Jer. 13:19 - Bhaibheri Rakachena muChindau

¹⁹ Madhorobha okubani akonywa, apana naumwe unoabeura; Judha weshe unotorwa kuitwa hloko, unotorwa yaamho kuitwa hloko.

Jer. 13:19 Iomraidhean Croise

2 Madzi. 25:21

Mambo weBhabhuroni wakavabaya, akavauraya muRibra munyika yeHamathi. Ndizvo vaJudha vakatorwa kubva munyika yavo.

1 MaKro. 9:1

Ndizvo veshe vaIsuraeri vakaerengwa ngemazina avo; naaya akanyorwa muBhuku reMadzimambo aIsuraeri. NaJudha wakatorwa kooitwa hloko Bhabhuroni ngendaa yezvishaishi zvavo.

Jobe 12:14

Kudai echipwanyira pashi, akuna naumwe ungazviakisa kudai echikonyera munhu, akuna naumwe ungamubeurira.

Jer. 17:26

Vanhu vanozouya kubva kumadhorobha aJudha, nokundau dzinotendenedza Jerusarema, kubva kunyika yaBhenjamini, kubva Shefera, kubva kunyika yezvimitunhu nokubani, vechiuya nemidiro yokupisha nemibairo nemidiro yezviyo nomutombo unegwema rakanaka, vechizviunza kumhatso yaMambo Mwari midiro yokubonga.

Jer. 20:4

Ngokuti izvi ndizvo zvinoronza Mambo Mwari: ‘Ringira, ndinozokuita unodzityisa iwewe pachako nokuvangani vako veshe; navo vanozourawa ngeshoti yemagaa avo, iwewe wakaringira. Neni ndinozopa Judha weshe munyara yamambo weBhabhuroni; unozovatora vari vabatwa kuenda Bhabhuroni, unozovauraya ngeshoti.

Jer. 24:1

Mambo Mwari wakandionisa zvitundu zviiri zvemaonde zvakaiswa pamberi petemperi raMambo Mwari. Izvi zvakaitika ngesure apo mambo Nebhukhadhineza weBhabhuroni atora kuvaita vabatwa kubva Jerusarema mambo Jekhonia, mukororo waJehoiakimu mambo waJudha, pamwepo nevatongi vaJudha, vatsetsi, nevapfuri, kuenda navo Bhabhuroni.

Jer. 28:4

Ndinozopetudza kundau iyi Jekhonia mukororo waJehoiakimu mambo waJudha, pamwepo nevabatwa veshe vaJudha, avo vakatorwa kuenda Bhabhuroni, ngokuti ndinozogura joka ramambo weBhabhuroni,’ unoronza Mambo Mwari.”

Jer. 32:44

Vanhu vanozotenga minda ngemare, nokunyora mutsamba, nokuinama ngechidhindo, nokutora zvapupu munyika yaBhenjamini, nomundau dzinotendenedza Jerusarema, nomumadhorobha aJudha, neenyika yezvimitunhu, neeShefera neokubani; ngokuti ndinozopetudza vakabatwa vavo,” unoronza Mambo Mwari.

Jer. 33:13

Mumadhorobha omunyika yezvimitunhu, neemubani, nomumadhorobha okubani, nomunyika yaBhenjamini, nomundau dzinotendenedza Jerusarema, nomumadhorobha aJudha, zvifuyo zvinozopinda ngepashi penyara youwo unodzierenga,” unoronza Mambo Mwari.

Jer. 39:9

Zvino Nebhuzaradhani nduna yevarindi wakatora kuenda Bhabhuroni veshe vevanhu, avo vakasiyiwa mudhorobha, kuvaita vabatwa, naavozve vakatiza kuenda kwaari, pamwepo nevanhu vakasaramwo.

Jer. 52:27

Namambo weBhabhuroni wakavachaya, akavauraya paRibra munyika yeHamathi. Ndizvo Judha wakapinda muusungwa kuitwa hloko kubanze kwenyika yake.

Jer. 52:28

Avo ndivo vanhu vaakatora Nebhukhadhineza kuita hloko: mugore rechinomwe rokutonga kwake wakatora vaJudha makumi emazana matatu, nemakumi mairi nevatatu (3,023).

Jer. 52:30

Mugore remakumi mairi nematatu rokutonga kwaNebhukhadhineza, Nebhuzaradhani nduna huru yevarindi wakatora vaJudha mazana manomwe nemakumi marongomuna nevashanu (745), kuvaita hloko: vanhu ava veshe vakaita makumi emazana marongomuna nemazana matanhatu (4,600).

Chi. 1:3

Judha rapinda muuhloko munokutambudzika nouhloko hukuru; rinogara zvinopano pakati pemadzinza; arioni ndau yokuzororera; varumbiriri varo vakaribatira pakamanikana.

Zek. 7:7

“Awo andiwopi mazwi aakadaidzira Mambo Mwari ngevaprofeti vokutanga, apo Jerusarema richine vanhu nouthende, pamwepo nemadhorobha aro akaritendenedza, naapo vanhu vachakagara mubani nemarutii emitunhu here?”

Dhuto. 28:15

Asi kudai musikazopurutani izwi raMambo Mwari, Mwari wenyu, kungwarira kuita yeshe mipango yake, nezviemeso zvake zvendinomupanga nyamashi, izvi zveshe zvituko zvinozomugumira nokumubata.

Dhuto. 28:52

Rinozomukomba mumadhorobha enyu eshe, metsa marukumbati enyu akareba akashosherwa, anemagondero enyu, awa pashi mukati mwenyika yenyu yeshe; rinozomukomba mumadhorobha enyu eshe, mukati mwenyika dzenyu dzeshe dzemwakapuwa ndiMambo Mwari, Mwari wenyu.

Josh. 18:5

Vanozoigura kuita marupande manomwe; vaJudha vanozogara munyika yavo, ngokurutii rwokubani, nevemhatso yaJosefa vanozogara nyika yavo yedera.