Jer. 13:22 - Bhaibheri Rakachena muChindau

²² Nokudai wechiti mumwoyo mwako, “Ngenyi izvi zviro zvauya padera pangu?” Indaa youwandu hwezvishaishi zvako zvokusimira zvako zvafukurwa nezvisisinho zvako zvaremadzwa.

Jer. 13:22 Iomraidhean Croise

Isa. 20:4

ndizvo mambo weAsiria uchatungamirira vaEgipite vakaitwa vabatwa, nevaEthiopia kuvaita hloko, vatsva nevasharuka vari mititinini vasina magwada patsoka, vane magaro asikazi kufukidzwa, kutsverudza Egipite.

Isa. 3:17

ndizvo Mambo Mwari unozochaya ngemhezi padera pemasoro evakunda veZioni, naMambo Mwari unozofukura pamhene utitinini hwavo.”

Isa. 47:8

Ndizvo zvino izwa izvi, iwewe wakadzipira mukudisisa kudakara, uwo unogara mukungwaririka, iwe unoti mumwoyo mwako, “Ndini inini, akuna umwenizve ngepabanze pangu; andizogari kudai ngeshirikadzi, nokuti andizozii kurashikirwa ngevana.”

Jer. 13:26

Inini ndemene ndinozofukura chokusimira chako padera pehope yako, nokutsveruka kwako kunozooneka.

Jer. 14:16

Nevanhu vevanoprofetera kwevari vanozokandirwa mumapato eJerusarema ngendaa yenzara neshoti. Akuzoapo naumwe kuvatsira, ivo pachavo, vakadzi vavo, vakororo vavo, nevanasikana vavo. Ngokuti ndinozodururira padera pavo kushata kwavo.”

Jer. 5:19

“Naapo vanhu vako vanozoti, ‘Ngenyi Mambo Mwari, Mwari wedu, echiita zviro zveshe izvi kwetiri?’ Ngouwo mukuwo unozoti kwevari, ‘Kudai ngezvemwakandisiya nokudira zvimwari zvipara munyika yenyu, ngokudaro munozoshandira vapara munyika isiri yenyu akadi.’ ”

Chi. 1:8

Jerusarema rakashaisha kakurutu, ndizvo raita chishekedzo; avo veshe vairiremeredza vorishoora, ngokuti vaona utitinini hwaro; iro pacharo rinogwimba nokufuratira.

Ezek. 23:26

Vanozokhumura zvokusimira zvako, vanozotora zvinemeso zvako zvakanakisa.

Hos. 12:8

Efuremu wakati, ‘A, ndaita gurudza, ndadzionera upfumi; mukuuyirwa kwangu kweshe akuna kushata kwakaoneka mwendiri kungandiitira ndaa.’

Hos. 2:10

Zvino ndinozoonisa kutsveruka kwake mukuona kwezvigango zvake, akuna unozomununura kubva kunyara yangu.

Hos. 2:3

nokuti ndinozomukhumura kuti aite mutitinini, ndimuemese kudai ngezvaakaita ngezuva rokuberekwa kwake, ndimuite kudai ngeshango, ndimuemese kudai ngenyika yakaoma, ndimuuraye ngenyota.

Hos. 2:5

Ngokuti mai avo vakaita uhure; iye wakavabereka wakaita zvinotsverudza. Ngokuti wakati, “Ndinozoteera zvigango zvangu, zvinondipa chingwa changu nemvura yangu, nemamviri angu emakwai, rukangaza rwangu, mafuta angu, nokumwa kwangu.”

Nah. 3:5

Ringira, ndinorwisana newe, unoronza Mambo Mwari wehondo; “Neni ndinozofukura zvokusimira zvako metsa kuhope yako; ndinozoita kuti madzinza aringire utitinini hwako, noumambo huringire kutsveruka kwako.

Zef. 1:12

Panguva iyo ndinozotsvakisisa Jerusarema ngezvibani, neni ndinozoorora vanhu vakagara pamasese avo, avo vanoti mumwoyo mwavo, ‘Mambo Mwari aazoshandi zvakanaka, nokuti zvakashata.’

Dhuto. 18:21

Nokudai mwechizoti mumwoyo mwenyu, “Tingaita maziirenyi izwi iro raasikazi kuereketa Mambo Mwari,”

Dhuto. 7:17

Kudai mwechizoronza mumwoyo mwenyu kuti, “Aya madzinza ari akawanda kupinda isusu. Tingavaita madzingirenyi?”

Dhuto. 8:17

Nemwi musazoronza mumwoyo mwenyu kuti, “Isimba rangu, nesimba renyara dzangu kuti ndione uhwu upfumi.”