunhu zveshe zvakakwirira, nepadera pemitunhu yeshe, nepashi pemiti yeshe yakasvipirika, nepashi pemiti yeshe yemiokhi inemashakani, kundau dzeshe dzevakapira mitombo inegwema rakanaka kumiedzaniso yavo yeshe yokudira.

Hos. 1:2

Naapo paakatanga kuereketa Mambo Mwari kubudikidza ndiHosea, Mambo Mwari wakati kunaHosea, “Enda, udzitorere mukadzi hure, ubare vana vokuhura, ngokuti nyika inohura kakurutu ngokubva kunaMambo Mwari.”

Hos. 4:2

Kupika, kunyepa, kuuraya, kuba, kuhura zvaitwa; ngazi inoteera ngazi.

Hos. 8:5

Konyana rako rinorambwa, O Samaria.Ushungu hwangu hunobaka kurwa navo. Unozoita mukuwo wakadini vasati vaita vasina ndaa?

Zef. 3:1

Ihehe kuiswa mavhu, kusvipiswa, dhorobha rinotambudza!

Mateu 11:21

“Ihehe kwouri, Khorazini! Ihehe kwouri, Bhethisaidha! Ngokuti kudai mishando inesimba yaiya yakaitwa muThire neSidhoni, iyo yakaitwa mukati mwenyu, vaidai vakatotenderuka karetu, vane masaka nemarota.

2 VaK. 12:21

Ndinotya kuti apo ndogumeyozve, Mwari wangu unozondipfaisa pamberi penyu, neni ndingazotsumba ngendaa yevazhinji vakashaisha ngepamberi, vasikazi kutenderuka kubva mukusikasukika, kuomba nezvinotsverudza zvevakaita.

2 VaK. 7:1

Ndizvo vanodikanwa, kudai ngezvetinazvo izvi zvigondiso, ngatidzichenese pachedu kubva kunezvinosvipisa zveshe zvenyama nezvomweya, techiperera mukucheneswa mukutya Mwari.

Jakobe 4:4

Imwimwi vaombi! Amuzii here kuti ukama nenyika ugaa naMwari? Ndizvo kunyazwi ndiani unoda kuita ukama nenyika, unodziita gaa raMwari.

Chakapangijihwa 8:13

Zvino ndakaringira, ndikazwa godzi rechichema ngeizwi guru rechimbururuka pakati pomudenga rechiti, “Ihehe, ihehe, ihehe kwavari vanogara padera penyika, ngendaa yemazwi amweni ehwama dzengirosi nhatu dzichazoridza.”