Jer. 13:26 - Bhaibheri Rakachena muChindau

²⁶ Inini ndemene ndinozofukura chokusimira chako padera pehope yako, nokutsveruka kwako kunozooneka.

Jer. 13:26 Iomraidhean Croise

Isa. 47:3

Utitinini hwako hunozooneka, kutsverudzwa kwako kunozooneka. Ndinozounzidzira, andizotsari munhu.

Jer. 13:22

Nokudai wechiti mumwoyo mwako, “Ngenyi izvi zviro zvauya padera pangu?” Indaa youwandu hwezvishaishi zvako zvokusimira zvako zvafukurwa nezvisisinho zvako zvaremadzwa.

Jer. 49:10

Asi inini ndakaita kuti Esau ati buzu, ndakaduhumura ndau dzake dzakafishika, naye aakoni kudzihwadza pachake. Mibarirwana yake yaparadzwa, hama dzake nevaakirwana vake, naye emene apachina.

Chi. 1:8

Jerusarema rakashaisha kakurutu, ndizvo raita chishekedzo; avo veshe vairiremeredza vorishoora, ngokuti vaona utitinini hwaro; iro pacharo rinogwimba nokufuratira.

Ezek. 16:37

ndizvo, ringira, ndinozounganidza veshe vadikani vako, avo vewakadakara ndivo, veshe vewakada, naavo veshe vewakazonda; ndinozovaunganidza kurwa newe kubva kumarutii eshe, ndinozofukura utitinini hwako kwevari, kuti vaone utitinini hwako hweshe.

Ezek. 23:29

navo vanozoita kwouri mukuzonda, vanozotora yeshe michero yokushanda kwako, vanozokusiya uri mutitinini nomupunu, noutitinini hwouhure hwako hunozobudiswa, pamhene. Kuemura kwako kwenyama nouhure hwako

Hos. 2:10

Zvino ndinozoonisa kutsveruka kwake mukuona kwezvigango zvake, akuna unozomununura kubva kunyara yangu.

Hos. 2:12

Ndinozohwanda mivhini yake nemionde yake, yaakaereketa ndiyo kuti, “Iyi mithuso yangu yendakapuwa ngezvigango zvangu.” Ndinozoiita gwasha, nemhuka dzomushango dzinozoidya.

Nah. 3:5

Ringira, ndinorwisana newe, unoronza Mambo Mwari wehondo; “Neni ndinozofukura zvokusimira zvako metsa kuhope yako; ndinozoita kuti madzinza aringire utitinini hwako, noumambo huringire kutsveruka kwako.