Jer. 13:18 - Bhaibheri Rakachena muChindau

¹⁸ Ronzai kunamambo nokuna mai ake, “Dzipfaisei, mugare pashi; ngokuti dzungudza renyu rakanaka rawa pashi kubva pasoro renyu.”

Jer. 13:18 Iomraidhean Croise

2 Madzi. 24:12

Jehoiakhini mambo waJudha wakabuda kuenda kunamambo weBhabhuroni, wakadzipira kunamambo weBhabhuroni iye pachake, mai ake, varanda vake, makota ake, nenduna dzake. Mambo weBhabhuroni wakamutora kuita musungwa ngegore rechisere rokutonga kwake.

2 Madzi. 24:15

Wakatora Jehoiakhini kuenda Bhabhuroni; mai amambo, vakadzi vamambo nduna dzake, nemakota enyika, wakatora ava kubva Jerusarema kuenda Bhabhuroni kuti vaite hloko.

2 MaKro. 33:12

Naapo aamukutambudzika, wakatsvaka Mambo Mwari, Mwari wake, naye wakadzipfaisa kakurutu pamberi paMwari wamadzibaba ake.

2 MaKro. 33:19

Mukumbiro wake, nenjira iyo Mwari yaakaashira ndiyo kupota kwake, kushaisha kwake kweshe nokusikagondeka kwake, ndau dzakakwirira dzaakaaka, paakaita sika dzokudira nemiedzaniso yakatsetswa apo asati adzipfaisa, izvi zvakanyorwa mubhuku revafemberi.

2 MaKro. 33:23

Aazi kudzipfaisa kunaMambo Mwari, kudai ndibaba ake Manase wakadzipfaisa, asi uyu Amoni wakapauka kakurutu nokupinda kushata.

EKISEDHUSI 10:3

Mosi naAroni vakapotera muna Faro, vakati kwaari, “Unoronza izvi Mambo Mwari, Mwari wevaHebheru, ‘Unozoramba kudzipfaisa pamberi pangu mukuwo wakaitawani? Tendera vanhu vangu kuti vaende, vandidire.

EKISEDHUSI 39:28

nechiqoko chorukangaza rwakanaka, nezviqoko zvakanaka zvorukangaza rwakanaka, nemaburuku orukangaza rwakanaka rwakakoshwa,

Mazwi 27:24

ngokuti upfumi haugari mhera nariini, nokuti dzungudza arigariri mibarirwana yeshe.

Isa. 3:20

madhuku akapombwa, mathuza omutsoka, mabhande, mabhokisi emitombo inegwema rakanaka, nousenga;

Isa. 3:26

Nemisiwo yake inozochema nokubonda; mukuparadzwa, unozogara pashi pamavhu.

Isa. 47:1

Dzaka pashi, ugare mubukuta, iwewe mhandwe, mwanasikana weBhabhuroni! Gara pashi pamavhu pasina dendemaro, mwanasikana wevaKharadhea! Ngokuti auchazodaidzwi kuti wakapfaa nousikabatiki.

Jer. 22:24

“Kudai ngezvendinopona, unoronza Mambo Mwari, kunyazwi kudai mambo Konia mukororo waJehoiakimu waJudha waiya ndandazi yakanangurwa yepanyara yangu yokumudyo, kunyazwi ndaizokubvisapo

Jer. 22:26

Ndinozokurasha namai akakubara munyika imweni kwomusikazi kubarirwa, nemwi munozofiremwo.”

Jer. 29:2

ngesure kwokubva kwavo Jerusarema, Jekhonia mambo, namai ake, vakuru voruwanze, vatungamiriri vaJudha neveJerusarema, vatsetsi nevapfuri.

Jer. 36:16

Naapo vazwa mazwi eshe, vakakunukira umwe kunoumweni vechikaruka, vorovoti kunaBharukhi, “Ngegwinyiso tinozoronzera mambo ngaaya mazwi eshe.”

Chi. 1:6

Unaku hweshe hwemwanasikana Zioni hwapera. Vatongi varo vadai ngeshoma dzisikaoni mafuro, vakatiza vasina simba pamberi pevarumbiriri vavo.

Chi. 1:9

Tsvina yaro iri munezvokufuka zvaro; aripinimidzi ngemagumisiro aro; kuwa kwaro pashi kunoshamisa, pasina naumwe muembedzeri. “O Mambo Mwari, ringira kutambudzika kwangu, ngokuti gaa ranyisa.”

Chi. 2:10

Vakuru vomwanasikana weZioni vanogara pamavhu mukunyarara; vakandira bukuta pamasoro avo nokupfeka machira emasaka; mhandwe dzeJerusarema dzinokotamisa masoro adzo pamavhu.

Chi. 5:16

Dzungudza rawa kubva pasoro redu; ihehe kwetiri ngokuti tashaisha!

Ezek. 16:12

Ndakaisa ndandazi mumiro yako, nemativhera munzee dzako, nedzungudza rakanaka padera pesoro rako.

Ezek. 21:26

izvi ndizvo zvinoronza Mambo Mwari, Mwari echiti, ‘Dusa ngututu, bvisa dzungudza, uriise pashi. Zviro azvizogari zvakaita zvezvakaita. Kwidza icho chakadzaka pashi, udzase icho chakakwirira.

Ezek. 24:17

Gomera, asi usadaidzira, usazoita chiriro chowafa. Sunga dhuku musoro mwako, upfeke magwada ako mutsoka dzako, usazofukidzira muromo wako wedera nokuti kudya chingwa chevachemi.”

Ezek. 24:23

Maduku enyu anozosungwa padera pemasoro enyu, nemagwada enyu anozopfekwa patsoka dzenyu; amuzotsumbi nokuti kuchema; asi munozoperezeka muzvishaishi zvenyu, mwechidemberana umwe kunoumweni.

Ezek. 44:18

Vanozosunga madhuku orukangaza musoro mwavo, nemabhuruku orukanganza mizviunu zvavo; vasazodzisimidza ngechiro nokuti ngechiri chinobudisa ziya.

Dha. 5:20

Asi apo mwoyo wake wadzikudza, nomweya wake wakonzeswa ngokudzikudza, wakabviswa padendemaro roumambo hwake, navo vakamutorera uthende hwake.

Jona 3:6

Naapo mashoko akaguma kunamambo weNinevhe, wakamiruka kubva pedendemaro rake, akabvisa chokufuka chake, akapfeka machira emasaka, akagara mumarota.

Mateu 18:4

Ndizvo iye unozodzipfaisa kudai ngouyu mwana mudoko, iye ndiye wakakurisisa muumambo hwomudenga.

Jakobe 4:10

Dzipfaisei pamberi paMambo naye unozomukurisa.

1 Pet. 5:6

Ndizvo dzipfaisei pashi penyara yaMwari inesimba, kuti amutunhumadze ngomukuwo unosisira.